Yosua 8:31 - Katɔti Ɔku Kedee

³¹ Na ɔ́tu-nwu ɔsiaku aani kalɛ na Mose ɔni ndi Unwoti kabla ɔblane úbo Israelƒuɔ ɔda kalɛ. Lɛni na bénweni bakya Mose ɔda bubo ɔku kemmo banini, “Biti atabi ani na béteti lɛbuala bátabwɛ bɛbla lɛkpabi bite-mi.” Na lɛkpabi lɛmmɔ lɛlɔ ni, bádu bebuo bákyula bakpa béte Unwoti na bábla unwi bɔbla akpala lɛnɔ.

Yosua 8:31 ပူးပေါင်းရင်းမြစ်များ

Baga 2 14:6

Nsu útadu bana bebi ama. Mmomu ɔ́siaku Unwoti ɔda ɔni na úbo ɔ́siaku Mose lɛlɔ na kesii kani na ɔ́su ɔnini, “Útalɛ ka badu ubi ɔti ɔdi na ubidi likpidi lɛni na ɔ́bla ɔsu iye badu ubi ɔdi na ɔti likpidi lɛni na ɔ́bla ɔsu. Mmomu ɔdi biala námanku ka badu-nwu ni, anwu ɔlati likpidi lɛni na ɔ́bla lili na badubɔdu-nwu.”

Baga 2 22:8

Na Saƒan ɔ́su Hilkia ɔga kenye kammɔ. Na Hilkia lɛnɔ ɔ́su-nwu ɔnini, “Lɛ́nu ɔda bubo ɔku ɔmmɔ na kakpakɔ mmɔ.” Na Hilkia úti ɔda bubo ɔku ɔmmɔ úte Saƒan. Na Saƒan ɔ́ka ɔku ɔmmɔ.

Ala Alɛdi 2 25:4

Nsu bakutine bammɔ bebi ama ni, útaya na badu-ma, ɔsika nwuna anu asia Katɔti ɔda bubo bɔni nkya Mose ɔku kemmo ka bekyuli bani na báƒiɔ ni, ama alati na ɔdi ka bani kɔtu na ɔɔɔdi ka bani ubi ɔdi kɔtu na ɔti kenye iye bani ubi ɔti ɔdi kɔtu na ubidi kenye.

Ala Alɛdi 2 35:12

Lewiƒuɔ bammɔ bédie bebuo bammɔ kɔdikɔ kɔdikɔ kɔni na badubuti babla bɔkyula ƒui ɔdi aani kalɛ na Mose ɔda bubo bɔɔtina bése bekyuli bani néboku bebuo bammɔ. Na lɛni kani na bábla ku ɔmantɛ bakɔ bammɔ lɛnɔ.

Esra 6:18

Na báya na bakpane bammɔ ku Lewiƒuɔ bammɔ bénye bana kunyekɔ na bana esu esu kenye na Yerusalem ka babla kabla bete Katɔti aani kalɛ na bénweni bákya Mose Ɔku kemmo.

Nehemia 13:1

Uwi ɔmmɔ kemmo na báka Mose ɔda bubo ɔku momoomo, na ukyuli biala únu. Mmɔ na bánu ka bénweni bákya ka Amonni biala iye Moabni biala útalɛka baƒɔ-nwu bakya Katɔti bekyuli akɔ.

Israelƒuɔ Bɔlɛ 18:12

Amu na Mose aasi ɔmɛni úte bebuo ku akpala bamba na béti bákpa béte Katɔti. Na Aaron ku Israelƒuɔ batɔnkune bésie na bátádiku-ma bodobodo na Unwoti anumi.

Israelƒuɔ Bɔlɛ 24:5

Mmɔ na Mose ɔ́tala bakloƒu badi na bádu ɔmantɛ bakɔ bakɔdi badi bákyula bábla unwi bɔbla akpala béte Unwoti.

Mateo 12:26

Na si lɛkpa linwi liikpóku lɛkpa linyɔdi na Satan lɛga kadikɔ kemmo ni, na ɔɔtina ka lɛga kadikɔ kammɔ kéle lɛlɔ na kadubɔbwɛ.

Lɛkpa Ulu 27:2

Na limeyi lɛni na bɛdubɔvia Yordan Ketu na bisie bitéduo kalɔ kani na bina Unwoti Katɔti úti uute-mii mɛni lɛlɔ ni, bɛwia atabi bonwu bonwu na bɛkwaa-nya lɛlɔ ku uƒi.

Lɛkpa Ulu 27:8

Na binweni etemila ani ƒui na ɔda bubo bɔmmɔ bɔdanku bɛsia atabi ani na bɛ́tɛ mmɔ lɛlɔ nwaa.”

Yosua 1:8

Na tada ɔda bubo ɔku ɔmɛni kemmo etemila kalɔ budie teete bekyuli taya. Nu kaduɛ na eteeduo-nya kemmo usien ku ɔƒɛ. Kalɛ na eteenyimo na ataabla taasiaku etemila ani ƒui bénweni bákya ɔku ɔmmɔ kemmo. Na si aabla lɛni ni, ɔdubɔtɛku-ɔ na lɛla biala na aabla ni, lɛdubuse-ɔ kaduɛ.