Yuda 1:16 - Katɔti Ɔku Kedee

¹⁶ Bekyuli bamɛni baadɔ na bana lɛlɔ kemmo. Na beedie bekyuli bamba bɔƒiɔ. Baakun lɛlɔ lɛmɛnɛ, na bekyuli bamba ala alaƒɔ-ma anu amu ntu uwi ɔni na bákɛ-ma lɛlɔ kɔsia kani. Bana likyulikpi ala ani mɔɔda-ma ɔkwɛ kani na baabla uwi biala.

Yuda 1:16 ပူးပေါင်းရင်းမြစ်များ

Hiob 32:21

Na lɛɛɛdubo ɔdi anumi bɔnu bɔnyi ɔkɔ bɔtɔlɔ-mii.

Hiob 34:19

Na Katɔti nédie abu bekyuli ƒui. Ɔlakɛne na adi o-o, ɔwabane na adi o-o ni, ulánu bana ɔdi anumi taabla lɛla lɛdi.

Kɔgya 106:25

Na bakya bana adi nvo kemmo baabla unyeƒi na ɔmɛni lɛlɔ ɔni na bétenu Unwoti lɛdi na badi-ni lɛlɔ.

Kɔgya 15:4

Bekyuli bani na Katɔti ɔɔnu ka badi alaekpidi bablane ni, ɔɔɔdaku-ma lɛda. Mmomu bani mɔɔyia Unwoti na baadi nwuna litemi lɛlɔ ni, ɔɔbu-ma. Ukyuli ɔmmɔ udu ɔɔdi lɛla biala na ɔ́su úse lɛlɔ ina dɛ na lɛla lɛmmɔ liikpóku-nwu.

Kɔgya 17:10

Ɔsika bekyuli bammɔ udu balanu bekyuli kɔnyana, mmomu baatɛmi taakun lɛmɛnɛ.

Kɔgya 73:8

Baamá bekyuli na baanu-ma kalɔ kalɔ na baanya-ma taakya.

Agba 28:21

Bekyuli anumi bɔnu taatu ala teenwini ɔɔɔdia munu munu. Nsu badi baaadaku-ni ka baƒɔ bodobodo kakɛ blii suɛ na batuna babla likpidi.

Yesaia 29:24

Na ukyuli biala ɔni na ɔ́yii ulu, ɔsu na ɔɔƒiɔ́ na kɔyu kemmo ni, ɔdubunu ala kalɔ na ɔbla-nwu nwaa. Na bani na mɔɔkya unyeƒi lɛnɔ ni, badubunu mina ala ani na mɔɔtina-ma kalɔ na badi-mu lɛlɔ.”

Lewiƒuɔ Ɔda Bubo 19:15

“ ‘Bitatɛ litemi likpidi na bɛnya ɔwabane ɔdi bɛkya iye binye ɔlakɛne ɔdi kama mmomu bɛtɛ bina bakpana litemi ulu lɛlɔ.

Bumomo Bɔka 14:36

Ɔmɛni ɔsu bekyuli bani na Mose ɔ́tala ka besie na bátávi kalɔ kammɔ kemmo bánu mmɔ, na bénwini bébedie kenye kekpidi básu bekyuli bammɔ ɔsu na baadɔ bana lɛlɔ kemmo kalɔ kalɔ na Unwoti lɛlɔ ni,

Bumomo Bɔka 16:11

Unwoti ɔmmɔ geen lɛlɔ na awɔ Kora ku ƒula basiakune bamɛni bɛ́ta binye. Ɔma na Aaron anwu ɔdi ɔsu na bɛɛdɔ lɛlɔ kemmo kalɔ kalɔ na nwuna lɛlɔ?”

Bumomo Bɔka 16:41

Ka kalɔ kébweli Kora badi kadi kégye kani na Israelƒuɔ ƒui báta na bákya baakya ku Mose ku Aaron unyeƒi na baasu-ma banii, “Amii nádu Unwoti bekyuli badi.”

Luka 15:2

Mmɔ na Ƒarisiƒuɔ ku ɔda bubo ala batinane bése kalɔ beetemi teewi-nwu na bana lɛlɔ kemmo banii, “Ukyuli ɔmɛni ɔɔƒɔ́ alaekpidi bablane na anwu ku-ma baadi muedi!”

Luka 19:7

Bekyuli bammɔ ƒui bése kalɔ beetemi na Yesu lɛlɔ kalɔ kalɔ banii, “Ɔnana ɔmɛni úsela utéduo ukyuli ɔni ndi alaekpidi ɔblane ɔmɛni kudɔ.”

Luka 5:30

Ƒarisiƒuɔ ku ɔda bubo ala batinane bani nkya kasalakɔ mmɔ bákyaku Yesu basiakune unyeƒi banii, “Bi ɔsu na bɛɛdi na bɛɛní ku kuyi baƒɔne ku alaekpidi bablane babambadi bamɛni?”

