Yosua 7:1 - Katɔti Ɔku Kedee

¹ Na Unwoti ɔda ɔni na úbo Israelƒuɔ ka beteti lɛla biala batakya lɛlɔ si bésie betékpoku Yerikoƒuɔ ni, bátadi-ni lɛlɔ. Ɔsika ɔnana ɔni baalɔ Akan úti ala ammɔ adi ɔ́kya lɛlɔ. Anwuɔsu Unwoti úti kɔnyi kati kati ɔkya Israelƒuɔ. Na Akan ɔmɛni ɔ́si Yuda kaba kemmo na Serah ɔtɔ kemmo. Na Serah náwɔ Sabdi, na Sabdi náwɔ Karmi, na Karmi náwɔ Akan ɔmmɔ.

Yosua 7:1 ပူးပေါင်းရင်းမြစ်များ

Ala Kalɔ Buse 34:27

Yakob bebi bábavi bekpine bammɔ lɛlɔ na bála bana ala ƒui batɔlɔku ɔma ɔni kemmo na bébile bana ɔnwani mmɔ.

Samuel 2 24:1

Na uwi ɔdi kama ni, Unwoti Katɔti ɔ́sɔ úbakɛ kɔnyi ku Israel kadi bekyuli ƒui na ɔ́ya na úbo Dawid kasusu ka ɔka bekyuli bammɔ ƒui.

Baga 2 5:24

Na ka bédu kɔbi kɔni lɛlɔ na Elisa uli mmɔ kudɔ ni, Gehasi ɔ́ƒɔ aƒo anyɔ ammɔ na úti úsienku kaduli. Na ɔ́ya Naaman kabla bablane bammɔ bénwini bátɔlɔ.

Ala Alɛdi 1 21:7

Dawid ɔda ɔni na úbo ɔnii baka bekyuli mmɔ ɔ́kya Katɔti kɔnyi geen na ɔ́ni Israel kɔtu.

Ala Alɛdi 2 24:18

Anwuɔsu bétebile uwi ɔdi munu munu asa na báda Unwoti Katɔti bɔkpa báya na nwuna kakpakɔ na bése kalɔ baakpa ala ani na bávɔ béte Asera baƒiɔ beledi bammɔ. Na ɔkɛnku ɔmɛni ɔsu Unwoti Katɔti úti kɔnyi kpakplaa ɔ́kya Yudaƒuɔ ku Yerusalemƒuɔ bammɔ ƒui.

Esra 9:6

Na lɛ́su-nwu nnini, “O mina Katɔti, kɔƒa kuukpó-mi ka lɛtalaku mina anumi katɔ muedi na ƒula anumi. Ɔsika bula ekpidi áakuku etulo-bu na ákuku laa na éedu katɔ.

Hiob 35:8

Ƒula ekpidi ku abuni ani na aabla ni, bekyuli kani na adanku.

Etemila 9:18

Si ukyuli ubo lɛnunda ni, ɔdia utulo si ada ekpola. Nsu ukyuli ukpidi unwi ɔɔkana na ubile ala abuni pii.

Daniel 9:7

“Bula Unwoti, lɛla biala na ábla lɛdia, nsu bula anumi eewi kalɔ na bekyuli ƒui anumi, ɔsika bɔ́lɛ ƒula litemi kama na bɔ́bla alaekpidi. Na abu Yudaƒuɔ ku Yerusalemƒuɔ ku Israelƒuɔ ƒui bani nde mɛni ku bani na bakya kaƒɔ ɔlɔgyu ƒui nábla ala amɛni udu. Na bani lɛnɔ na áya na bákpanku bátɔlɔku bésienku kɔlɔ bamba kemmo lɛnɔ bábla ala amɛni.

Lewiƒuɔ Ɔda Bubo 10:6

Amu na Mose ɔ́su Aaron ku nwuna bebi bananabi Eleasar ku Itamar ɔnini, “Amii amu ni, bitanyonu bina lili linwini bitewi na lɛbla kalɛ kalɛ iye bɛni bina adala bɛbwɛ bɛtina ka likpidi lɛdi lɛ́lɛku-mii si ɔɔɔdi lɛni bɛdubo bukpi, na Unwoti ɔ́kɛku bina kadi kammɔ bekyuli ƒui kɔnyi. Na bina lɛlɔ bekyuli ku kadi ƒui ama bakana na bewulo bani ƒui na Unwoti ɔ́ya na ogya ɔ́yila-ma udu mmɔ.

Yona 1:7

Amu na bekyuli bani ƒui nkya ɔkɔlɔ ubendi ɔmmɔ kemmo básala eli lisu na básu banini, “Bɔdubo egulabi bɔtu bɔnu ukyuli ɔni lɛlɔ ɔsu na bɔɔkɛ́ ɔgbankpi ɔmɛni udu.” Na ka bátu-ni, Yona lɛnyi nálɛ.

Yosua 22:16

“Israelƒuɔ ƒui benye Unwoti lɛnyi kemmo beeye-mii lɛla lɛni ɔsu na bɛ́bla lɛla likpidi lɛmɛni udu biti bɛta binye Israelƒuɔ Katɔti lɛlɔ? Ɔsika ɔbladu ɔmmɔ ɔ́ta únye Unwoti lɛlɔ ɔkɛnku lɛkpabi lɛni na bɛ́tu bite lɛlɔ ɔsu! Dɛ na ɔ́bla asa na bínwini kama bɛ́kya-nwu?

Yosua 22:18

Na buuye-mii bɔnii bɛɛyɔ́ ka bɛsɔ binwini kama bɛkya Unwoti kunyɔdi? “Na si bɛ́ta bínye Unwoti lɛlɔ ɔmwi kadi ni, ɔdubuti kɔnyi ɔkya Israelƒuɔ ƒui kɔnaadi.

Yosua 22:20

Na binyimo Serah ubidi Akan atu ɔkplu ani na ɔ́bla kalɛ na ɔ́bɛ úti ala ani na Unwoti ɔ́su-bu ka bɔyila-nya udu. Na ɔmmɔ ɔsu ɔ́ya na Unwoti kɔnyi kúbo bula ƒui lɛlɔ ɔni na ɔɔɔdi Akan lɛti nékpi ina ka anwu lɛti nábla likpidi lɛmmɔ.”