Yosua 9:11 - Katɔti Ɔku Kedee

¹¹ Na bula batɔnkune ku bula bekyuli bani ƒui nlie bula kalɔ lɛlɔ nása kenye na básu-bu banii bɔwia adila adi bɔda bula ulu busie na bɔta na bɔyu ulu na bubasiaku-mii. Na básu-bu ka buboku lɛlɔ kalɔ bute-mii na buvele-mii na bunyimiku-mii na bɔ́bla unwi.

Yosua 9:11 ပူးပေါင်းရင်းမြစ်များ

Ala Kalɔ Buse 43:12

Na biti sika ɔƒualadi ɔni na básɔku bákya-mii aƒo kemmo akpa anyɔ bɛda. Ɔsika ɔlɛka bitáƒɔ kayu kedeedi kammɔ lɛnɔ. Ɔƒɛni kalɛ bɔti na bátati asa na básɔku sika ɔƒualadi ɔmmɔ bákya-mii aƒo kemmo.

Baga 2 10:5

Ɔmmɔ ɔsu ɔga kaduli lɛlɔ ɔnune ku aban ɔgadine na ɔma unengudi ɔmmɔ kemmo ku bebi bammɔ lɛlɔ banune básala lɛlɔ na básia Yehu kenye banini, “Ƒula kabla bablane na bɔdi na lɛla biala na ásu-bu ni, ani na bɔdubo bɔbla. Bɔɔɔdubo ɔga ɔdi buse. Awɔ bla lɛla biala na ánu ka lɛ́manku.”

Ester 8:17

Na geen geen na kɔlɛkɛ kɔmmɔ lɛma linengudi ƒui kemmo ni, Yudaƒuɔ badi limeyi ku ebiti geen na kadi bamba bekyuli badi muedi béti lɛlɔ bénwini Yudaƒuɔ, ɔsika baayia-ma geen.

Luka 9:3

Asa na badubɔgyu ni, Yesu ɔ́su-ma ɔnini, “Biteti lɛla lɛdi bitada na bina ulu busie kemmo aani ugyii ɔdadi iye ala bevelene koƒo iye adila iye egulabi. Na awu ɔbambadi muedi ni, bitasu bɛnii biiti ɔdi.

Yosua 1:11

“Bɛvi bekyuli bammɔ lɛlɔ na bana kɔkyakɔ na bɛsu-ma bɛnini, ‘Bɛklibi lɛlɔ na bɛwia adila adi bise bite lɛlɔ. Ɔsika emeyi atɛ kama bɔdubɔvia Yordan Ketu na busie kalɔ kani na bina Unwoti Katɔti ɔ́su ka wete-mii kemmo.’ ”

Yosua 9:10

ku lɛla lɛni na úti ɔ́bla Amoriƒuɔ baga inyɔ bani nélie Yordan Ketu ɔƒɛ katukɔ kakɛ. Na baga bammɔ ndi Ɔga Sihon ɔni nási Hesbon ku Ɔga Og ɔni nási Basan na ɔɔdi lɛga na Astarot.

Yosua 9:12

Bɛnu adila ani udu bɔda. Uwi ɔni na bɔ́ta ɔma na bɔdubo ni, nka bodobodo ɔni béƒi ɔwɔdi na búti bɔda. Nsu binwini bɛnu kalɛ na ɔ́kwii na útili ɔ́bla!

Yosua 9:8

Amu na bekyuli bammɔ básu Yosua banini, “Lɛla biala na bɛsu-bu ni, bɔdubɔbla.” Amu na Yosua úye-ma ɔnini, “Amii ndi ɔma? Na wɛ kakɛ na bɛ́si bíbo mɛni?”