Yosua 8:2 - Katɔti Ɔku Kedee

² Na bɛyila Ai ɔma ku ɔga ku bekyuli bammɔ ƒui udu aani kalɛ na bɛ́bla na Yerikoƒuɔ. Nsu bibo kuƒi ka biti bana ala ku bana bebuo. Bɛtu akpagya na bitábɛ na biyu-ma bɛtu na bitékpoku-ma.”

Yosua 8:2 ပူးပေါင်းရင်းမြစ်များ

Ala Alɛdi 2 13:13

Amu na uwi ɔni na Abiya unye ɔɔtɛmi mɛni ni, Yeroboam ɔ́ɔtala batu badi ka bátásia Abiya kama kakɛ na beyu-nwu batu bekpoku-nwu na bana bakladi bekpo-nwu basiku anumi mɛni.

Ala Alɛdi 2 20:22

Na ɔni kani na bése kalɔ beedie bumwi lɛnu lɛmɛni kani na Unwoti ɔ́ya na bekisine bammɔ bábla gyugyuugyu na bana kɔkyakɔ.

Kɔgya 39:6

Geen ni, ukyuli ngba buuubo bɔyii taakya aani ukyuli kɔyu kɔni muuwi kalɔ. Na keeke na uutú lɛlɔ ɔnii ɔɔsála ala ute lɛlɔ. Nsu ɔɔɔgyi ukyuli ɔni ndubo ala ammɔ bɔdi.

Agba 13:22

Bekyuli babuni ni, ama muusé bana bebi ku bawɔ kama. Nsu bekyuli bekpidi lɛkɛ ni, liinwíni bekyuli babuni lɛdi.

Agba 28:20

Ukyuli ɔni mɔɔsia ala anu taabla-nya ulu lɛlɔ ni, ɔdubɔkɛ lɛyuƒɔla bonwu. Nsu ukyuli ɔni mɔɔwia ka unwini ɔlakɛne kɔnakunwi ni, ɔdubuduo ɔgbankpi kemmo.

Yeremia 17:11

Bɛ́nya bina bakpana bɛ́kya, nsu ala ani ƒui na bɛ́kɛ na ese-mii ni, adubo bɔtɔlɔ-mii kudɔ aani baasɛ avala ani na béyu bákya aasɛ bamba kalɔ na évuo. Na mmɔ na bɛdubɔnu bɔti badɔlɔdi bani udu na bɛdi.”

Yeremia 51:12

Na bɛkɔliku bina kati bute aƒlaga katɔ na bitaaƒɛ ɔma unengudi ɔmmɔ awodu. Bimene bagyumane bibu. Na bɛya na bekpone bataanu ɔma unengudi ɔmmɔ lɛlɔ. Na bɛbla kɔbɛkɔ kesii kani na bɛdubunye bitaatu ɔma ɔmmɔ. Ami lɛ́ɛbla kasusu ka ndubo ɔma ɔmmɔ udu bɔyila na lɛla lɛdi lɛsɔ liletile-mi kuƒi.

Lɛkpa Ulu 2:35

Na bebuo bani nkya ɔma ɔmmɔ kemmo ku bana ala ƒui ni, bɔ́da-nya búti búnwini abu adi.

Lɛkpa Ulu 20:14

Na bɛɛyɔ́ ni, bɛkana biti bana beleku ku bebi ku bebuo ku lɛla biala lɛni nkya ɔma ɔmmɔ kemmo. Na bibo kuƒi ka bɛblaku lɛla biala na bina bekisine bammɔ bebo kalɛ na bɛɛyɔ́. Ɔsika bina Unwoti néti-nya úte-mii.

Lɛkpa Ulu 3:2

Nsu Unwoti ɔ́su-mi ɔnini, “Tayia ɔga ɔmmɔ. Ɔsika líti Ɔga ɔmmɔ ku nwuna bekpone ƒui ku nwuna kɔlɔ lɛ́kya-a enu kemmo. Anwuɔsu kalɛ na ábla Amoriƒuɔ Ɔga Sihon ɔni nádi lɛga na Hesbon na kekpo kemmo ni, lɛni kani na adubɔbla Ɔga Og.”

Yosua 10:1

Yerusalem ɔga ɔni baalɔ banii Adoni-Sedek únu ka Yosua úkpo ɔ́di Ai lɛlɔ na ɔ́yila ɔma ɔmmɔ udu kede kede na ɔ́du Aiƒuɔ ɔga aani kalɛ kani na ɔ́bla Yerikoƒuɔ ɔga. Na únu lɛnɔ ka Gibeonƒuɔ bésie bétévele Israelƒuɔ na bényimiku-ma na bábla unwi. Na belie bede-ma.

