Yosua 7:21 - Katɔti Ɔku Kedee

²¹ Uwi ɔni bunye kekpo kemmo ni, mmɔ na lɛ́nu Babilon awu buni gyɔlɔɔ ɔdi ku sika ɔƒualadi ebi aƒɔ alɔ ku sika ugyiedi ugyii unwi ɔni unu metulo sika ɔƒualadi ebi koƒo kunwi. Ka lɛ́nu ala ammɔ ni, anumi egyie-mi na líti-nya. Na adubɔnu-nya na mina kevo kemmo ka líku-nya lɛkya mina ɔtɔ kalɔ. Na sika ɔƒualadi ebi ammɔ akya-nwu kalɔ.”

Yosua 7:21 ပူးပေါင်းရင်းမြစ်များ

Ala Kalɔ Buse 10:10

Na lɛma lideedi lɛni kemmo na úse nwuna lɛga kadikɔ úse ndi Babel ku Erek ku Akad ku Kalne na kalɛkɛ kani baalɔ banii Sinear kemmo.

Ala Kalɔ Buse 3:6

Amu ka uleku ɔmɛni ɔ́nu ɔ́ti ka kugyii kɔmmɔ ebi adia bɔdi, na aadia bɔnu, na aayá na ukyuli ɔɔdá anu ɔsu ni, úde adi na ɔ́di. Na úde ɔdi úte ɔgyani ɔni nkya mmɔ lɛnɔ na ɔ́di.

Ala Kalɔ Buse 34:27

Yakob bebi bábavi bekpine bammɔ lɛlɔ na bála bana ala ƒui batɔlɔku ɔma ɔni kemmo na bébile bana ɔnwani mmɔ.

Ala Kalɔ Buse 6:2

ɔni na kayaa batu bani náyila bana kenyekɔ na Katɔti kudɔ ni, bánu kalɛ na beleku bammɔ baadia bɔnu ɔsu ni, béti bani na baayɔ́.

Samuel 2 11:2

Limeyi lɛdi useyi uwi ni, Dawid ɔ́ta katɛnkɔ na ɔkɛ uusié taavi na ɔga kesii ɔtɔ katɔ mmɔ. Amu na ɔ́nu úmene na kaduli kadi kemmo na kalɔ ka uleku ɔdi ulie ɔɔkpí ntu. Na uleku ɔmmɔ ɔɔdia bɔnu geen.

Baga 2 7:8

Ka bekyuli bani muuƒi ɔlɛgyie mmɔ bédu mmɔ ni, bétéduo ɔtɔ unwi ɔdi kemmo na bádi na báni na mmɔ. Na béti bana sika ugyiedi ku ɔƒualadi ku bana adi na béti bátábɛla. Na ka bétédu adi ɔtɔ ɔbambadi kemmo lɛnɔ bábla lɛni kani.

Hiob 31:1

“Líse kenye ka lɛɛɛdubo ugblebi ɔdi ɔnusɛ bɔnu na ɔda-mi ɔkwɛ.

Kɔgya 119:37

Da-mi na lɛda atu lidie ala keeke ani neeebo kɔsia kɔdi lɛlɔ. Na aya na lilie ngba lɛsiaku ƒula ulu lɛlɔ.

Israelƒuɔ Bɔlɛ 20:17

Taya na anumi egyie-ɔ na ƒula ukyulikpana kaduli lɛlɔ. Na taya na anumi egyie-ɔ na ƒula ukyulikpana ulekudi, iye nwuna kabla ɔblane ɔnanabi iye ulekubi, iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ.”

Agba 1:19

Bekyuli bani ƒui na anumi eegyie-ma na lɛkɛ likpidi lɛlɔ ni, lɛni na bana kawɔlɔkɔ kaabla.

Agba 23:31

Taya na kalɛ na ntɛ avlɔvɔ eeƒuƒuo na aadia bɔnu na bɔɔyu emini lɛnɔ atɔlɔ-ɔ.

Agba 28:22

Ukyuli ɔni mbo sika lɛnungyie mɔɔwia ka ɔkɛ lɛkɛ pla, nsu ɔɔɔgyi ka kɔwaba kemmo na úsela utéduo.

Agba 4:23

Na lɛla lɛni ntulo ƒui ni, da ƒula kayi kemodi kammɔ kaduɛ, ɔsika ngba libiɔ lɛni mɔɔyu ntu kadi.