Yohane 6:41

Amu na Yudaƒuɔ bammɔ bése kalɔ baatɛmi teewi-nwu, ɔsika ɔ́su ɔnii, “Ami ndi adila ani nási katɔ líbo” ɔsu.

Yohane 6:61

Nsu ina ka ukyuli ɔdi útasu Yesu lɛla lɛdi ni, únu ka baadɔ na bana lɛlɔ kemmo na úye-ma ɔnini, “Lɛla lɛmɛni lɛtu-mii atu?

Korintoƒuɔ 1 10:10

Na ɔɔɔdi ka butaata teenye Katɔti lɛlɔ aani kalɛ na bana badi bábla ɔsu, na Katɔti ɔtu ɔni nda kukpi ɔyikun ɔ́kyula-ma.

Galatiƒuɔ 5:16

Na lɛla lɛni mɔɔsu-mii ndi ka bɛya na Katɔti Kɔyu kɔtɔnku-mii na bina ngba bulie kemmo. Na bitaya na bina ɔlɔna ɔkwɛ adala adi-mii lɛlɔ.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Lɛkpa Ulu 1:27

Lɛnɔ ni, bɛ́kya bina nvo kemmo bítaatɛmi taakya enwu kemmo. Na bɛ́su bɛnii, “Katɔti uukisi-bu, anwuɔsu na ɔ́ya na bɔ́ta bɔ́lɛ Egyipte kalɔ lɛlɔ kalɛ na uti-bu ute Amoriƒuɔ na bebo-bu badu.”

Ƒilipiƒuɔ 2:14

Bitaabla lɛla biala basu-mii, na bitata bitenye lɛlɔ lɛlɔ, na bitakyaku lɛlɔ unyeƒi.

Tesalonikaƒuɔ 1 4:5

Na bitasiaku ɔlɔna emini kama aani bekyuli bani naaayia Katɔti kalɛ.

Timoteo 1 6:5

Na baaní ala teenene uwi biala. Bekyuli bamɛni kasusu kékpi-ma na báyila litemi geen lɛmmɔ. Baakali banii badubɔsia bɔƒɔtaadi ulu lɛlɔ na beyile bana aƒo.

Timoteo 2 4:3

Ɔsika uwi ɔdi ɔdubo ɔni na bekyuli basɔ baaadubo litemi buni lɛmɛni bɔda. Mmomu badubɔwia ala bamba batinane bete lɛlɔ na bataasu-ma ala ani udu na baawia beteenu.

Petro 1 1:14

Binu Katɔti litemi, na bɛda udu ukpidi ɔni kemmo na bɛ́kya uwi ɔni na bítenwini tɔ baƒɔtaadine mmɔ bɛya.

Petro 1 2:11

Bayɔne, mɔɔlɛ-mii aani si baƒɔ ku belusiene na bɛdi na kayawi mɛni nnii bɛda lɛlɔ bidie ɔlɔna ɔkwɛ adala ani muukpóku-mii kudɔ.

Petro 1 4:2

Na si bɛ́da lɛlɔ bíse lɛni ni, ɔdubɔya na bilie ngba ɔ́si ɔƒɛni úsela bitaabla lɛla lɛni mɔɔyɔ́ Katɔti kaƒɔ. Na ɔlɔna kemmo ala asɔ alátaada-mii ɔkwɛ.

Petro 2 2:10

Na bani geen na ɔdubɔni kɔtu utulo ndi bani na ɔlɔna ala aada-ma ɔkwɛ na balábu Katɔti munu munu. Bekyuli bamɛni ni, beesé kayi kekpidi muedi teedumi kayaa bayikune.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Petro 2 3:3

Kudeedi ni, bɛya na ɔbla-mii nwaa ka na emeyi ekplodi ammɔ kemmo ni, bekyuli bani nsiaku bana ɔlɔna ala ɔkwɛ adala kama badububo-mii kudɔ na bama-mii.

Yuda 1:15

Bébo banii babatɛku bekyuli ƒui litemi. Na bekyuli bani ƒui na balábla Katɔti lɛƒɔyɔ ku ala ani ƒui na bábla ka baláyia Katɔti ɔsu ni, bátɛmi enyekpi na nwuna lɛlɔ. Anwuɔsu Katɔti ɔ́ni-ma kɔtu.”

Yuda 1:18

Básu banini, “Emeyi ekplodi ammɔ kemmo ni, bekyuli badubo-mii buti bɔbla lɛmala na ala ani baasu taasiku-mii lɛlɔ ɔsu. Na basiaku bana udunkpi ala ani na Katɔti ulayɔ kama.”