Yosua 6:5 - Katɔti Ɔku Kedee

⁵ Na si béti kɔkpɛɛ kɔmmɔ na bédie kɔku momoomo kɔdi ni, na bekyuli bammɔ ƒui bebo kudu. Na ɔma ɔmmɔ awodu ƒui adubo bɔƒɛ buwi kalɔ. Na bekpone bammɔ ƒui beduo ɔma ɔmmɔ kemmo.”

Yosua 6:5 ပူးပေါင်းရင်းမြစ်များ

Israelƒuɔ Bɔlɛ 19:19

Na bɔkɔ kani na kakpɛɛ kammɔ kɔku kɔɔkɔ́ katɔ teebu. Amu na Mose ɔ́tɛmi úte Unwoti, na Unwoti údie kenye ku katɔ budun.

Yesaia 25:12

Na ɔdubɔƒɔ bana awodu ani na bátu bámana bana kalɔ na atɛ kalɔ na utu-nya ɔ́bwɛ kpɛtɛ kpɛtɛ unwini ɔtumu.

Yesaia 30:25

Na uwi ɔmmɔ ni, bekyuli bɔdu bɔdubo bumomo, na lɛtɔ libendi lɛƒɛ liwi kalɔ, na Katɔti ɔdubɔya na ntukpa bɔlɛ abi enengudi ku ani na ákuku mmɔ eli na ataagba taayu ɔkwalɛ.

Yeremia 50:15

Bikpo-ma na lɛƒɛnyi lɛlɔ! Babilon úte lili! Bekisine bammɔ báƒɛ-ma awodu ƒui béwi kalɔ ku bana kɔgyumanakɔ kɔmmɔ ƒui. Lɛla lɛni na Babilonƒuɔ bábla lɛma linengudi bamba ni, ami lɛnɔ muudie-ma kasi kammɔ.

Hebriƒuɔ 11:30

Ɔkɛnku bɔƒɔtaadi lɛlɔ ɔsu na awodu bonwu ani na bátu bámana Yeriko ɔma ɔmmɔ áƒɛ ewi kalɔ ɔni na Israelƒuɔ bésie báka bámana-nya lɛlɔ emeyi maatɛ.

Yosua 6:16

Si báka bámana ɔma ɔmmɔ na udu maatɛdi lɛlɔ ni, kɔkpɛɛ bavwine bammɔ bedie bana kɔku kɔmmɔ. Mmɔ na Yosua úbo nwuna bekyuli bammɔ ɔda ɔnii babla kudu, na ɔ́su-ma ɔnini, “Unwoti úti ɔma unengudi ɔmɛni ɔ́kya-mii enu kemmo.

Yosua 6:20

Amu na bakpane bammɔ bávwi kɔku gyɔlɔɔ kɔdi ku bana atunkpɛ. Na ka bekyuli bammɔ bénu kɔku kɔmmɔ ni, bése kalɔ beedie kudu momoomo. Mmɔ na awodu ammɔ áƒɛ éwi kalɔ kɔnakunwi. Na bekpone bammɔ bétéduo ɔma ɔmmɔ kemmo na békpo bádi-ma lɛlɔ.

Yosua 6:4

Na bakpane maatɛ ɔdi biala uti kakpɛɛ ɔda. Na ama ndubo bɔgyu bɔtɔ asa na Unwoti Bunyimi Adaka ɔmmɔ ɔsiaku-ma kama. Na limeyi maatɛdi lɛlɔ ni, awɔ ku bekpone bammɔ bɛka bɛmana ɔma ɔmmɔ maatɛ. Na bakpane bammɔ bataavwi bana kakpɛɛ.

Yosua 6:6

Amu na Yosua ɔ́lɔ bakpane bammɔ na ɔ́su-ma ɔnini, “Biti Bunyimi Adaka ɔmmɔ biti, na bina maatɛ lɛnɔ biti kɔkpɛɛ na bɛgyu bɛtɔ Bunyimi Adaka ɔmmɔ.”

Litemi Batɛne 20:37

Na bani nálɛ alakpi ammɔ akɔ ni, békeli bétéduo Gibea na bádu ukyuli biala na ɔkya ɔma ɔmmɔ kemmo.

Samuel 1 17:20

Kadi kegye ɔtanta tutuutu ni, Dawid ɔ́da baƒonu bammɔ ɔ́kya lɛlɔ ɔnune bamba enu kemmo, na únyimi ala ɔ́sia nwuna bebuo ala utine lɛlɔ na ɔ́yu ulu ɔ́tɔlɔ kalɛ na ɔti ɔ́su-nwu. Nwuna mmɔ buduo kani na uunú ka beebó kekpo kudu ka bata besie kekpokɔ.

Samuel 1 17:52

Na Israel ku Yuda bekpone bávwi kekpo lise ku kudu momoomo na bábɔku Ƒilistiƒuɔ bekpone bammɔ laa bétédu bana lɛma linengudi lɛni ndi Gat ku Ekron kɔbanye. Na bádu bana bekpone bammɔ béwi ulu lɛlɔ geen úsela ɔma ɔni baalɔ Saraim.

Samuel 1 4:5

Ka Bunyimi Adaka ɔmɛni úbeduo Israelƒuɔ kakyakɔ mmɔ ni, Israelƒuɔ bébo kudu momoomo geen ɔni náya na kalɔ kákunku.