Yuda 1:25 - Katɔti Ɔku Kedee

²⁵ Anwu ɔmmɔ ndi Katɔti unwi pɛ ɔni náƒɔ-bu ngba ɔkɛ Blɔti Yesu Kristo lɛlɔ. Anwu na buumwi, ɔsika anwu mɔɔdi lɛga na ɔɔdi ala ƒui lɛlɔ ku ɔyikun ɔ́si kukuuku ku uwi ɔmɛni kemmo ku ɔni mebo lɛnɔ kemmo. Ɔsia lɛni.

Yuda 1:25 ပူးပေါင်းရင်းမြစ်များ

Ala Alɛdi 1 29:11

Ebo ɔyikun bonwu geen na bekyuli baanu kalɛ na eekeye na kesii biala na katɔ mmɔ ku kalɔ lɛlɔ mɛni ƒui. Awɔ ndi kayawi kammɔ ƒui ɔga.

Kɔgya 104:24

O Unwoti ábla ala pii ɔkɛnku ƒula lɛnunda lɛlɔ. Na áya na ƒula ala ediedi áƒɔ kalɔ kammɔ ƒui lɛlɔ.

Kɔgya 147:5

Bula Unwoti Katɔti úbomo na ubo ɔyikun geen. Nwuna lɛnunda lɛni na ɔda ɔɔnu ala kemmo kágyu geen, na uuubo kawɔlɔkɔ.

Kɔgya 78:20

Nsu sɔsɔ ni, ɔ́ya na báƒiɛmi lɛtakpɛ ugyii na ntu bɔɔtu taalɛ na bɔɔgbá aani ketu. Ɔmɛni ƒui kama ni, básɔ béye banini, “Na adila nɔɔ? Ɔdubɔkana-bu adi bute ku lɛna?”

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 45:21

Bɛta na bɔsa na litemi katɛkɔ, munuu ńtasu-mii ɔ́si kukuuku lɛla lɛni ndubo libalɛ? Ami lɛti kani ndi Katɔti ɔmmɔ! Na ɔdi ɔsɔ uuubunku-mi. Ami kani mɔɔƒɔ́ bekyuli ngba na ami kani mɔɔbla ala ulu siin lɛlɔ.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Luka 1:47

Na lɛlɔ lɛɛyɔ́ mina kɔyu na Katɔti ɔni ndi mina Ɔƒɔne lɛlɔ.

Yohane 4:22

Ɔƒɛni amii Samariaƒuɔ ni, bɛɛkpá lɛla lɛni bɛɛɛgyi. Nsu abu Yudaƒuɔ ni, abu bɔgyi ala bɔ́siku-nwu lɛlɔ. Ɔsika bekyuli budie na likpidi kemmo ni, Yudaƒuɔ akɔ na bɔ́si bubo.

Yohane 5:44

Dɛ na ɔdubɔbla asa na bɛƒɔ-mi bɛdi ka bilie bɛɛwia bumwi taasiku bina lɛlɔ kudɔ, na biláwia ka Anwu ɔni lɛti pɛ ndi Katɔti umwi-mii?

Romaƒuɔ 11:33

Katɔti úbomo geen na ala abuni ƒui ási-nwu kudɔ. Na geen ni, ɔ́da anu na ɔgyi ala ƒui kemmo kaduɛ. Ukyuli ɔdi ulénu ulu ɔni lɛlɔ na ɔɔsia taatɛ litemi kalɔ. Na ukyuli ɔdi ulénu lilu lɛni lɛlɔ na ɔɔsia taabla nwuna ala kalɔ.

Romaƒuɔ 11:36

Ala ani ƒui nási Katɔti kudɔ, na anwu ɔlati lɛlɔ na ɔkɛ údie-nya, na adi anwu adi. Bɛya na bɔkɔliku-nwu lɛnyi katɔ ɔ́si ɔƒɛni úsela ƒui. Ɔsia lɛni.

Romaƒuɔ 16:27

Katɔti ɔni lɛti ndi ɔnundane ni, anwu na ɔlɛka bumwi ka ɔ́si ɔƒɛni úsela uwi ƒui na Yesu Kristo lɛnyi kemmo! Ɔsia lɛni.

Eƒesoƒuɔ 1:8

Lɛƒɔndia lɛni neeebo bɔkɔku bɔdi. Ɔkɛnku nwuna lɛnunda ku kalɛ na nwuna kasusu kagyi lɛla biala ɔsu ni,

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Eƒesoƒuɔ 3:21

Bimwi-nwu na baƒɔtaadine akɔ ɔkɛnku Kristo Yesu lɛlɔ na kadi bekyuli ƒui akɔ ɔ́si ɔƒɛni úsela uwi ƒui. Ɔsia lɛni.

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Timoteo 1 2:3

Katɔ bɔkpali bɔmɛni mɔɔyɔ́ bula Ɔƒɔne Katɔti kaƒɔ.

Tito 2:10

Beteyu-ma lɛnɔ, mmomu batina-ma ka badi bekyuli babuni na baabla ala ulu lɛlɔ teete-ma. Ɔmɛni ndubɔya na banu bati ka bula ala ani na bɔɔtina na Blɔti ɔni ndi bula Ɔƒɔne lɛlɔ ni, adi ala abuni.

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Tito 3:4

Nsu uwi ɔni na Blɔti, bula Ɔƒɔne, údie nwuna lɛƒɔndia ku bɔyɔ ɔ́tina-bu ni,

Hebriƒuɔ 13:8

Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Budie Taatina 1:6

Na ɔ́bla-bu baga ku bakpane bani mɔɔkpanku bekyuli teeboku Ɔti ɔni ndi Katɔti. Uukeye, na ubo ɔyikun ɔ́si ɔƒɛni úsela ƒui! Ɔsia lɛni.