Yosua 7:6 - Katɔti Ɔku Kedee

⁶ Amu na lɛla lɛni nálɛ mɛni ɔsu ni, ɔ́bla Yosua ku Israelƒuɔ benengu kalɛ kadi. Na báni bana lɛwu bábuɛ na báyu bébi kalɔ na Unwoti Bunyimi Adaka anumi. Na bébi kalɔ mmɔ úti útédu useyi uwi. Na béti ɔtumu bewi lili úti ɔɔtina kalɛ baadu kɔnyana.

Yosua 7:6 ပူးပေါင်းရင်းမြစ်များ

Ala Kalɔ Buse 37:29

Ka Ruben únwini úsie libiɔ lɛmmɔ kɔtu na ɔ́nu ka Yoseƒ ɔsɔ uuubo ubu ɔmmɔ kemmo ni, ɔdi lɛla lɛni nékpoku-nwu geen ɔsu ɔ́ni awu ɔni na ɔkya ɔ́bwɛ kalɛ na ama baabla.

Ala Kalɔ Buse 37:34

Na litemi lɛmmɔ líkpoku-nwu geen, anwuɔsu ɔ́ni nwuna awu ɔ́bwɛ. Na úti adikpi únyimi na úwulo ubidi emeyi pii.

Samuel 2 1:11

Amu na Dawid ku nwuna basiakune báni bana lɛwu lɛni bakya bábwɛ ɔ́tina ka beewulo kɔnyana.

Samuel 2 1:12

Béwulo kɔnyana ku keku ɔni na bátadi lɛla lɛdi útédu useyi uwi, ɔsika Yonatan ku ɔti Saul ƒui békpi. Na lɛni kani na béwulo bekpone bamba bani lɛnɔ nékpi na badi Unwoti kadi bekyuli Israelƒuɔ.

Samuel 2 1:2

Na limeyi lɛtɛdi lɛlɔ ni, ɔnana ɔdi ɔ́si kesii kani na Saul ɔ́da keliekɔ na belie úbo Dawid kudɔ, na nwuna adala ábwɛ na ɔtumu uwi-nwu lili. Na úboku lɛlɔ kalɔ na ɔ́kya lili kalɔ úte Dawid.

Samuel 2 12:16

Dawid úvele Katɔti na ubi ɔmmɔ lili. Únyimi kenye na ɔ́kalɛ lɛlɔ ɔ́kya ɔtɔ, na kalɔkplu kani na ɔɔtɛ usien biala.

Samuel 2 13:19

Tamar úti ntɔ úwi lili na ɔ́ni awu buni ɔni na ɔkya mmɔ ɔ́bwɛ. Na úti enu úwi lili na ɔkɛ uuwulo momoomo ɔ́tɔlɔ.

Samuel 2 13:31

Ɔmmɔ ɔsu ɔga ɔ́ta únye na ɔ́ni nwuna awu ɔ́bwɛ na ɔ́yu úwi kalɔ. Lɛni kani na nwuna kabla bablane lɛnɔ báni bana lɛwu babwɛ na benye-nwu kudɔ ku kɔnyana.

Baga 2 22:11

Uwi ɔni na Ɔga Yosia únu etemila ammɔ ni, ɔ́ta na ɔ́ni nwuna adala ɔ́bwɛ.

Ala Alɛdi 2 34:19

Na ka Yosia únu ala ani na akya Katɔti Ɔda Bubo Ɔku ɔmmɔ kemmo ni, ɔ́ni nwuna awu ɔni na ɔkya ɔ́bwɛ ku kɔnyana.

Esra 10:1

Uwi ɔni Esra ɔkya uubó lɛlɔ taava kalɔ na uuwulo taakpali Katɔti na uudie bana alaekpidi kalɔ teevele buti taakyiɛ na Katɔti kaduli ni, bekyuli lisu pii bábaka bámana-nwu na badi beleku ku banana ku banamu na ama lɛnɔ bakya beewulo momoomo.

Nehemia 9:1

Na limeyi aavlanyɔ-ine na kɔbuli kɔmmɔ lɛlɔ kani kemmo ni, Israelƒuɔ básala lisu na bényimi kenye, na béti adikpi adi bényimi lɛlɔ, na béti ntɔ báwɛɛ bana eli.

Ester 4:1

Ka Mordekai únu ɔku ɔmmɔ kenye ni, ɔ́ni nwuna awu ɔni na ɔkya ɔ́bwɛ, na úti adikpi ɔ́sabla, na ɔ́kpi ntɔ anumi, na ɔkɛ uuwulo momoomo taavi na Susa ɔma ɔmmɔ ƒui kemmo.

Ester 4:3

Na kalɛkɛ biala lɛlɔ na báka ɔku ɔmmɔ ni, Yudaƒuɔ bani nkya mmɔ keku kani na beewulo na baaƒɛ́ enu, na badi béti adikpi bényimi na báyu béwi ntɔ akɔ.

