Yosua 9:21 - Katɔti Ɔku Kedee

²¹ Anwuɔsu básu Israelƒuɔ bammɔ banini, “Bɛya-na bɔnyonu-ma.” Mmomu kasusu kani na benengu bammɔ béti ndi ka Gibeonƒuɔ bammɔ badubo ekyweni butaayɔ na beteesie ketu teete Israelƒuɔ.

Yosua 9:21 ပူးပေါင်းရင်းမြစ်များ

Yeremia 46:22

Bekisine bekpone lisu bonwu lɛdi badubɔgyu batɔ aani baalɔlɔ kalɛ. Na bina bekpone badubo bɔnu ka beeebo kablakɔ kadi na bana bekisine bammɔ kudɔ aani kalɛ na kɔlakpi kɔɔkya lɛku kemmo.

Lɛkpa Ulu 29:10

Ɔmwi kadi ni, bina ƒui binye bina Unwoti Katɔti anumi, batɔnkune ku kabla bablane ku banana ku belekubi ƒui ku bina bebi ku bekyuli bani naaadi Israelƒuɔ na bakya-mii kudɔ na baadá bina egyii na beesié ketu teete-mi.

Yosua 10:1

Yerusalem ɔga ɔni baalɔ banii Adoni-Sedek únu ka Yosua úkpo ɔ́di Ai lɛlɔ na ɔ́yila ɔma ɔmmɔ udu kede kede na ɔ́du Aiƒuɔ ɔga aani kalɛ kani na ɔ́bla Yerikoƒuɔ ɔga. Na únu lɛnɔ ka Gibeonƒuɔ bésie bétévele Israelƒuɔ na bényimiku-ma na bábla unwi. Na belie bede-ma.

Yosua 9:15

Ɔmmɔ kama Yosua únu kalɔ na bényimi na bábla unwi. Na Israel batɔnkune bákpali Katɔti lɛnyi bálɛ ugyii béte-ma ka balabla-ma lɛla lɛdi.

Yosua 9:20

Na utalɛka butuku-ma ɔ́si Katɔti lɛnyi lɛni bɔ́kpali ɔsu. Na si bɔɔɔgyi na bútuku-ma ni, Katɔti ɔdubo-bu kɔtu bɔni.”

Yosua 9:23

Ɔ́si lɛla lɛni bɛ́bla mɛni ɔsu ni, Katɔti úwida-mii. Na bina kabla kani na bɛdubo butaabla ndi ka bɛdubo ekyweni butaayɔ na biteesie ketu teesienku Katɔti kakpakɔ.”

Yosua 9:27

Nsu ɔ́ya na Gibeonƒuɔ bammɔ bénwini Israelƒuɔ kabla bablane na baayɔ́ ekyweni na beesié ketu teete-ma ku kesii biala na Katɔti ɔsia kɔnu ka bataakpa-nwu. Ɔmmɔ ndi-ma kabla úti úbedu ɔmwi.