Yosua 7:24 - Katɔti Ɔku Kedee

²⁴ Ɔmmɔ kama Yosua ku Israelƒuɔ béƒie Akan ku bebi bananabi ku belekubi ku nwuna ɔmantɛ bakɔ ku baƒonu ku bebuo beblidi ala betine bani na ubo ku sika ɔƒualadi ku awu gyɔlɔɔ ku sika ugyiedi ugyii ku nwuna kevo ku ala ani nse-nwu, na béti anwu ku ala ammɔ ƒui bésienku kɔwɛ kɔni baalɔ banii Akɔ nwuna kalɔ ndi Lɛbibo Kɔwɛ.

Yosua 7:24 ပူးပေါင်းရင်းမြစ်များ

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Hiob 20:15

Na Katɔti ɔdubɔya na badala lɛkɛ lɛni na bánwanɛ báƒɔ bekyuli kudɔ bému bébweli mmɔ.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Agba 15:27

Lɛlakɛ lɛni naaakɛ ulu ɔbuni lɛlɔ líduo lɛkɔkɔ ni, Unwoti ɔɔyá na lɛbibo liiduo ɔtɔ ɔmmɔ ƒui kemmo. Nsu ama bani naaabɛ taaƒɔ ala bekyuli kudɔ taadi ni, ama ndubulie ku keyi buɛɛ.

Etemila 5:13

Lɛ́ɛnu likyulikpi ala enengudi geen na kalɔ kamɛni lɛlɔ ɔni na akɛla ani na ɔlakɛne ɔ́tɛ úse lɛlɔ énwini-nwu ɔgbankpi.

Yesaia 65:10

Na Saron ɔdubunwini bebuo kadikɔ kabuni ute bana bebuo. Na Akor Ɔkwalɛ bonwu ɔmmɔ ɔdubunwini kesii kani na bebuo bammɔ badubo butaatɛ taanwuna ute mina bekyuli bani mɔɔwia-mi kama ulu.

Hosea 2:15

Na ndubɔsɔku nwuna adingyii mmo lite-nwu. Na lɛbibo ɔkwalɛ ɔni kemmo na ala ékpoku-nwu ɔdubo bunwini Lɛnunsia Ɔkwalɛ. Na ɔdubɔtuna ute-mi ɔnii, ‘Ɛɛn,’ aani kalɛ na ɔ́bla uwi ɔni na ɔdi ugblebi na ɔ́si ɔɔlɛ́ Egyipte kalɔ lɛlɔ.

Yosua 15:7

Na ɔ́si Akor Kɔwɛ lɛlɔ útédu Debir na ɔ́bu ɔkɛ útédu Gilgal Adumim ulu ubendi na Akor Kɔwɛ kada kakɛ. Na ɔ́vi ɔ́kɛ En-Semes Ketu kenye na úti útédu En-Rogel.

Yosua 22:20

Na binyimo Serah ubidi Akan atu ɔkplu ani na ɔ́bla kalɛ na ɔ́bɛ úti ala ani na Unwoti ɔ́su-bu ka bɔyila-nya udu. Na ɔmmɔ ɔsu ɔ́ya na Unwoti kɔnyi kúbo bula ƒui lɛlɔ ɔni na ɔɔɔdi Akan lɛti nékpi ina ka anwu lɛti nábla likpidi lɛmmɔ.”

Yosua 6:18

Nsu Yosua úbo-ma ɔda ɔnini, “Ɔdi uteti ala ani badubo bubele mmɔ ɔdi utakya lɛlɔ. Na si ɔdi ɔ́bla lɛdi ni, ɔdubuti lɛbibo ku ɔgbankpi uboku Israelƒuɔ akɔ.

Yosua 6:21

Na bákpa bana kuwii na bádu ukyuli biala, banana ku beleku, banamu ku benengu. Na bádu bana ɔmantɛ bakɔ ku baƒonu ku bebuo ala betine beblidi ƒui na énwini Unwoti akpala.

Yosua 7:1

Na Unwoti ɔda ɔni na úbo Israelƒuɔ ka beteti lɛla biala batakya lɛlɔ si bésie betékpoku Yerikoƒuɔ ni, bátadi-ni lɛlɔ. Ɔsika ɔnana ɔni baalɔ Akan úti ala ammɔ adi ɔ́kya lɛlɔ. Anwuɔsu Unwoti úti kɔnyi kati kati ɔkya Israelƒuɔ. Na Akan ɔmɛni ɔ́si Yuda kaba kemmo na Serah ɔtɔ kemmo. Na Serah náwɔ Sabdi, na Sabdi náwɔ Karmi, na Karmi náwɔ Akan ɔmmɔ.

Yosua 7:23

Amu na bekyuli bammɔ bétéku ala ammɔ balɛku kevo kammɔ kemmo beboku. Na béti-nya béboku Yosua na Israelƒuɔ lɛnɔ bánu ala ammɔ. Na Yosua úti ala ammɔ útéwi Unwoti anumi.

Yosua 7:26

Na bála atabi lisu pim lɛdi bálɛ Akan lɛlɔ. Na atabi lisu lɛmmɔ lɛlɛ mmɔ úti úbedu ɔmwi. Ɔmmɔ ɔsu na baalɔ kesii kammɔ banii Lɛbibo Kɔwɛ. Na ɔmɛni ɔ́ya na Unwoti kɔnyi kati kati kɔmmɔ kɔyɔ.