Yosua 7:11 - Katɔti Ɔku Kedee

¹¹ Mɔɔsu-ɔ ka Israelƒuɔ bábla likpidi. Na báta bénye ɔda ɔni na líbo-mii mmɔ lɛlɔ. Na béti ala ani na lɛ́su-mi ka bayila mmɔ adi. Na mɔɔsu-ɔ ka buyu na béyu na bányi ɔkɔ lɛnɔ básia-nwu lɛlɔ na béti ala ammɔ bakya bana ala akɔ.

Yosua 7:11 ပူးပေါင်းရင်းမြစ်များ

Baga 2 18:12

Békpo bádi Samariaƒuɔ lɛlɔ, ɔsika Israelƒuɔ bátadi bana Unwoti Katɔti litemi lɛlɔ. Na ɔda ɔni na úbo-ma ɔ́siaku Mose ɔni ndi Unwoti kabla ɔblane lɛlɔ ni, bátadi ɔdi biala lɛlɔ. Na béni muedi ka benu ɔda bubo bɔmmɔ na badi-nwu lɛlɔ.

Baga 2 5:24

Na ka bédu kɔbi kɔni lɛlɔ na Elisa uli mmɔ kudɔ ni, Gehasi ɔ́ƒɔ aƒo anyɔ ammɔ na úti úsienku kaduli. Na ɔ́ya Naaman kabla bablane bammɔ bénwini bátɔlɔ.

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yeremia 31:32

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Na ina ami ndi bana Katɔti muedi ni, bátadi bunyimi bɔmmɔ lɛlɔ.

Hosea 6:7

“Nsu aani Adam ni, bíbile mina bunyimi bɔni na línyimiku-mii. Na bítadi mina litemi lɛlɔ.

Lewiƒuɔ Ɔda Bubo 5:15

“Si ɔƒɛni kalɛ ukyuli ɔdi útadi nwuna litemi lɛlɔ ɔkɛnku ala ani na lɛ́lɛ ugyii líse ka ute-mi ka ese-mi sɛsɛɛ kedee ɔsu ni, ɔ́bla likpidi si ina útati na úbati kama. Ɔmmɔ ɔsu ɔlɛka uti kɔtɔ bukpi akpala uboku Unwoti ani ndi koƒonu kɔgyani kɔni nse sɛɛn na kútasɔ kesii kadi ɔsiku nwuna baƒonu akɔ. Na ɔlɛka kuna kuye kudu sika ɔƒualadi ɔni na ɔkpane ɔmmɔ ɔ́su kenye. Ɔmmɔ na ɔdubuti ɔbla kɔtɔ bukpi akpala ammɔ.

Habakuk 2:6

Nsu bekyuli badubo-ma bɔma na basu-ma banini, ‘Bɔbuɛ ute-mii! Bɛ́nya bekyuli bɛ́kya na bíyu-ma ala ani na bebo bíti bínwini amii adi bɛ́tɛ bíse lɛlɔ.’

Sakaria 5:4

Unwoti Ɔyikune Ƒui ɔnini, ‘Líti kakunkɛ kamɛni muumene ukyuli biala na ɔdi uyune kaduli iye ɔda-mi lɛnyi na ɔkɛ ɔɔnyi ɔkɔ taavi. Na kakunkɛ kamɛni kadubɔƒɔ lɛlɔ kakya kaduli kammɔ kemmo útédu uwi ɔni na ligyiiku iye lɛtabi biala lɛ́bwɛ lɛ́yii udu.’ ”

Mateo 22:21

Amu na bédie kenye banini, “Ɔga Unengudi Kaesare na ɔdi.” Anwuɔsu Yesu ɔ́su-ma ɔnini, “Biti lɛla lɛni ndi Kaesare lɛdi bite Kaesare. Na biti lɛla lɛni ndi Katɔti lɛdi bite Katɔti.”

Batalane Kabla 5:9

Petro ɔ́su-nwu ɔnini, “Bi ɔsu na awɔ ku ƒ'ɔgyani bɛ́kana bɛ́sa kenye bɛnii bɛɛsɔ Blɔti Kɔyu bɛnu? Aanu bakloƒu bani néti ƒ'ɔgyani bátáva. Ama kani ndubo-ɔ bɔgyu bɔlɛku.”

Lɛkpa Ulu 17:2

Na si úbo úte ka bina akɔ ɔdi únu ka ɔnana iye uleku ɔdi ɔda ɔvia Katɔti ɔda bubo bɔni na úte-mii lɛlɔ iye ɔ́bla likpidi lɛdi na útadi lɛla lɛni na Katɔti únyimiku-mii lɛlɔ

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Yosua 23:16

Nsu si bɛ́ta bínye Unwoti Katɔti bunyimi bɔni unyimiku-mii lɛlɔ na bísie bɛɛkpá baƒiɔ badi ni, ɔdubuti kɔnyi ɔkya-mii na ɔyila bina ƒui udu kɔnakunwi na kalɔ kabunidi kani na úti úte-mii mɛni kemmo.”

Yosua 7:1

Na Unwoti ɔda ɔni na úbo Israelƒuɔ ka beteti lɛla biala batakya lɛlɔ si bésie betékpoku Yerikoƒuɔ ni, bátadi-ni lɛlɔ. Ɔsika ɔnana ɔni baalɔ Akan úti ala ammɔ adi ɔ́kya lɛlɔ. Anwuɔsu Unwoti úti kɔnyi kati kati ɔkya Israelƒuɔ. Na Akan ɔmɛni ɔ́si Yuda kaba kemmo na Serah ɔtɔ kemmo. Na Serah náwɔ Sabdi, na Sabdi náwɔ Karmi, na Karmi náwɔ Akan ɔmmɔ.

Yosua 7:10

Amu na Unwoti ɔ́su Yosua ɔnini, “Ta pla! Bi ɔsu na ebi kalɔ lɛni?

Litemi Batɛne 2:20

Anwuɔsu úti kɔnyi geen ɔ́kya Israelƒuɔ na ɔ́su ɔnini, “Ka kaba kamɛni báta bénye-mi lɛlɔ na baládi mina lɛla lɛni na línyimi líte bana bati kuuku lɛlɔ na belenu-mi litemi ɔsu ni,

Samuel 1 14:38

Mmɔ na Saul ɔ́su ɔnini, “Agyi anii ukyuli ɔdi náƒiɔ Katɔti ɔmwi. Anwuɔsu, mina benengu ƒui, bɛlɛ bibo na bɔwia ukyuli ɔmmɔ bɔti ku likpidi lɛni na ɔ́bla.