Yosua 8:8 - Katɔti Ɔku Kedee

⁸ Na si úti ɔma ɔmmɔ ɔkya bina enu kemmo ɔ́wɔlɔ ni, na bɛtu ogya bɛkya ɔma ɔmmɔ kemmo na bɛbla bɛsia Unwoti ɔda ɔni na úbo-mii lɛlɔ. Na bɛdi mina litemi lɛmmɔ lɛlɔ.”

Yosua 8:8 ပူးပေါင်းရင်းမြစ်များ

Samuel 2 13:28

Ɔmmɔ kama ni, Absalom úsie útébo nwuna kabla bablane ɔda na ɔ́su-ma ɔnini, “Binu kaduɛ! Si uwi ɔni na bɛ́nu ka Amnon ɔ́ni ntɛ úkpi na bɔdaku-nwu bɔda ni, ndubo-mii bɔsu nnii, ‘Bibo Amnon bɛva kalɔ.’ Na mmɔ ni, bɛdu-nwu. Na bitayia. Ami nébo-mii ɔda lɛni. Ɔmmɔ ɔsu bise kayi na bɛdi lɛnanabi.”

Lɛkpa Ulu 20:16

Nsu si bɛ́di lɛma lɛni nkya kalɔ kani na bina Unwoti Katɔti ɔ́su úse ka wete-mii mmɔ lɛlɔ ni, na bɛyila lɛla biala nkya ɔma ɔmmɔ kemmo udu.

Yosua 1:16

Amu na bekyuli bammɔ bédie kenye na básu Yosua banini, “Lɛla biala na ásu-bu ni, bɔdubɔdi-ni lɛlɔ. Na kesi kesii na átala-bu ni, bɔdubusie.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Yosua 6:24

Ɔmmɔ kama ni, bátu ogya bákya ɔma ɔmmɔ kemmo na bákyula ɔma ɔmmɔ ku ala ani ƒui nkya-nya kemmo kede kede. Nsu sika ugyiedi ku ɔƒualadi ku abuala udu béti-nya bátákya Unwoti kavumi kemmo.

Yosua 8:13

Na Yosua bekpone ketulodikɔ bátábɛ bakya ɔma ɔmmɔ ɔƒɛ katɔ kakɛ. Na bakladi lɛnɔ bátábɛ bakya ɔma ɔmmɔ ɔ́ƒɛ kanukɔ kakɛ. Nsu Yosua anwu ni, ɔ́ƒɔ lɛlɔ ɔkya kɔwɛ kɔmmɔ kemmo usien ɔmmɔ.

Yosua 8:2

Na bɛyila Ai ɔma ku ɔga ku bekyuli bammɔ ƒui udu aani kalɛ na bɛ́bla na Yerikoƒuɔ. Nsu bibo kuƒi ka biti bana ala ku bana bebuo. Bɛtu akpagya na bitábɛ na biyu-ma bɛtu na bitékpoku-ma.”

Yosua 8:22

Na Israelƒuɔ bani nkya Ai ɔma ɔmmɔ kemmo lɛnɔ bálɛ bébo na bebunku Yosua bene. Ɔmɛni ɔsu Aiƒuɔ bánu báti ka kekelikɔ kadi kasɔ keeebo. Na bádu Aiƒuɔ bammɔ ƒui kede kede ɔni na ku ukyuli ɔdi útakana na ukeli.

Yosua 8:28

Ɔmmɔ ɔsu Yosua ɔ́kyula Ai ɔma ɔni na ɔ́yii ku udu. Na mmɔ ɔmu use lɛni úti úbedu ɔmwi kadi.

Yosua 8:7

Na si ɔlɛ lɛni ni, na bɛta bina kabɛkɔ mmɔ na bitádi ɔma ɔmmɔ lɛlɔ. Ɔsika Unwoti Katɔti ɔdubo ɔma ɔmmɔ buti bɔkya bina enu kemmo.

Yosua 8:9

Ɔmmɔ kama Yosua ɔ́ya na bekpone bammɔ bátɔlɔ. Na bésie batábɛ Ai ɔma ɔmmɔ ɔƒɛ kanukɔ kakɛ na ɔma ɔni ɔtɛ Ai ku Betel ntɛ. Na bátábɛ na benye kagyumana. Nsu Yosua ku bekyuli bammɔ báƒɔ lɛlɔ bákya mmɔ usien umodi ɔmmɔ.

Litemi Batɛne 4:6

Amu na limeyi lɛdi ni, Debora ɔ́tala na bátálɔ Barak ɔni ndi Abinoam ubidi na uli Kades-Naƒtali béte-nwu. Ka úbo ni, ɔ́su-nwu ɔnini, “Unwoti ɔni ndi Israelƒuɔ Katɔti ɔɔsu-ɔ ɔnini, ‘Ti bekpone mpim leevu (10,000) siku Naƒtali ku Sebulon adua kemmo na akpanku-ma esienku Tabor Kɔbi lɛlɔ.