Yesaia 28:15

Bɛɛkun lɛmɛnɛ taasu bɛnini, “Abu ku kukpi bínyimi ka kɔsɔ kuládu-bu, na bɔsɔ buleduo kaƒiɔtɔ kemmo iye si lɛbibo ku kawɔlɔkɔ lɛbibo kpakplaa lɛmmɔ lídu ni, ɔdubɔvia-bu lili, ɔsika búti ɔkɔ bɔ́nyi búnwini katamikukɔ na búti katuala bɔ́bla kabɛkɔ.”

Yesaia 29:15

Bɔbuɛ beete bekyuli bani mɔɔbla ala bɔbɛ kemmo na baakali ka Unwoti ɔɔɔgyi, na baabla ala lɛdisa kemmo na beeye banini, “Ɔma mɔɔnu-bu? Na ɔma ndubo bɔti?”

Habakuk 2:9

“Bɔbuɛ ute-mii! Ɔsika amii nénye bekyuli lɛlɔ na bíƒie-ma ala bɛ́ƒɔ bɛ́bla lɛkɛ bíse bina bebi. Na bɛ́su ku bɔsu muedi bɛnini, ‘Ɔda bubo bɔdi buladi-bu lɛlɔ.’

Luka 12:15

Amu na ɔ́su bana ƒui ɔnini, “Bɛsia lɛlɔ anu na binye lɛlɔ kagyumana na ɔdivo udu biala bɔdi lɛlɔ, ɔsika ukyuli ngba geen bɔɔɔkɛnku ala ani nse-nwu lɛlɔ ina dɛ na ɔdi ɔlakɛne.”

Luka 12:2

Ala ani ƒui na bekyuli bábla bábɛ ni, adubo bɔda bɔlɛ keyi nwaa.

Eƒesoƒuɔ 5:3

Ka Katɔti bebi bɛdi ɔsu ni, bɛda lɛlɔ bidie lɛsɔnɔdi ku lɛyalɛ ku lɛnungyie ƒui kemmo. Ɔsika ala amɛni udu átamanku ka balɔ-nya anyi muedi na Katɔti bekyuli kedee akɔ.

Eƒesoƒuɔ 5:5

Ɔsika amii alati bɛgyi bise ka ukyuli ɔni mɔɔbla lɛnungyie lɛni ndi lɛƒiɔkpa iye ɔni mɔɔbla lɛsɔnɔdi iye lɛyalɛ ni, uuubo kadikɔ kadi na Kristo ku Katɔti lɛgadi kemmo.

Lɛkpa Ulu 7:25

Na si bɛ́di kadi bekyuli badi lɛlɔ ni, bɛkyula bana baƒiɔ bani na bátu bálɛ. Nsu ɔdi biala ɔnu kaduɛ na anumi etegyie-nwu na bana sika ugyiedi iye ɔƒualadi ɔni na béti bámana bana baƒiɔ bammɔ lɛlɔ na ɔdi ɔsu ɔnii uuti ɔdi. Ɔsika Katɔti ukisi ala ammɔ na adi kakpagyuɛ ete-mii.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yakobo 1:15

Na ala ani mɔɔda-nwu ɔkwɛ mmɔ ni, aaƒɔ́-nwu lɛlɔ kemmo na ɔɔyá na ɔɔbla likpidi. Na uwi ɔni na likpidi lɛmmɔ lɛnɔ lɛ́di-nwu lɛlɔ ƒui ni, ɔdubukpi ɔkya likpidi kemmo.

Yosua 7:20

Amu na Akan údie kenye ɔnini, “Lɛ́bla likpidi lɛ́ƒiɔ Unwoti Israel Katɔti sɔsɔ. Ya na lɛsu lɛla lɛni lɛ́bla.

Yosua 7:22

Amu na Yosua ɔ́tala bekyuli badi ka batánu si sɔsɔ na Akan úku ala ammɔ ɔkya nwuna ɔtɔ kalɔ, na sika ɔƒualadi ebi ammɔ ɔkya-nwu kalɔ.

Petro 2 2:15

Bédeyi bɔƒɔtaadi ulu ɔmmɔ ƒui, na báyii ulu. Basiaku Boer ubidi Bileam ɔbladu kama ɔni mɔɔbla ala ekpidi teeti taakɛ egulabi.