Yuda 1:13 - Katɔti Ɔku Kedee

¹³ Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.

Yuda 1:13 ပူးပေါင်းရင်းမြစ်များ

Kɔgya 65:7

Kalɛ na eeboku ɛpu ɔni mɔɔnwanɛ lɛlɔ na uubó ku kudu kalɔ buɛɛ ni, lɛni kani na eeboku kadi bekyuli lɛsɛ lɛni na baakya kalɔ.

Yesaia 57:20

Bekyuli bekpidi bese aani ɛpu ɔni mɔɔnwanɛ lɛlɔ na ɔɔtala nwuna kalɔ eku ku aba uwi biala.

Ƒilipiƒuɔ 3:19

Na ɔdubɔwɔlɔku-ma na bakywi na lɛgyavonku kemmo. Ɔsika bana kaƒɔ kani na beemwi. Na baatina lɛlɔ na ala ani na nka ɔlɛka ekpo-ma kɔƒa lɛlɔ. Na kayawi ala lɛlɔ kasusu kani na beeti.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Petro 2 2:17

Bekyuli bamɛni bese aani abiɔ ani nákwi, iye ɔni na ɔƒɛƒɛɛ ɔda ɔɔvínku. Ama na Katɔti ɔ́da kesii kani nse suu mmɔ úse.

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.

Budie Taatina 20:10

Na bébo ukisine ɔni nátɔlɔ-ma mmɔ bátákya lɛgyavonku bonwu lɛni mɔɔda ku ogya atabi mmɔ kemmo kesii kani na eƒiebuo ɔmmɔ ku ɔkɔ kenye udiene bakya, na badubo abi buteebo usien ku ɔƒɛ usela uwi ƒui.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”