Yosua 9:1 - Katɔti Ɔku Kedee

¹ Ka Israelƒuɔ békpo badi bekyuli pii lɛlɔ ɔsu ni, bana lɛnyi lísie ɔgyu. Na baga bani nlie Yordan ɔƒɛ kanukɔ abi lɛlɔ ku bani nlie abi kaƒɔna ku bani nlie kalɔ ƒiaa na Mediterenia kɔtu úti útédu Lebanon Kɔbi lɛnɔ bénu-ma kɔku. Na baga bamɛni ndi Hitiƒuɔ ku Amoriƒuɔ ku Kanaanƒuɔ ku Perisiƒuɔ ku Hiwiƒuɔ ku Yebusiƒuɔ.

Yosua 9:1 ပူးပေါင်းရင်းမြစ်များ

Samuel 2 24:7

Na bésie bétédu Tiro ɔma bonwu ɔni na bátu awodu bámana ku Kanaanƒuɔ ku Hewiƒuɔ lɛma. Na bétédu Beer-Seba na Yuda kalɔ kakwiidi kemmo na kada kakɛ.

Israelƒuɔ Bɔlɛ 23:23

Na mina ɔtu ɔdubo bɔgyu bɔtɔ-mii, na ɔtɔnku-mii utéduoku Amoriƒuɔ ku Hetiƒuɔ ku Perisiƒuɔ ku Kanaanƒuɔ ku Hewiƒuɔ ku Yebusiƒuɔ kalɔ kemmo. Na ndubo-ma bɔbɔku budie mmɔ.

Israelƒuɔ Bɔlɛ 23:31

“Na ndubo bɔya na bina lɛmii lise kalɔ lɛsiku Ɛpugyie kɔtu útédu Mediterenia Ɛpu kenye. Na ɔsɔ ɔsi ketele kemmo útédu Euƒrate Ketu kenye. Na ndubuti bekyuli bani nli kalɔ kammɔ kemmo lɛkya-mii enu kemmo, na bɛbɔku-ma bɛlɛku bina anumi.

Israelƒuɔ Bɔlɛ 3:17

Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Israelƒuɔ Bɔlɛ 34:11

Di ɔda ɔni muubó-ɔ ɔmwi mɛni lɛlɔ. Na ndubo Amoriƒuɔ ku Kanaanƒuɔ ku Hitiƒuɔ ku Perisiƒuɔ ku Hewiƒuɔ ku Yebusiƒuɔ bɔbɔku na ƒula anumi.

Bumomo Bɔka 13:29

Amalekƒuɔ belie bésie Negev kalɔ kemmo na Hetiƒuɔ ku Yebusiƒuɔ ku Amoriƒuɔ ama belie abi eli. Na Kanaanƒuɔ belie bésie ɛpu amadɔ na Yordan kakɛ.”

Bumomo Bɔka 34:6

“ ‘Bina ɔmii na ɔƒɛ kanukɔ ɔkɛ Ɛpu Bonwu kɔtu Na mmɔ ndubɔbla bina ɔƒɛ kanukɔ ɔmii.

Lɛkpa Ulu 1:7

Anwuɔsu bɛta mɛni na biteesie Amoriƒuɔ abi lɛlɔ kɔlɔ kɔni nkya amadɔ mmɔ ƒui ku Yordan Ketu kɔwɛ kemmo ku abi lɛlɔ ku ɔkwalɛ ɔmmɔ kemmo ku kada kakɛ ku Mediterenia kalɔ ƒia lɛlɔ. Na bisie Kanaanƒuɔ kalɔ ku nwuna kama kakɛ útédu Lebanon abi lɛlɔ útédu Euƒrate Ketu bonwu kɔtu.

Lɛkpa Ulu 3:25

Anwuɔsu muuvele-ɔ nnii ya na lɛvia lisie kalɔ kabunidi kani nwi Yordan Ketu ɔvi ngye na ntánu abi lɛlɔ kɔlɔ kɔbunidi kɔni nkya mmɔ ku Lebanon abi kalɔ kabuni kammɔ.”

Lɛkpa Ulu 4:49

ku kɔwɛ kakɛ kani nkya Yordan Ketu ɔƒɛ katukɔ kakɛ úti útédu Mma Ɛpu si éti ésela Pisga Kɔbi kaƒɔna ƒui kadi bana ɔdi.

Lɛkpa Ulu 7:1

Amii Israelƒuɔ, si uwi ɔni na bina Unwoti Katɔti ɔ́kpanku-mii úboku kalɔ kani na bɛdubuti binwini bina ɔdi kemmo ni, ɔdubɔbɔku Hitiƒuɔ ku Girgasiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ lɛnɔ ute-mii. Kadi maatɛ bamɛni bekyuli bemomo betulo-mii na bebo ɔkplu lɛnɔ betulo-mii.

Yosua 1:15

úti útédu ka Unwoti úte-ma keliekɔ aani kalɛ na ɔ́bla úte-mii. Na si Unwoti ɔ́ya na Israelƒuɔ bakladi bammɔ bákɛ keliekɔ ni, uwi ɔmmɔ na bekpone bammɔ badubɔsɔ benwini besie bana keliekɔ kani na Unwoti kabla ɔblane Mose úte-ma na Yordan ɔƒɛ katukɔ kakɛ.”

