Yosua 6:6 - Katɔti Ɔku Kedee

⁶ Amu na Yosua ɔ́lɔ bakpane bammɔ na ɔ́su-ma ɔnini, “Biti Bunyimi Adaka ɔmmɔ biti, na bina maatɛ lɛnɔ biti kɔkpɛɛ na bɛgyu bɛtɔ Bunyimi Adaka ɔmmɔ.”

Yosua 6:6 ပူးပေါင်းရင်းမြစ်များ

Israelƒuɔ Bɔlɛ 25:14

Na béti ligyii lɛmmɔ bákya kɔkwɛnimi kɔmmɔ eƒi ammɔ kemmo na adaka ɔmmɔ ɔvi ɔni ku ɔni, kalɛ na ɔdia na bataagyu-nwu taasia amangba.

Batalane Kabla 9:1

Lebo lɛmmɔ kemmo ƒui ni, Saulo ɔ́bi ɔ́siaku Blɔti basiakune bammɔ ku lɛnungyie ɔnii ɔɔdú-ma. Na ɔ́tɔlɔ úsie Yudaƒuɔ ɔkpane unengudi kudɔ.

Yosua 24:11

“Ɔmmɔ kama ka bɛ́via Yordan Ketu bísie Yeriko ni, Yerikoƒuɔ báta na bébekpoku-mii. Lɛni kani na Amoriƒuɔ ku Perisiƒuɔ ku Kanaanƒuɔ ku Hetiƒuɔ ku Girgasiƒuɔ ku Hewiƒuɔ ku Yebusiƒuɔ lɛnɔ bébekpoku-mii. Nsu líti bana ƒui lɛ́kya-mii enu kemmo.

Yosua 3:3

Na básu-ma banini, “Si uwi ɔni na bɛ́nu ka Lewiƒuɔ bakpane bammɔ béti bina Unwoti Katɔti Bunyimi Adaka béselaku ni, bɛta na bɛsiaku-ma kama.

Yosua 3:6

Ɔmɛni kama Yosua ɔ́sɔ ɔ́su Katɔti Bakpane bammɔ ka bagyu Bunyimi Adaka ɔmmɔ beti na bagyu batɔ bekyuli bammɔ animi. Anwuɔsu ama lɛnɔ bábla kalɛ na Yosua ɔ́su-ma mmɔ.

Yosua 6:5

Na si béti kɔkpɛɛ kɔmmɔ na bédie kɔku momoomo kɔdi ni, na bekyuli bammɔ ƒui bebo kudu. Na ɔma ɔmmɔ awodu ƒui adubo bɔƒɛ buwi kalɔ. Na bekpone bammɔ ƒui beduo ɔma ɔmmɔ kemmo.”

Yosua 6:7

Na ɔ́su nwuna bekpone lɛnɔ ɔnini, “Bɛta na bitáka bɛmana ɔma ɔmmɔ. Na bagyumanane bammɔ badi bagyu batɔ Bunyimi Adaka ɔmmɔ anumi.”

Yosua 6:8

Anwuɔsu bekpone bammɔ badi bágyu batɔ bakpane bani mɔɔvwi atunkpɛ mmɔ aani kalɛ na Yosua úbo-ma ɔda. Na Unwoti Bunyimi Adaka lɛnɔ ɔkpɛ bakpane bani mɔɔvwi atunkpɛ mmɔ kama. Na bekpone bammɔ bamba lɛnɔ bakpɛ Bunyimi Adaka ɔmmɔ kama. Na uwi ɔmmɔ kemmo ƒui ni, bani nda atunkpɛ mmɔ bakɛ baavwi-nya.

Samuel 1 4:3

Ka bekpone bakladi bénwini bébo bana kakyakɔ ni, bana benengu bammɔ béye banini, “Bi ɔsu na Unwoti ɔ́ya na Ƒilistiƒuɔ bádi-bu lɛlɔ ɔmwi? Bɛya na butágyu Unwoti Bunyimi Adaka bɔsiku Silo buboku, na buti bɔdanku kekpokɔ mmɔ. Na ɔdubɔƒɔ ute-bu na bula bekisine ɔsu.”