Yuda 1:8 - Katɔti Ɔku Kedee

⁸ Lɛni kani na ala ani na bekyuli bekpidi bani na bébeduo-mii akɔ baanu na ana ani na baatɛ teegye kemmo ni, áya na baabla alaekpidi ani mɔɔyá bana ɔlɔna uusé lɛlɔ. Báta bénye Katɔti lɛlɔ na baatɛmi enyekpi na bagadine lɛlɔ.

Yuda 1:8 ပူးပေါင်းရင်းမြစ်များ

Ala Kalɔ Buse 3:5

Mmomu Katɔti ɔgyi ka si bɛ́di kugyii kɔmmɔ ebi ni, bɛdubo anu bɔda. Na bɛdubo bɔbla aani anwu Katɔti kalɛ. Na bɛdubɔnu lɛbuni ku likpidi lɛnɔ bɛti.”

Israelƒuɔ Bɔlɛ 22:28

“Na bitetemi enyekpi na bina Katɔti lɛlɔ. Na ɔdi utewida bina batɔnkune.

Agba 30:11

“Bekyuli badi beewida bana bati, na belete bana beni kusɛ kusɛ.

Agba 30:17

“Anumi ani mɔɔnu ɔti ɔnusɛ teedumi na ulánu ɔnii ɔ́manku ka unu uni litemi ni, baasɛ bekpidi bani nkya kɔwɛ kemmo ndubo bebedie-ma anumi na livuo kemmo na begbini baduli-ma bebweli ƒui.

Etemila 10:20

Tabɛ takya ƒula ɔtɔ kemmo na ataalɔ ɔga iye ɔlakɛne ɔdi lɛnyi eteedumi na eteewida-nwu. Ɔƒɛni kalɛ aasɛ blii ɔdi úveyi ɔɔví eli na ɔdubuti-ɔ litemi utásu-ma.

Bumomo Bɔka 16:3

Bekyuli bamɛni báta na lisu kemmo bésie Mose ku Aaron kudɔ na bátásu-ma banini, “Bɛɛyɔ́ bisie ɔgyu bɛgya! Israel kadi bekyuli ƒui bese kedee bete Unwoti bana ɔdi biala, na Unwoti ulieku bula ƒui. Na bi ɔsu na bɛɛnu lɛlɔ katɔ katɔ teetuloku Unwoti bekyuli lɛni?”

Luka 11:25

Anwuɔsu ɔɔsɔ teesie taatánu ka bákpala ɔtɔ ɔmmɔ kemmo sɛɛn na béni ala ƒui.

Luka 12:11

“Si bákpanku-mii bésienku Yudaƒuɔ kɔsakɔ iye batɔnkune iye bagadine anumi banii baatɛku-mii litemi ni, ɔƒɛ utada-mii bɛnii bi na bɛdubo bɔsu iye dɛ na bɛdubudie lɛlɔ kenye.

Luka 19:14

“Nsu ɔnana ɔmɛni ɔma bekyuli béteekisi-nwu, anwuɔsu bátala batu badi na básia-nwu kama banii batásu Ɔga Unengudi banii, ‘Bulayɔ ka ɔnana ɔmɛni unwini-bu ɔga.’

Batalane Kabla 23:5

Anwuɔsu Paulo údie kenye ɔnini, “Banwa, ńtati nnii anwu ndi ɔkpane unengudi, nka ńtasu-nwu lɛni. Ɔsika Bunweni Kedee Ɔku ɔ́su ɔnii, ‘Bitetemi lɛla likpidi lɛdi na bina batɔnkune lɛlɔ.’ ”

Batalane Kabla 7:27

“Nsu ukyuli ɔni náƒiɔ na nkyuli inyɔ bamɛni kemmo ni, údi Mose na ɔ́su-nwu ɔnini, ‘Taatɛku awɔ lɛdi! Ɔma nédie-ɔ bula lɛlɔ ɔdine ku bula litemi ɔtɛne?

Batalane Kabla 7:39

“Nsu ni, bula bati bénwini kama bákya Mose ɔni na báyɔ ka basɔ benwini beteesie Egyipte kalɔ lɛlɔ.

Korintoƒuɔ 1 3:17

Ɔsika Katɔti kakpakɔ kese kedee, na amii ndi nwuna kakpakɔ kammɔ. Anwuɔsu si ɔdi úgyingya Katɔti kakpakɔ kammɔ ni, Katɔti ɔdubɔyila-nwu udu.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Timoteo 1 1:10

Na badi bekyuli bani mɔɔdi kɔsɔnɔ ku banana bani mɔɔtɛnku lɛlɔ. Badi bekyuli bani muuyú bekyuli teetéye ku ɔkɔ banyine ku ama bani mɔɔnyi ɔkɔ taakpali ala. Na ama bani ƒui naaasiaku ala bɔtina bɔbuni kama ni, ama na bébo ɔda ɔmɛni béte.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Petro 1 2:17

Bɛbu bekyuli ƒui. Bɛyɔ bina banwani. Na bɛyia Katɔti. Na bɛbu Ɔga Unengudi lɛnɔ.