Yosua 7:19 - Katɔti Ɔku Kedee

¹⁹ Ɔmmɔ kama Yosua úye Akan ɔnini, “Mina ubi, die lɛlɔ kalɔ na Unwoti ɔni ndi Israelƒuɔ Katɔti anumi na asu lɛla lɛni na ábla. Na teti lɛla lɛdi tabɛla.”

Yosua 7:19 ပူးပေါင်းရင်းမြစ်များ

Baga 2 20:15

Na Yesaia úye Hesekia ɔnii, “Bi na bekyuli bammɔ bánu na ɔga kaduli mmɔ?” Amu na Ɔga Hesekia údie kenye ɔnini, “Lɛ́ya bekyuli bammɔ bánu lɛla biala. Na lɛla lɛdi lítebu na ala kesekɔ ɔtɔ ɔmmɔ kemmo ɔni na ńtaya na banu.”

Ala Alɛdi 2 30:22

Hesekia ɔ́gya Lewiƒuɔ bammɔ enu na kabla kabuni kani na bábla ɔsu ku kalɛ na bátɔnku lɛkpa na emeyi ammɔ bɔdi kemmo. Bekyuli bani nébo mmɔ bábakpa lɛnɔ bádi limeyi lɛmmɔ emeyi maatɛ sɔɔn na béteeboku etela ani na béti bákpa na baadi adila kedee na baagyá bana bati kuuku Unwoti Katɔti enu.

Kɔgya 32:5

Amu na lɛ́nu mina alaekpidi lɛ́ti na lɛ́su nnini, “Ndubudie mina bɔƒiɔ ƒui kalɔ lite awɔ Unwoti.” Lídie-nya kalɔ líte-ɔ sɔsɔ na nteti ɔdi ntabɛla-a. Anwuɔsu awɔ lɛnɔ ti kyiɛ-mi.

Kɔgya 51:3

Ɔsika lɛ́nu mina alaekpidi lɛ́ti. Na ekpidi ammɔ eeduo-mi uwi biala.

Agba 28:13

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Yesaia 13:12

Ndubɔya na bekyuli basa na kebu ɛlɛɛ geen utulo kalɛ na Oƒir sika ugyiedi ɔbuni ƒui use ɛlɛɛ.

Yeremia 13:16

Binye bɛɛsia bukeye anu, nsu lɛdisa na Unwoti úti uumene-mii. Bɛɛnu ka ɔyuli kɔyu kɔ́ɔƒɔ abi ammɔ lɛlɔ suu ɔdubo. Anwuɔsu binwini bibo Katɔti kudɔ na bidie bina alaekpidi kalɔ bite-nwu asa na bigyiile bibuli.

Daniel 9:4

Na lɛ́kpali Unwoti mina Katɔti kpakplaa geen lɛ́su nnini, “Bula Unwoti, adi Katɔti ɔni na ébomo na ƒula lɛlɔ libo liƒu geen. Na bekyuli bani na baayɔ́-ɔ na beenú ƒula litemi ni, alalɛ ƒula linyese lɛni na ényimiku-ma kama kudii.

Luka 17:18

Dɛ na ɔ́bla asa na ukyuli ɔni naaadi Yudani ɔmɛni kani násɔ únwini úbo ɔnii ubagya Katɔti enu?”

Yohane 9:24

Benengu bammɔ básɔ bálɔ ɔnana ɔni na nka anumi ábwɛ-nwu mmɔ, na básu-nwu banini, “Yia Katɔti, na asu-bu litemi geen lɛmmɔ! Abu bɔgyi ka ukyuli ɔmmɔ ɔdi alaekpidi ɔblane!”

Romaƒuɔ 10:10

Ɔsika ƒula kayi kemmo na aaƒɔ́ taadi na aabla siin na Katɔti anumi. Na ƒula kenye kani na éti eedie ɔmɛni taatina, na aakɛ́ bɔƒɔ.

Timoteo 2 2:25

Na bekyuli bani ƒui mɔɔta teenye litemi buni lɛmɛni lɛlɔ ni, ɔlɛka udie ala kalɔ ute-ma ku kayi buɛɛ. Na ɔƒɛni kalɛ Katɔti ɔdubɔya na benwini kayi na banu litemi geen lɛmmɔ bati.

Tito 2:2

Tina benengu bammɔ ƒui anii ɔdi ka babla anumi ku kasusu nwaa uwi biala. Na bada lɛlɔ kaduɛ ku bana bɔƒɔtaadi, na bataayɔ lɛlɔ, na bataakya ɔkplu lɛnɔ.

Yakobo 1:20

Ɔsika ukyuli kɔnyi kulábla ala abuni ani na Katɔti ɔɔwia taasiku-nwu kudɔ.

Yosua 7:20

Amu na Akan údie kenye ɔnini, “Lɛ́bla likpidi lɛ́ƒiɔ Unwoti Israel Katɔti sɔsɔ. Ya na lɛsu lɛla lɛni lɛ́bla.

Budie Taatina 16:9

Na bekyuli bákywi ɔ́si ogya liwulu kpakplaa lɛmmɔ ɔsu. Na béwida Katɔti lɛnyi, ɔsika nwuna ɔyikun ɔsu na lɛbibo lɛmɛni líbo-ma lɛlɔ. Nsu ɔmɛni kama ƒui ni, bétenwini kama bátakya bana ekpidi na bemwi Katɔti.

Samuel 1 14:43

Amu na Saul úye Yonatan momoomo ɔnini, “Su-mi lɛla lɛni na ábla!” Mmɔ na Yonatan údie kenye ɔnini, “Mina ugyii ɔdadi na líti lɛ́tu uwɔ lɛ́yalɛ. Anwuɔsu bukpi na ɔlɛka likpi?”