Yosua 9:13 - Katɔti Ɔku Kedee

¹³ Lɛnɔ uwi ɔni búwi ntɛ buyile bula aƒo amɛni ni, ese ɔwɔdi. Nsu bɛnu ka ana ƒui ábwɛ. Na ɔ́si ulu ɔgyu ɔni bɔ́si ɔsu. Na bula lɛwu ku agbanvuo lɛnɔ ƒui ábwɛ.”

Yosua 9:13 ပူးပေါင်းရင်းမြစ်များ

Mateo 9:17

Lɛni kani na beleti ntɛ bɔwɔdi teewi ɔku koƒo kɔkukudi kɔni kemmo béewi ntɛ dii. Si ɔɔdi lɛni ni, ɔku koƒo kɔkukudi kɔmmɔ kɔdubɔbwɛ na ntɛ bɔmmɔ lɛnɔ bɔdubuwiakun. Nsu beeti ntɛ bɔwɔdi beewi ɔku koƒo kɔwɔdi kemmo. Na bana anyɔ ƒui badubɔdia.”

Marko 2:22

Na lɛnɔ ni, beléti ntɛ bɔwɔdi teewi ɔku koƒo kɔkukudi kɔni kemmo béewi ntɛ dii. Ntɛ bɔwɔdi bɔdubuƒuƒuo na bɔya ɔku koƒo kɔkukudi kɔmmɔ kɔbwɛ na ntɛ ku koƒo lɛnɔ kulálɛ kɔsia. Mmomu ni, ntɛ bɔwɔdi beeti teewi ɔku koƒo kɔwɔdi kemmo.”

Luka 5:37

Na beleti ntɛ bɔwɔdi teewi ɔku koƒo kɔkukudi kɔni kemmo béewi ntɛ dii. Si ɔɔɔdi lɛni ni, ntɛ bɔwɔdi bɔmmɔ bɔdubuƒuƒuo na bɔya ɔku koƒo kɔkukudi kɔmmɔ kɔbwɛ, na ntɛ bɔmmɔ lɛnɔ buwiakun.

Lɛkpa Ulu 29:5

Na akwa aavlene kemmo ni, Unwoti ɔ́tɔnku-mii na kalɔ kakwiidi kemmo ɔni na ukyuli ɔdi adala iye agbanvuo étebie.

Yosua 9:12

Bɛnu adila ani udu bɔda. Uwi ɔni na bɔ́ta ɔma na bɔdubo ni, nka bodobodo ɔni béƒi ɔwɔdi na búti bɔda. Nsu binwini bɛnu kalɛ na ɔ́kwii na útili ɔ́bla!

Yosua 9:14

Mmɔ na Israelƒuɔ bénu bekyuli bammɔ kalɔ na báƒɔ bana adila ani bada mmɔ adi bádi. Nsu béteye Unwoti kasusu asa na bénu kalɔ.

Yosua 9:4

bábla lɛkwɛ lɛdi, na bedie bekyuli badi ka bésie bététi adila bakya aƒo akukudi adi kemmo ku bebuo lɛku ntɛ aƒo akukudi na bényimi-nya basia bebuo beblidi ala betine lɛlɔ.

Yosua 9:5

Na bágyu lɛwu ku lɛgbanvuo lɛni ndaku bɔbwɛ bákya. Na béti bodobodo ɔni nétu uwi na útili bada.