Yosua 8:1 - Katɔti Ɔku Kedee

¹ Amu na Unwoti ɔ́su Yosua ɔnini, “Ta na eti ƒula bekpone ƒui na bɛkɔ bisie Ai bitékpoku-ma.” Na ɔ́su-nwu ɔnini, “Bitayia-ma, na ɔdi lɛnɔ enu ataƒɛ-nwu, ɔsika ami Unwoti ndubɔya na bɛdi Aiƒuɔ lɛlɔ. Na ndubɔnyonu bana ɔga ku bana ɔma ku bana bekyuli ku bana kɔlɔ lɛkya-mii enu kemmo.

Yosua 8:1 ပူးပေါင်းရင်းမြစ်များ

Kɔgya 27:1

Unwoti ndi mina bukeye na anwu muudie-mi lɛbibo biala kemmo. Ɔdi mina katamikukɔ kani muukeli teesie na ɔɔgyumana-mi ɔsu naaayia.

Kɔgya 44:3

Na ɔɔɔdi bula bati bamɛni nékpo ku bana kuwii asa báƒɔ kalɔ kamɛni bése iye bana enu kabla kadi na béti badi-ma lɛlɔ. Mmomu awɔ nnye mmɔ na ábla ala ebendi ku ƒula ɔyikun na átina ka aayɔ́-ma.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 43:2

Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.

Yeremia 46:27

“Limeyi lɛdi ni, ndubo-mii bɔkpanku bɔsiku baƒɔ kɔlɔ kɔni lɛlɔ na bɛkya búboku ɔma. Na amii ku bina bebi ku bawɔ ƒui bilie na atu bɔyɔ kemmo ɔni na bɛsɔ bilayia lɛla lɛdi.

Yeremia 49:3

“Amii Hesbon bekyuli, biteewulo! Bina ɔma ɔdubunwini kebu alakpi, ɔsika bábwɛ Ai na ɔ́yii udu. Bɛdubo buteekeli taaka taamana bɛnii bɛɛwia katamikukɔ, nsu ala adubo-mii bɔbala na lɛƒɛnyi ƒui lɛlɔ. Bɛdubo bunwini, ɔsika bina kɔsiakɔ ƒui kɔdubo buti na bilákɛ kasiakɔ kadi. Na amii Rabaƒuɔ, biti kɔnyana ala bɛda na biteewulo kɔnyana, ɔsika badubo bina baƒiɔ Milkom bani na bɛɛkpá buti bɔtɔlɔku busienku ɔlɔgyu kakaaka na kaƒɔ. Na betiku bina bakpane ku bina benengu bammɔ ƒui.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Mateo 8:26

Mmɔ na Yesu úye-ma ɔnini, “Bi ɔsu na bibo liƒu lɛni? Bina bɔƒɔtaadi bɔsɔ.” Amu na ɔ́ta na ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ ɔnii bɔda bɔya. Na mmɔ ƒui kábla kpoo.

Lɛkpa Ulu 1:21

Anwuɔsu bɛɛnu kalɔ kammɔ ka kewi mmɔ. Biteesie na bitéti-ka aani kalɛ na Unwoti ɔni ndi bina bati kuuku Katɔti ɔ́su-mii. Na bitayia ukyuli ɔdi, na enu ataƒɛ-mii lɛnɔ.

Lɛkpa Ulu 31:8

Na Unwoti ɔlati ɔdubɔtɔnku-ɔ. Na ulálɛ-ɔ kama iye ɔnyonu-ɔ. Anwuɔsu taya na enu áƒɛ-ɔ iye liƒu lɛda-a.”

Lɛkpa Ulu 7:18

Biteti kasusu kammɔ udu bitekpoku lɛlɔ. Mmomu binyimo kaduɛ lɛla lɛni na Katɔti ɔ́bla Egyipteƒuɔ ku bana ɔga.

Lɛkpa Ulu 7:21

Anwuɔsu si bɛ́da bɛ́lɛ-ma lɛlɔ na kekpo kemmo ni, bitaya bana lɛlɔ liƒu lɛda-mii. Ɔsika bina Unwoti Katɔti údu na ɔkya-mii akɔ na ɔɔda liƒu, na anwu ndubukpo ute-mii.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Yosua 10:7

Anwuɔsu Yosua úti nwuna bekpone ƒui ku bani muukpó kaduɛ ƒui na báta bási Gilgal na bésie.

Yosua 10:8

Mmɔ na Unwoti ɔ́su Yosua ɔnini, “Tayia Amoriƒuɔ baga ku bana bekpone bammɔ Líiti-ma lɛ́kya-a enu kemmo kukuuku. Na mɔɔsu-ɔ ka ni, ina ukyuli unwi ulakana-a anumi bɔkpɛ bude.”

Yosua 2:24

Na básu-nwu banini, “Bɔɔƒɔ́ taadi ka Unwoti úti kalɔ kammɔ ƒui úte-bu. Ɔsika bekyuli bani ƒui nkya kalɔ kammɔ lɛlɔ ɔtɔtɔ úse kalɔ ɔɔgyú-ma ɔ́si abu ɔsu.”

Yosua 6:2

Amu na Unwoti ɔ́su Yosua ɔnini, “Líti Yeriko ku nwuna ɔga ku bekpone ƒui mɔɔkya-a enu kemmo.

Yosua 7:9

Kanaanƒuɔ ku bekyuli ƒui badubo bunu ala ani mɔɔlɛ́ mɛni. Na badubo bɔsala na bebo-bu ƒui badu kede kede. Na si ɔmɛni udu ɔlɛ ni, dɛ na adubɔblaku ƒula lɛnyi lɛni lɛƒɔ kuye mɛni?”