Yosua 1:4

Na kalɔ kammɔ ɔmii ɔ́si kalɔ kani nákwii na kewi mɛni útédu Lebanon ɔ́vi úsie útédu Euƒrate Ketu bonwu kammɔ kemmo na ɔƒɛ katukɔ. Na ɔ́kɛ Hetiƒuɔ kalɔ ƒui kemmo úti útédu Mediterenia Ɛpu ɔni nwi ɔƒɛ kanukɔ.

Yosua 10:23

Anwuɔsu bédi atakpɛ ammɔ bédie na báni Amoriƒuɔ baga ɛlɔ bani ndi Yerusalem ɔga ku Hebron ɔga ku Yarmut ɔga ku Lakis ɔga ku Eglon ɔga bálɛku ubu ɔmmɔ kemmo.

Yosua 11:17

Na ɔ́sɔ ɔ́ƒɔ ɔ́siku Halak abi lɛlɔ ɔ́kɔ úsie Seir úti útédu Baal-Gad ku Lebanon Kɔwɛ na Hermon abi kaƒɔna lɛlɔ ƒui. Na Yosua ku kɔlɔ kɔmɛni baga békpo bétu uwi na úƒie-ma na ɔ́du-ma ƒui kede kede.

Yosua 13:5

ku Gebalƒuɔ kɔlɔ ku Lebanon kɔlɔ úti úsie ɔƒɛ katukɔ si ási Baal-Gad úti ɔɔyu Hermon Kɔbi lɛlɔ útédu Hamat kakɛ.

Yosua 15:12

Na ɔƒɛ kanukɔ ɔmii ndi Ɛpu Ubendi ɔmmɔ kenye. Na ɔmɛni ndi Yuda kaba lɛmii.

Yosua 22:4

Na aani kalɛ na ɔ́su úse ni, bina Unwoti Katɔti ɔ́ya na kaba kammɔ ƒui bákɛ atu bɔyɔ. Anwuɔsu bɛsɔ binwini na biteesie bitélie bina kalɔ lɛlɔ. Na bitélie kalɔ kani na Unwoti kabla ɔblane Mose úti úte-mii aani bina kadikɔ na Yordan ɔƒɛ katukɔ mmɔ.”

Yosua 22:7

Mose néle kalɔ kani nkya Basan úte Manase kaba kakɛ bekyuli. Nsu kaba kakladi bekyuli ama ni, Yosua néle bana kalɔ úte-ma na Yordan ɔƒɛ kanukɔ kakɛ ku Israel kaba bekyuli bakladi. Amu uwi ɔni na Yosua ɔdubo-ma ulu budie ka beteesie bana kuliekɔ ni,

Yosua 23:4

Na kɔlɔ kɔni ƒui na búkpo bɔ́ƒɔ ɔ́si Yordan Ketu úti útédu Mediterenia Ɛpu ɔni ntɛ úsie ɔ́ƒɛ kanukɔ kakɛ. Líle kɔlɔ kɔmmɔ ƒui líte bina kaba bekyuli. Na lɛ́sɔ líle kɔlɔ kɔni nébu na bukpo bɔƒɔ lɛnɔ líte-mii.

Yosua 24:11

“Ɔmmɔ kama ka bɛ́via Yordan Ketu bísie Yeriko ni, Yerikoƒuɔ báta na bébekpoku-mii. Lɛni kani na Amoriƒuɔ ku Perisiƒuɔ ku Kanaanƒuɔ ku Hetiƒuɔ ku Girgasiƒuɔ ku Hewiƒuɔ ku Yebusiƒuɔ lɛnɔ bébekpoku-mii. Nsu líti bana ƒui lɛ́kya-mii enu kemmo.

Yosua 3:10

Ɔni na bísela mɛni ni, Bina Unwoti Katɔti ɔdubo Kanaanƒuɔ ku Hetiƒuɔ ku Hewiƒuɔ ku Perisiƒuɔ ku Girgasiƒuɔ ku Amoriƒuɔ ku Yebusiƒuɔ bɔbɔku bɔlɛku kɔlɔ kɔmmɔ lɛlɔ. Na mmɔ bɛdubo bɔnu bɔti ka Katɔti ɔni nlie ngba mmɔ ɔkya-mii akɔ sɔsɔ.

Yosua 3:17

Na Katɔti bakpane bani nti Bunyimi Adaka ɔmmɔ benye ketu kakwiidi kammɔ ntɛntɛ úti útédu ka bekyuli bammɔ ƒui bávia báwɔlɔ.

Yosua 5:1

Amu ka Amoriƒuɔ baga bani nlie bésie Yordan Ketu ɔƒɛ kanukɔ ku Kanaanƒuɔ baga bani nlie ɛpu amadɔ ƒui bénu kalɛ na Unwoti ɔ́ya na Yordan ɔ́kwii na Israelƒuɔ bésie bávi-nwu kemmo ni, liƒu lɛda-ma geen na enu áƒɛ-ma na Israelƒuɔ bamɛni ɔsu.

Yosua 6:27

Na ala ani nálɛ mɛni kemmo ƒui ni, Unwoti ulieku Yosua na ɔ́ya na nwuna lɛnyi lɛ́ƒɔ kuye, nwuna lɛnyi lígyingya líyile kalɔ kammɔ ƒui.

Yosua 9:7

Amu na Israelƒuɔ béye-ma banini, “Bi ɔsu na bɛɛyɔ́ ka bɔbla unwi? Ɔƒaalɛ bina keliekɔ kátagyunku-bu.”