Yosua 10:28

Ɔmmɔ kama ni, Yosua ku Israelƒuɔ besie na bétékpoku Makedaƒuɔ na ɔ́di-ma lɛlɔ limeyi lɛmmɔ kani. Na ɔ́du ukyuli biala na ɔkya ɔma ɔmmɔ kemmo ɔni na ukyuli biala útebu. Na lɛla lɛni na ɔ́bla Yeriko ɔga ni, lɛni kani na ɔ́bla Makeda ɔga.

Yosua 11:14

Na Israelƒuɔ béti ala ani náƒɔ kuye ku bana bebuo na béti lɛma lɛmmɔ bábla bana ɔdi. Nsu ukyuli biala na ɔ́kya ɔma ɔmmɔ kemmo ni, bádu-nwu ɔni na ina ukyuli unwi muedi útebu.

Yosua 6:21

Na bákpa bana kuwii na bádu ukyuli biala, banana ku beleku, banamu ku benengu. Na bádu bana ɔmantɛ bakɔ ku baƒonu ku bebuo ala betine beblidi ƒui na énwini Unwoti akpala.

Yosua 8:12

Na úti bekpone bani bumomo bɔdubɔbla aani mpim ɛlɔ na úti-ma útábala Ai ku Betel ɔƒɛ kanukɔ kakɛ.

Yosua 8:14

Uwi ɔni na Aiƒuɔ ɔga ɔ́nu lɛni ni, anwu ku ɔma unengudi ɔmmɔ banana ƒui bábla báyu ulu ɔtanta tutuutu ka batásiaku Israelƒuɔ na Yordan Kɔwɛ kakɛ na betékpoku-ma, nsu útati ka Yosua bekpone bábɛ bakya ɔma ɔmmɔ kama na badubo-nwu bukpo bɔsiku mmɔ.

Yosua 8:19

Na ka úti lɛtula lɛmmɔ ɔ́tina ɔma ɔmmɔ lɛni ni, nwuna bekyuli bani nábɛ ƒui báta kɔnakunwi na békeli bétéduo ɔma ɔmmɔ kemmo na bátu ogya bakya-nwu kemmo.

Yosua 8:24

Uwi ɔni na Israelƒuɔ bádu Aiƒuɔ bani nábi básiaku-ma na kekpokɔ mmɔ ku kalɔ kakwiidi kemmo mmɔ na bátu-ma kuwii ƒui báwɔlɔ ni, bénwini bésie Ai ɔma kemmo na bátádu bekyuli bani ƒui nkya mmɔ.

Yosua 8:3

Anwuɔsu Yosua ɔ́ta na anwu ku nwuna bekpone ƒui bátu akpagya ka betékpoku Aiƒuɔ. Na údie bekpone bani ngyi bukpo geen aani nkyuli mpim avlaatɛ na báta usien ɔmmɔ.

Yosua 8:7

Na si ɔlɛ lɛni ni, na bɛta bina kabɛkɔ mmɔ na bitádi ɔma ɔmmɔ lɛlɔ. Ɔsika Unwoti Katɔti ɔdubo ɔma ɔmmɔ buti bɔkya bina enu kemmo.

Yosua 8:8

Na si úti ɔma ɔmmɔ ɔkya bina enu kemmo ɔ́wɔlɔ ni, na bɛtu ogya bɛkya ɔma ɔmmɔ kemmo na bɛbla bɛsia Unwoti ɔda ɔni na úbo-mii lɛlɔ. Na bɛdi mina litemi lɛmmɔ lɛlɔ.”

Yosua 8:9

Ɔmmɔ kama Yosua ɔ́ya na bekpone bammɔ bátɔlɔ. Na bésie batábɛ Ai ɔma ɔmmɔ ɔƒɛ kanukɔ kakɛ na ɔma ɔni ɔtɛ Ai ku Betel ntɛ. Na bátábɛ na benye kagyumana. Nsu Yosua ku bekyuli bammɔ báƒɔ lɛlɔ bákya mmɔ usien umodi ɔmmɔ.

Yosua 9:3

Na ka Gilbeonƒuɔ bénu kalɛ na Yosua ɔ́bla Yerikoƒuɔ ku Aiƒuɔ ni,