Yuda 1:11 - Katɔti Ɔku Kedee

¹¹ Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Yuda 1:11 ပူးပေါင်းရင်းမြစ်များ

Baga 2 16:16

Na Uria ɔ́bla aani kalɛ kani ɔga úbo-nwu ɔda.

Yesaia 3:11

Bɔbuɛ ute likyulikpi ala bablane! Ɔgbankpi ɔ́ɔda ɔ́lɛ-ma lɛlɔ! Bana enu kabla lɛyuƒɔla badubo bɔƒɔ.

Yesaia 3:9

Na bana anumi lɛlɔ muedi adubɔnu bana bɔƒiɔ ati. Na anumi ku anumi na baabla ekpidi ammɔ, aani Sodom kadi bekyuli kalɛ na balábɛla-nya muedi. Bɔbuɛ ute-ma! Ama alati néti bana ɔgbankpi kɔtu bɔni béboku lɛlɔ.

Yeremia 13:27

Anwuɔsu ndubo bina adala bɔni budie-mii lɛlɔ na bɛsɔ bɛkɛ kasɔngya ku kɔƒa kɔƒa na ukyuli biala utaanu-mii. Amii ɔdi ɔ́sa na bɛ́yii udu! Bɛɛƒɔ́ taadi ka bɛdubɔsɔ bɛbla bekyuli bani mamanku ka bɛsɔ bɛkpali-mi?”

Esekiel 13:3

“Ami Unwoti Katɔti mɔɔsu ka ɔkɔ kenye bediene bammɔ ɔdi ɔ́sa ɔƒaamu. Ɔsika ɔɔɔdi mina kɔyu kemmo ala na baanu mmomu bana kasusu kemmo ala kenye na beedie!

Mika 6:5

“Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”

Sakaria 11:17

“Bɔbuɛ ute awɔ baƒonu ɔdane keeke ɔni neeebo kɔsia na eedie baƒonu atu! Mɔɔwia ka nka kewii kekulo-ɔ kɔnu na ɔbla lɛnuku, na ƒula kɔdianu lɛnumi lɛnɔ lɛbwɛ.”

Bumomo Bɔka 31:16

Ɔɔɔdi beleku bamɛni násiaku Bileam kasusu kama na Peor? Na ɔmɛni ɔ́ya na Israelƒuɔ báta bénye Unwoti ɔda bubo lɛlɔ na ɔlɛ úbasiaku Unwoti bebi?

Mateo 11:21

Ɔ́su ɔnini, “Bɔbuɛ muute awɔ Korasin! Na bɔbuɛ muute awɔ Betsaida! Si lɛma likpidi Tiro ku Sidon na nka lɛ́bla akɔla budie taatina ani lɛ́bla na bina akɔ ni, badubɔda adala ani mɔɔtina ka béni bana ekpidi.

Lɛkpa Ulu 23:4

Ɔsika uwi ɔni bɛ́lɛ Egyipteƒuɔ kalɔ lɛlɔ na bíbedu bana lɛma ni, ɔdi utéte-mii adila adi na bɛdi iye ntu na bɛni. Mmomu buti na bététi Bileam ɔni ndi Boer ubidi ɔni nási ɔma ɔni baalɔ banii Petor na Mesopotamia kalɛkɛ lɛlɔ ka ubewida-mii.

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Petro 2 2:15

Bédeyi bɔƒɔtaadi ulu ɔmmɔ ƒui, na báyii ulu. Basiaku Boer ubidi Bileam ɔbladu kama ɔni mɔɔbla ala ekpidi teeti taakɛ egulabi.

Yohane 1 3:12

Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.