Yuda 1:4 - Katɔti Ɔku Kedee

⁴ Bekyuli bekpidi bani naaayia Katɔti bábɛ béduo-mii akɔ. Na Katɔti ɔ́lɛ ugyii úse ɔ́si kukuuku ƒui ka ɔdubɔdu-ma kɔtɔ na ɔyila-ma udu. Badi bekyuli bekpidi bani nákɛ kasiakɔ na bánu kalɛ na Katɔti ubo lɛƒɔndia úte-bu, na bátu ala bénwini kalɛ na bakɛ kuƒi bataabla bana lɛyalɛ ku likyulikpi ala na béni bula ɔga unengudi ƒui ɔni kani ndi Blɔti Yesu Kristo.

Yuda 1:4 ပူးပေါင်းရင်းမြစ်များ

Samuel 2 22:5

“Kukpi kabuli kényimi-mi. Na útiku-mi úselaku aani kalɛ ketu kani néyi keeminime.

Kɔgya 1:1

Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.

Kɔgya 62:2

Awɔ lɛti ndi mina lɛtakpɛ lɛni lɛlɔ na nkpo kalɛ na lɛkɛ bɔƒɔ. Na awɔ ndi mina katamikukɔ kpakplaa ɔsu ɔdi biala uladi-mi lɛlɔ kudii.

Mateo 13:25

Na usien ɔdi ka bekyuli ƒui báatɛ ni, nwuna ukisine ɔdi útágya livo likpidi ebi ɔ́kya edula ammɔ kemmo na ɔ́gyu ɔ́tɔlɔ.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Batalane Kabla 15:24

Búnu ka baƒɔtaadine badi bási bula akɔ mɛni, na bébo mmɔ bábakyaku-mii unyeƒi na bula Yudaƒuɔ ɔlɔna bukulo ɔdi lɛlɔ. Nsu ni, bútatala-ma bɔnii babasu-mii ala amɛni udu.

Galatiƒuɔ 2:4

Nsu ɔkɔ banyine bani néti lɛlɔ bénwini banwa badi béyu béduo-bu akɔ, na bábɛ baatú-bu kalɛ na bati bɔnwuna bɔni na bubo na Kristo Yesu kemmo na baya na bɔsɔ bunwini kabla bablane bute Yudaƒuɔ ɔdi ala bɔbla.

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Timoteo 1 5:8

Na si bina akɔ ɔdi úni na uláda nwuna kaduli bekyuli kaduɛ ni, agyi anii ɔɔɔsiaku bɔƒɔtaadi bɔmmɔ kama, na nwuna litemi líbie litulo ukyuli ɔni nátaƒɔ útadi.

Timoteo 2 2:12

Si bɔ́kana na bunye kpakplaa na lɛbibo biala kemmo ni, abu ku-nwu bɔdubɔdi lɛga. Na si buuní-nwu ni, anwu lɛnɔ ɔdubuni-bu.

Timoteo 2 3:6

Ɔsika bekyuli bamɛni udu ni, baabɛ́ teeduo bekyuli kɔduli na baadi beleku bani naaakana bana lɛlɔ bɔda lɛlɔ, ɔsika ekpidi lidu lidu bɔbla bɔ́ya na beeebo bunwini teewi.

Petro 1 2:16

Bilie aani bekyuli bani naaakya bekyuli bamba kalɔ. Nsu bitabla likpidi ka bilie bite lɛlɔ ɔsu. Mmomu bilie ngba aani Katɔti kabla bablane.

Petro 1 2:8

Na Bunweni Kedee Ɔku likpo bamba lɛɛsu lɛnini, “Ɔdi lɛtabi lɛni ndubɔya na bekyuli betulo, na ani kani ndubɔya na begyiile bebuli.” Bétulo, ɔsika bátadi litemi lɛmmɔ lɛlɔ. Na lɛni na Katɔti ɔ́su úse ka walɛku-ma.

Petro 1 4:18

Bénweni na Bunweni Kedee Ɔku kemmo banii, “Si ɔdubɔyu bekyuli babuni muedi ɔkplu geen asa na Katɔti waƒɔ-ma ni, bi malɛku ala ekpidi bablane ama?”

Petro 2 2:10

Na bani geen na ɔdubɔni kɔtu utulo ndi bani na ɔlɔna ala aada-ma ɔkwɛ na balábu Katɔti munu munu. Bekyuli bamɛni ni, beesé kayi kekpidi muedi teedumi kayaa bayikune.

Petro 2 2:7

Katɔti údie Lot ɔni nse siin, ɔsika ngba bukpidi ku lɛyalɛ ala ani na bekyuli bammɔ baabla áda-nwu ɔƒɛ.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.

Yohane 1 2:22

Na ɔma ndi ɔkɔ ɔnyine? Ɔkɔ ɔnyine ɔmmɔ ndi ukyuli ɔni muuní ka Yesu ndi Ukyuli Ɔƒunadi ɔmmɔ. Ukyuli ɔmmɔ udu ndi ukisine ute Kristo. Na ukyuli ɔmmɔ úni Katɔti ku Ubidi ɔmmɔ ƒui.

Yuda 1:15

Bébo banii babatɛku bekyuli ƒui litemi. Na bekyuli bani ƒui na balábla Katɔti lɛƒɔyɔ ku ala ani ƒui na bábla ka baláyia Katɔti ɔsu ni, bátɛmi enyekpi na nwuna lɛlɔ. Anwuɔsu Katɔti ɔ́ni-ma kɔtu.”

Yuda 1:18

Básu banini, “Emeyi ekplodi ammɔ kemmo ni, bekyuli badubo-mii buti bɔbla lɛmala na ala ani baasu taasiku-mii lɛlɔ ɔsu. Na basiaku bana udunkpi ala ani na Katɔti ulayɔ kama.”

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”