Yuda 1:21 - Katɔti Ɔku Kedee

²¹ Bɛda lɛlɔ na bitaayɔ Katɔti uwi ɔni na binye bɛɛnu ulu ka Yesu Kristo wanu-mii kɔnyana na bɛkɛ ngba bɔni nsɔ naaadubo bɔsa kudii.

Yuda 1:21 ပူးပေါင်းရင်းမြစ်များ

Hiob 14:14

Bulie na bekyuli badubɔsɔ benwini bebelie ngba sɔsɔ? Ndubunye nteebo abi na linye kabla kamɛni lɛlɔ ƒaa wetédu uwi ɔni na adubɔvumana-mi.

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Yohane 14:21

“Ukyuli biala ɔni mɔɔdi mina ɔda bubo lɛlɔ ni, anwu mɔɔyɔ́-mi. Na mina Ɔti ɔdubɔyɔ ukyuli ɔni mɔɔyɔ́-mi. Na ami lɛnɔ ndubɔyɔ-nwu na lidie lɛlɔ lɛtina-nwu na ɔnu-mi.”

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Romaƒuɔ 5:21

Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.

Romaƒuɔ 5:5

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Korintoƒuɔ 2 13:14

Blɔti Yesu Kristo lɛƒɔndia ku Katɔti bɔyɔ ku Katɔti Kɔyu unwi bɔbla ɔsiaku bina ƒui.

Tesalonikaƒuɔ 2 3:5

Buuvele Blɔti bɔnii ubimi-mii anumi na bɛnu bɛti kalɛ na anwu Kristo ɔɔkɛ́ kayi teete-bu ku kalɛ na Katɔti ɔɔyɔ́-bu.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Timoteo 2 1:16

Muuvele Katɔti nnii ɔnu Onesiƒoro ku nwuna kaduli bekyuli kɔnyana, ɔsika kɔƒa kútekpo-nwu na mina lɛlɔ aani ɔtɔntɛne kalɛ. Mmomu ɔ́kya-mi lɛlɔ na úbunku-mi kaduɛ.

Timoteo 2 1:18

Na muuvele Katɔti nnii ɔnu-nwu kɔnyana na Litemi Bɔtɛ Limeyi lɛmmɔ lɛlɔ. Awɔ ɔlati agyi kɔlɛ kɔlɛ kɔni na úbunku-mi na Eƒeso.

Timoteo 2 1:2

Mina ubi ɔyɔne Timoteo, muuvele Katɔti ku Blɔti Yesu Kristo lɛƒɔndia nnii lɛsiaku-ɔ na lɛnu-ɔ kɔnyana na lite-ɔ keyi buɛɛ.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Hebriƒuɔ 9:28

Lɛni kani na Kristo lɛnɔ úti lɛlɔ ɔ́kpa kunwi pɛ kani na údie bekyuli pii na bana ekpidi kemmo. Na ɔdubɔsɔ ubo kunyɔdi. Na ɔɔɔdi ɔni na ɔsɔ ubebo abi na ekpidi ɔsu. Mmomu kalɛ na uti ngba bɔƒɔ uboku bekyuli bani na benye bagya-nwu.

Petro 2 3:12

Na kalɛ na bíti bilie siin bɛgya Blɔti limeyi lɛmmɔ ni, anwu ndubɔya na limeyi lɛmmɔ libo pla. Limeyi lɛmmɔ na kayaa kadubo bɔkywi, na ogya liwulu lɛdubɔya na ala ani nkya kayawi ƒui ayɛɛlɛ.

Yohane 1 4:16

Na abu alati bɔgyi na bɔ́ƒɔ bɔ́di ka Katɔti ɔɔyɔ́-bu. Katɔti ablala ƒui adi bɔyɔ. Na ukyuli biala ɔni muulie taayɔ bekyuli ni, uliku Katɔti, na Katɔti lɛnɔ uliku-nwu.

Yohane 1 5:18

Bɔgyi ka ukyuli ɔni ndi Katɔti Ubi ni, ulélie taabla likpidi. Ɔsika Katɔti Ubidi ɔɔgyumana-nwu kalɛ na uleduo ukisine ɔmmɔ enu kemmo.

Yohane 1 5:21

Anwuɔsu, mina bebi bayɔne, bɛda lɛlɔ bidie lɛƒiɔkpa kemmo.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Yuda 1:22

Ɔmɛni ɔsu ni, bekyuli bani na bana bɔƒɔtaadi bútayu tɔ ɔkplu ni, bɛnu-ma kɔnyana.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.