Yuda 1:23 - Katɔti Ɔku Kedee

²³ Na bidie babambadi lɛnɔ ɔkplu kemmo na beleduo lɛgyavonku lɛmmɔ kemmo. Na bakladi ni, bitaanu-ma kɔnyana. Nsu bɛgyumana bina lɛlɔ kalɛ na bana lɛyalɛ udunkpi ɔni náƒɔ-ma lɛlɔ aani adala kalɛ alávi-mii.

Yuda 1:23 ပူးပေါင်းရင်းမြစ်များ

Agba 7:8

Okloƒu ɔmɛni ɔ́sia ɔblɔnu ɔdi lɛlɔ ɔɔyu úsela okodo ɔdi. Na ulu ɔmmɔ ɔkɛ ɔ́vi uleku ɔmɛni ɔtɔ kudɔ.

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Kɔnyana Buwulo 4:14

Sɔsɔ geen na ɔdi ka bekyuli ubugya ɔ́ƒɔ kenye bediene bammɔ ku bakpane bammɔ enu. Na ukyuli biala ɔsɔ ulayɔ ka ɔni ude-ma uwi ɔni na bakɛ beesié taasɔ na lɛblɔnu ƒui lɛlɔ.

Lewiƒuɔ Ɔda Bubo 14:47

Na ukyuli biala madi iye matɛ kaduli kammɔ kemmo ɔlɛka ɔƒɔ nwuna adala.

Lewiƒuɔ Ɔda Bubo 15:17

Na si kɔdi iye ebuo ɔku biala na ntu bɔmmɔ búwi ɔlɛka ɔƒɔ ala ammɔ na amu adubuse lɛlɔ etédu useyi uwi.

Amos 4:11

“Lɛ́yila bina bekyuli pii udu aani kalɛ na lɛ́bla Sodom ku Gomora. Bɔkywi na nka bina ɛlɛɛ bani nébu bɛda aani ugyii na ogya kemmo asa na lídie-mii. Nsu ɔmɛni ƒui bítenwini. Ami Unwoti násu!

Romaƒuɔ 11:14

Na nsia lɛnu ɔkɛnku ɔmɛni lɛlɔ ka ni, anumi adubugyie mina bekyuli, na badi bakɛ ngba bɔƒɔ.

Korintoƒuɔ 1 15:33

Bitabla susuusu. Kɔkpana kukpidi kuubile udu buni.

Korintoƒuɔ 1 3:15

Nsu si ɔdi atula ani na úti ɔ́tu ɔtɔ ɔmmɔ ákywi ni, ulákɛ lɛyuƒɔla lɛdi. Nsu anwu ɔlati ɔdubɔkɛ bɔƒɔ aani si úkeli ɔ́lɛ ogya ɔmmɔ kemmo.

Korintoƒuɔ 2 5:11

Ka bɔgyi kalɛ na ɔlɛka bɔyia Blɔti ɔsu ni, bunye bekyuli lɛlɔ ka benu-bu kalɔ. Katɔti ɔgyi-bu kede kede na mɔɔsia anu ka amii lɛnɔ bɛti bula udu kaduɛ.

Tesalonikaƒuɔ 2 3:14

Na si ukyuli ɔdi ulábla taasiaku litemi lɛni na bɔ́su-mii na ɔku ɔmɛni kemmo lɛlɔ ni, bise-nwu likpo na bɛda lɛlɔ bɛmami-nwu lɛlɔ na kɔƒa kukpo-nwu.

Timoteo 1 4:16

Da lɛlɔ kaduɛ ku ala ani na aatina. Nye kabla kammɔ lɛlɔ kpakplaa. Ɔsika si ábla lɛni ni, adubudie awɔ ku bekyuli bani ƒui muunú ƒula litemi lɛmmɔ alɛku kɔtu bɔni kemmo.

Yohane 2 1:11

Ɔsika ukyuli ɔni megyingya enu waƒɔ-nwu ni, ɔ́blaku-nwu unwi na nwuna udunkpi ala bɔbla kemmo.

Yuda 1:22

Ɔmɛni ɔsu ni, bekyuli bani na bana bɔƒɔtaadi bútayu tɔ ɔkplu ni, bɛnu-ma kɔnyana.

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.

Budie Taatina 3:4

Nsu bibo nkyuli ɛlɛɛ badi na Sardi mmɔ bani nétebile bana adala. Na ami ku-ma bɔdubɔda ala aƒualadi na bɔkɛ butaavi, ɔsika bámanku ka babla lɛni.