Yosua 8:29 - Katɔti Ɔku Kedee

²⁹ Na Yosua ɔ́kya Aiƒuɔ ɔga kabuli ɔda kugyii lɛlɔ na ɔ́da-nwu ɔ́ƒala mmɔ úti útédu useyi. Na ɔƒɛ úsela kanukɔ ni, ɔ́ya na bédie-nwu kabuli kammɔ na bétébo-nwu báva ɔma ɔmmɔ kabɛnye. Na ɔ́ya na bála atakpɛ pii béwi-nwu lɛlɔ. Na atakpɛ ammɔ amu ewi mmɔ úti úbedu ɔmwi kadi.

Yosua 8:29 ပူးပေါင်းရင်းမြစ်များ

Samuel 2 18:17

Na beti Absalom bétébo bákya ubu bonwu ɔdi kemmo na lɛku kemmo mmɔ na bála atabi lisu bonwu básia-nwu lɛlɔ. Na uwi ɔmmɔ kemmo ni, Israelƒuɔ békeli bésie bana lɛma.

Yosua 7:26

Na bála atabi lisu pim lɛdi bálɛ Akan lɛlɔ. Na atabi lisu lɛmmɔ lɛlɛ mmɔ úti úbedu ɔmwi. Ɔmmɔ ɔsu na baalɔ kesii kammɔ banii Lɛbibo Kɔwɛ. Na ɔmɛni ɔ́ya na Unwoti kɔnyi kati kati kɔmmɔ kɔyɔ.

Batalane Kabla 12:23

Kɔnakunwi ni, Katɔti ɔtu ɔdi úbo Herode ɔ́ƒiɛmi kalɔ, ɔsika anwu úteti bumwi útete Katɔti. Na beklubi béyi-nwu lɛlɔ kemmo ƒui, na úkpi.

Kɔgya 110:5

Unwoti unye-ɔ kɔdianu kakɛ, na limeyi lɛni na ɔdubɔkɛ kɔnyi ni, ɔdubɔyila baga udu.

Kɔgya 107:40

Nsu Unwoti uuti kɔnyi taakya-ma na lɛla lɛni baabla ɔsu. Na ɔɔbɔku-ma taatákya kalɔ kakwiidi kemmo na bakɛ baaví ɔni na baaagyi kesii kani bésela.

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Yosua 10:33

Na uwi ɔni na bakya beekpóku Lakisƒuɔ bamɛni ni, Ɔga Horam ɔni nási Geser ku nwuna bekpone bébo bébebunku-ma. Nsu Yosua ku nwuna bekpone békpo bádi-ma lɛlɔ. Na bádu-ma ƒui kede kede ɔni na ina ukyuli unwi útebu.

Yosua 10:30

Na Unwoti ɔ́ya na Israelƒuɔ bádi Libnaƒuɔ lɛlɔ. Na bádu bekyuli bani ƒui nkya ɔma ɔmmɔ kemmo ɔni na bátanu ukyuli ɔdi kɔnyana. Na lɛla lɛni na béti bábla Yeriko ɔga ni, lɛla lɛmmɔ kani na béti bábla Libna ɔga lɛnɔ.

Yohane 19:31

Amu na Yudaƒuɔ benengu bammɔ básu Pilato banii ute-ma kuƒi na bekyuli bani na bákana bámana ugyii lɛlɔ mmɔ ni, na bebo-ma lɛgba ekubi baƒɛ na baƒami-ma na ugyii lɛlɔ mmɔ. Yudaƒuɔ bammɔ báwia ka babla ɔmɛni ɔsika limeyi lɛmmɔ lɛdi Ƒida. Na bátayɔ ka bekyuli bammɔ ɔlɔna ɔƒa ligyii lɛlɔ mmɔ utédu kadi kégye kani ndi bana lɛnwunameyi. Na lɛnwunameyi lɛni ndubo mmɔ lɛnɔ lɛdi limeyi linengudi geen lɛni nse kedee ƒui lite-ma.

Yosua 12:9

Na Israelƒuɔ békpo bádi baga bani mɔɔdi lɛma lɛni anyi ndubo bɔlɔ mɛni lɛlɔ. Na lɛma lɛmmɔ ndi Yeriko ku Ai ɔni nde Betel

Yosua 8:23

Nsu Aiƒuɔ ɔga amu ni, buƒie na béƒie-nwu béboku Yosua.