1 CORINTIOS 13:8 - Lengua Sur (Enxet) Nuevo Testamento

⁸ Megkamassegwomek xa negásekhayo nak. Xama ekhem sat kamassegwók apkelxeyenma énxet'ák ma'a amya'a eñama nak Dios, kamaskok sat nahan apkelpakmeta m'a amya'a magya'áseyak nak. Kamaskok sat nahan apkelapmenyého m'a negya'ásegwayam nak.

1 CORINTIOS 13:8 ပူးပေါင်းရင်းမြစ်များ

SAN LUCAS 22:32

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.

LOS HECHOS 13:1

Apheykha axta énxet'ák Dios appeywa apkellegaso m'a apchakneykekxexa nak énxet tegma apwányam Antioquía, tén han ma'a énxet apkelxekmóso nak apnámokkok. Bernabé axta m'a, tén han ma'a Simón, (apkeltamhomakpo axta nahan appeysyam), Lucio apkeñama Cirene axta anhan ma'a, Menahén axta anhan ma'a (aptaha axta apkektegeykegkoho xamo' Herodes, cham'a aptéma axta wese' apwányam yókxexma Galilea), Saulo axta nahan ma'a.

LOS HECHOS 19:6

Xama axta anhan apnegkena apmék Pablo, apweywenteyk axta Espíritu Santo apyetseksa'ák xa énxet'ák nak, apkelpakmetchek axta mók ektémakxa apkelpeywa, apkeltennáha axta anhan amya'a eñama nak Dios.

LOS HECHOS 2:4

Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

1 CORINTIOS 12:10

Enxama nahan cha'a apxakak apmopwána elának aksok sempelakkaso nak agweta', keñe nahan cha'a enxama apxaka apmopwána eltennaha amya'a eñama nak Dios, keñe nahan cha'a enxama apmésa Dios apmopwána ékpelkohok ma'a espíritu apmopwána amya'a nak, keñe nahan ékpelkohok ma'a Espíritu apmámnaksoho nak; enxama nahan cha'a apxakak apmopwána epakmétek mók ektémakxa appeywa magya'áseyak nak; keñe anhan enxama apxaka apmopwána exénekxohok ektémakxa xa amya'a magya'áseyak nak.

1 CORINTIOS 13:10

hakte kammok sat néxa xa, cham'a ekwa'a sat ma'a ektaha nak ekmámnaksoho agko'.

1 CORINTIOS 13:13

Antanxo ekyetna m'a ektaha nak megkamassegwayam; magya'áseyam, nelhaxneykha, tén han negásekhayo; wánxa eyke ektaha ektakmela neyseksa antanxo xa negásekhayo nak.

1 CORINTIOS 14:39

Elyáxeg selásekhayo, kólteme kélmámenyého kéxegke kóltennaha amya'a eñama nak Dios, kólho nahan elpakmétek kélnámokkok ma'a amya'a mók ektémakxa magya'áseyak nak;

1 CORINTIOS 8:2

Apkeneykek agkok ey'ásegkohok aksok enxama, mey'ásegkok makham ma'a eyéméxko nak ey'asagkohok.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

HEBREOS 8:13

Axta apxénak Dios ektaha ápak ma'a émha amonye axta ekhémo mók nelpakhetchásamáxkoho Dios, cham'a apxéna axta Dios ma'a axnagkok ekhémo mók nelpakhetchásamáxkoho Dios nak. Kaxwo' sat eyke kamassegwók xa ápak nak, ektémol'a kalesók aksok apák.