Hiob 1:20

Hiob ɔ́ta únye kɔnakunwi ka únu kenye kamɛni. Na ɔ́ni nwuna awu ɔ́bwɛ na úkpeyi lili, na ɔ́yu úbi kalɔ úmwi Unwoti.

Hiob 2:12

Ka bakɛ ɔgyu bésela na bánu-nwu bémene ni, béteyile-nwu bɔnu bɔti banii anwu na ɔdi mmɔ. Na litemi lɛmmɔ lɛ́bla-ma kɔnyana, anwuɔsu báni bana lɛwu bábwɛ na báma ɔtumu béwi eli na beewulo momoomo na anwu ɔsu.

Hiob 42:6

Ɔmmɔ ɔsu na mina lɛlɔ lɛ́bɔ-mi na líbo nli ɔtumu ku ntɔ akɔ mɛni. Na mɔɔtina kalɛ na mina lɛlɔ libo kɔnyana.”

Kɔnyana Buwulo 2:10

Sion batɔnkune ƒui bába lɛsɛ kpoo, na beli kalɔ kplu beebó ɔtumu teewi lɛlɔ, na benyimi adikpi. Na nwuna begblebi basɔ beeebo lɛla lɛdi, na babla utulo ka benye bataanu kalɔ kpoo.

Bumomo Bɔka 14:6

Na Nun ubidi Yosua ku Yeƒune ubidi Kaleb bani mbunku bekyuli bani nésie bátávi bánu kalɔ kammɔ báni bana lɛwu bábwɛ.

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Bumomo Bɔka 16:45

“Bɛkpɛ bɛlɛ Israelƒuɔ bammɔ kudɔ kalɛ na ɔdia-mi na lɛyila-ma udu kɔnakunwi.” Nsu Mose ku Aaron báyu bébi kalɔ.

Batalane Kabla 14:14

Na uwi ɔni na Paulo ku Barnaba bénu lɛla lɛni na báyɔ ka babla ni, báni bana lɛwu bábwɛ, ɔsika bátayɔ ka bekyuli bammɔ babla lɛni. Anwuɔsu békeli béduo bekyuli bammɔ akɔ. Mmɔ na báva

Yosua 7:7

Amu na Yosua ɔ́kpali Katɔti na ɔ́su ɔnini, “O Unwoti Katɔti Ɔni Ntulo Ƒui, báyila-bu udu! Na bi ɔsu na átaya na bɔsɔ bɔkya Yordan Ketu ɔvi ɔni nye mmomu?

Budie Taatina 18:19

Amu na béti enu béwi lili na béwulo kɔnyana geen na básu banini, “ ‘Bɔbuɛ, bɔbuɛ na buute ɔma unengudi ɔmɛni. Kesii kani na bekyuli bani mbo lɛkɔlɔ bonwu na beesiénku-ni ntu anumi bákɛ bana lɛkɛ! Ɔdɔ bubo unwi kemmo kani ni, lɛla biala líbie!

Litemi Batɛne 11:35

Uwi ɔni kani na ɔ́nu-nwu ni, mmɔ kani na ɔ́ni nwuna awu ɔ́bwɛ na úwulo momoomo, na ɔ́su-nwu ɔnini, “O mina ubi, áya na mina lɛlɔ lɛɛdu kɔnyana geen. Ɔsika líse kenye líte Unwoti na naaakana masu nnii naaadi-ka lɛlɔ.”

Litemi Batɛne 20:23

Na Israelƒuɔ bésie Unwoti anumi na bétéwulo bakya-nwu laa útédu useyi uwi. Na béye Unwoti banii, “Bɔsɔ busie na butékpoku bula banwani Benyamin kɔdua?” Amu na Unwoti údie kenye ɔnini, “Ɛɛn, biteesie bitékpoku-ma.”

Litemi Batɛne 20:26

Mmɔ na Israelƒuɔ ƒui bésie Betel na bátáyu bélie Unwoti anumi na beewulo. Na limeyi lɛmmɔ bátadi lɛla biala útédu useyi uwi. Na bábla bɔkyula ku unwi bɔbla akpala béte Unwoti.

Litemi Batɛne 21:2

Na bekyuli bani nésie Betel ni, bétélie Katɔti anumi na beewulo momoomo ɔ́si ɔtanta útédu useyi uwi taasu banini,

Samuel 1 4:12

Limeyi lɛni kani lɛlɔ na Eli bebi békpi mmɔ ni, ɔnana ɔdi ɔ́si Benyamin kɔdua kemmo úkeli ɔ́si kekpokɔ mmɔ úsie Silo. Nwuna adala áduli ƒui na ɔtumu uwi-nwu kuli.