Yuda 1:19 - Katɔti Ɔku Kedee

¹⁹ Ama mɔɔyá na bekyuli beele lɛlɔ akpa akpa. Na Katɔti Kɔyu kuuubo-ma lɛlɔ kemmo, anwuɔsu bakɛ basiaku bana ɔlɔna kemmo ala ani mɔɔda-ma ɔkwɛ kani.

Yuda 1:19 ပူးပေါင်းရင်းမြစ်များ

Agba 18:1

Ukyuli ɔni muudie lɛlɔ lɛti ni, nwuna lɛla biala lɛ́ƒɔ-nwu anu. Na ngba ulu buni bamba biala kasusu na baakya-nwu ni, ulátunaku-mu munu munu!

Yesaia 65:5

Bekyuli bamɛni mɔɔsu bekyuli bamba banii batani betede-ma, ɔsika ama bese sɛɛn na belese lɛlɔ aani bana bakpana. Nsu geen ni, bekyuli bamɛni bese aani uyɔ na mina enwu kemmo na bese aani ogya ɔni mɔɔda limeyi limodi.

Esekiel 14:7

“ ‘Si amii Israelƒuɔ iye baƒɔ bani na bakya-mii kudɔ ɔdi úni-mi na úse kalɔ ɔɔkpá baƒiɔ ɔmmɔ kama na ɔ́sɔ úsie kenye udiene ɔdi kudɔ ɔnii mina kenye kadi na ɔɔwia unu ni, kenye kani na ndubo-nwu budie ndi ka

Hosea 4:14

“Na lɛɛɛdubo-ma kɔtu bɔni na ɔmɛni ɔsu, ɔsika amii alati kakpakɔ bayalɛ bɔmmɔ kama na bɛsia, na amii ku-ma bɛɛsála taabla akpala teete baƒiɔ. Na ɔmmɔ geen na lɛsugba lɛmɛni lɛɛtina lɛnini, ‘Bɔyii na bekyuli bani na beeebo kasusu badubo bɔyii ku udu.’

Hosea 9:10

Unwoti ɔnini, “Bɔnu na lɛ́nu amii Israelƒuɔ lídie aani kɔdingyii ebi na kalɔ kakwiidi kadi kemmo, na lɛ́nu bina bati kuuku aani kɔnwingyie ebi edeedi ani náka bɔnwu. Nsu Baal-Peor baƒiɔ bani muusé lɛlɔ na bísie bɛɛkpá. Anwuɔsu na amii lɛnɔ biisé lɛlɔ aani baƒiɔ bani na bɛɛyɔ́ mmɔ kalɛ.

Romaƒuɔ 8:9

Si Katɔti Kɔyu kɔ́ƒɔ-mii lɛlɔ kemmo ni, biiilie na bina ɔlɔna udu ɔkukudi bɔyɔ kenye, mmomu kalɛ na Katɔti Kɔyu kɔɔyɔ́. Na si Kristo Kɔyu kútaƒɔ ukyuli ɔdi lɛlɔ kemmo ni, ɔɔɔdi Kristo ɔdi.

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Korintoƒuɔ 1 6:19

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ.

Hebriƒuɔ 10:25

Bitaya na bɔda bɔsa bɔya aani kalɛ na badi badaku lɛlɔ bɔda teedie. Mmomu bɛya na bɔkya lɛlɔ ogya, na bɔbla lɛni butulo na uwi ɔni kemmo na limeyi linengudi lɛmmɔ lɛdaku bɔni teede geen mɛni kemmo.

Yakobo 3:15

Lɛnunda lɛmmɔ udu lítasi Katɔti kudɔ. Kayawi mɛni na lɛ́si, na lɛɛɛkɛnku ngba buni bulie ulu lɛlɔ. Mmomu lɛdi lɛnunda likpidi.