Yosua 7:15 - Katɔti Ɔku Kedee

¹⁵ Na ukyuli ɔni ndubɔlɛ lɛnumi ni, nwuna kudɔ na ala ammɔ akya. Na beti ogya bakyula-nwu ku nwuna akɛla ƒui. Ɔsika úti kɔƒa kubendi uboku Israelƒuɔ lɛlɔ. Na útadi bunyimi bɔni na Katɔti únyimi-ku Israelƒuɔ lɛlɔ.’ ”

Yosua 7:15 ပူးပေါင်းရင်းမြစ်များ

Ala Kalɔ Buse 34:7

Yakob bebi báasi alakpi akɔ bébeduo. Ka bénu lɛla lɛni nálɛ ni, béti kɔnyi geen na kɔƒa kubendi lɛla lɛni na Sekem ɔ́blaku bana ɔnwani Dina ka bátɛ ɔsu. Ɔsika ɔmɛni ɔdi lɛla lɛni na útalɛka nka ɔbla na Israel.

Samuel 2 13:13

Na si ina dɛ na use-ɔ ni, alabu-mi lɛlɔ alanu anii dɛ na mabla ku kɔƒa litemi lɛmɛni udu. Na awɔ ɔlati nɔɔ? Adubuti lɛlɔ abla aani ukyuli ɔlalane ɔni neeebo kasusu na Israel kadi bekyuli akɔ? Buvele si ina bi na ɔdi ni, ya na bula ɔti ɔni ndi ɔga ɔti. Lɛ́ƒɔ lɛ́di ka uléni na ɔdubɔbla lɛla biala na eti-mi,”

Yosua 7:11

Mɔɔsu-ɔ ka Israelƒuɔ bábla likpidi. Na báta bénye ɔda ɔni na líbo-mii mmɔ lɛlɔ. Na béti ala ani na lɛ́su-mi ka bayila mmɔ adi. Na mɔɔsu-ɔ ka buyu na béyu na bányi ɔkɔ lɛnɔ básia-nwu lɛlɔ na béti ala ammɔ bakya bana ala akɔ.

Yosua 7:16

Amu ka kadi kégye ɔtanta Yosua ɔ́ya na Israelƒuɔ ƒui bebenye-nwu anumi na kaba kaba kenye. Na Katɔti ɔ́lɛ Yuda kaba lɛnumi.

Litemi Batɛne 20:10

Na bɔdubudie nkyuli leevu bɔlɛku eti anyɔ biala kemmo, na beteete bakladi adila. Na bula bakladi bɔdubusie butáni Gibeaƒuɔ bammɔ kɔtu na likyulikpi ala ani na bábla ɔsu.”

Litemi Batɛne 20:5

Usien ɔmmɔ ni, banana bani nási Gibea bébo bábaka bámana kaduli kani kemmo ntɛ mmɔ, na baakpali ka baawia-mi. Na bana kasusu ndi ka badu-mi. Na béƒie mina ɔsɔnɔ na bénye-nwu lɛlɔ na bátɛnku-nwu bádu.

Litemi Batɛne 20:6

Na líti mina ɔsɔnɔ ukpine ɔmɛni na líle-nwu eku eku leevu-inyɔ na líti límene Israel kaba leevu-inyɔ bammɔ. Ɔsika bábla likyulikpi ku kɔƒa ala na Israel.

Samuel 1 26:21

Mmɔ na Saul ɔ́su ɔnini, “Dawid, ákɛ kuƒi kɔni na nka adu-mi ɔmwi, nsu átadu-mi. Ami mmomu nátati bɔbla na ƒula lɛlɔ. Na ɔdi-mi bɔƒiɔ bubendi ka lɛsu nnii mɔɔdú-ɔ. Lɛ́nu ka lɛ́bla ala aani ɔdɔlɔdi. Na nsɔ naaabla kasusu nnii mɔɔbla-a likpidi lɛdi ɔ́si ɔƒɛni úsela. Buse na ese ete-mi aani mina ubi geen, anwuɔsu sɔ nwini bo-mi kudɔ.”