Yosua 6:4 - Katɔti Ɔku Kedee

⁴ Na bakpane maatɛ ɔdi biala uti kakpɛɛ ɔda. Na ama ndubo bɔgyu bɔtɔ asa na Unwoti Bunyimi Adaka ɔmmɔ ɔsiaku-ma kama. Na limeyi maatɛdi lɛlɔ ni, awɔ ku bekpone bammɔ bɛka bɛmana ɔma ɔmmɔ maatɛ. Na bakpane bammɔ bataavwi bana kakpɛɛ.

Yosua 6:4 ပူးပေါင်းရင်းမြစ်များ

Ala Kalɔ Buse 2:3

Na limeyi lɛmmɔ lɛdanku kusɛ kusɛ na lise kedee ka ɔ́ƒuna-ni úse ɔsu. Ɔsika limeyi lɛmɛni lɛlɔ na ɔ́nwuna ɔni na údie ala ƒui ɔ́wɔlɔ.

Baga 1 18:43

Na ɔ́su nwuna kabla ɔblane ɔnini, “Teesie na ataanu ɛpu kakɛ.” Amu na kabla ɔblane ɔmmɔ lɛnɔ úsie útánu na úbasu-nwu ɔnini, “Ka lísie ni, ńtánu lɛla lɛdi.” Na maatɛ sɔɔn na Elia ɔ́su nwuna kabla ɔblane ɔmmɔ ɔnini, “Sɔ nwini sie mmɔ.”

Baga 2 5:10

Amu na Elisa ɔ́tala nwuna kabla ɔblane ɔnii utásu-nwu ɔnini, “Teesie na atákpi ntu na Yordan Ketu kemmo maatɛ na ƒula ɔlɔna ɔdubɔsɔ unwini ubo kalɛ na úse na abla sɛɛn.”

Baga 2 5:14

Ɔmmɔ ɔsu Naaman útéduo Yordan Ketu kemmo, na ɔ́nyina lɛlɔ ɔ́kya ntu bɔmmɔ kemmo maatɛ aani kalɛ na Katɔti ukyuli ɔmmɔ ɔ́su-nwu, na nwuna ɔlɔna ɔ́sɔ únwini úbo na ɔ́bla sɛɛn aani ubiwɔ ɔdi kalɛ.

Ala Alɛdi 2 13:12

Ɔmmɔ ɔsu na Katɔti unye-bu kama na ɔdubo-bu bɔtɔnku na kekpo kamɛni kemmo na bɔdubɔta bukpo-mii uwi ɔni na bula bakpane bávwi bana ese ammɔ na béte-bu kati. Israelƒuɔ, kɔsia kɔdi kuuubo-nwu kemmo kuuute-mii, ɔsika bɛdubo lili bute, ɔsika ulu biala uuubo na bɛdubɔkana Unwoti Katɔti ɔni na bina bati kuuku bátaakpa lɛlɔ bɔdi.”

Ala Alɛdi 2 20:17

Amii bitasu bɛnii biikpó-ma munu munu. Mmomu bɛwia kunyekɔ na binye bitaanu kalɛ na Unwoti ɔdubo-mii budie bɔlɛku-ma enu kemmo. Bitayia. Amii bɛbla bɛsiaku lɛla lɛni na bínu lɛlɔ. Na uwi ɔni na bɛdubo busie buteesie mmɔ kɔnaadi ƒui ni, Unwoti anwu ɔdubo bɔgyu bɔtɔ uténye mmɔ kukuuku.”

Ala Alɛdi 2 20:19

Ɔmmɔ kama ni, Lewiƒuɔ badi na bási Kohat ku Kora adua kemmo báta bénye na bédie bumwi lɛnu béte Unwoti Israel Katɔti.

Ala Alɛdi 2 20:21

Mmɔ na údie ulu ɔni lɛlɔ na badubo bɔsia busie mmɔ ɔ́tina-ma. Na ɔ́ƒuna bekyuli badi batɔ bakladi ƒui anumi na baatu lɛnu teemwi Unwoti taasu kalɛ na nwuna ɔyikun ɔni na ubo use kedee taasu banini, “Bɛgya Unwoti enu, ɔsika ɔdia na ɔɔyɔ́-bu uwi ndi uwi.”

Hiob 42:8

Anwuɔsu biti ɔmantɛ bakɔ maatɛ ku baƒonu maatɛ na bisie Hiob kudɔ na bitákyula akpala na lɛkpabi lɛlɔ na bina lili. Na ɔmmɔ kama ni, Hiob ɔdubɔkpali-mi uvele, na ndubuti bina ekpidi lɛkyiɛ-mii, na nsɔ lɛɛɛdubo-mii kɔtu bɔni na bina adɔlɔla bɔbla ɔsu.”

Yesaia 27:13

Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.

Lewiƒuɔ Ɔda Bubo 14:16

na uti nwuna kɔdianu lɛnimi lideedi lɛni nsiaku lɛnimigya ɔkya nnɔmii bɔni nwi-nwu lɛkɔkɔ mmɔ kemmo na ɔta-mu uwi kayaa maatɛ na Unwoti anumi mmɔ.

Lewiƒuɔ Ɔda Bubo 4:6

Na ɔkya ubugya ɔmmɔ lɛnimi ɔkuna uwi Unwoti Adi Kevo kammɔ kakpakɔ bule kɔdi kɔmmɔ anumi maatɛ.

Sakaria 4:2

Amu na úye-mi ɔnini, “Bi na ánu?” Mmɔ na lídie kenye nnini, “Asogya kasiakɔ sika ugyiedi ugyii na kalɛkɛ kani kemmo na beewi nnɔmii bɔsia-nwu katɔ kakɛ. Na ugyii ɔmmɔ lɛlɔ ni, lɛsogya maatɛ lise lɛɛda, na asogya biala uudie ogya linyemi maatɛ.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Bumomo Bɔka 23:1

Amu na Bileam ɔ́su Balak ɔnini, “Tu akpabi maatɛ lɛ mɛni na awia ɔmantɛ bakɔ maatɛ ku baƒonu bagyani maatɛ ete-mi.”

Yosua 6:3

Anwuɔsu awɔ ku ƒula bekpone bisie bɛmana ɔma ɔmmɔ kunwi limeyi biala uti utédu emeyi aku.

Yosua 6:5

Na si béti kɔkpɛɛ kɔmmɔ na bédie kɔku momoomo kɔdi ni, na bekyuli bammɔ ƒui bebo kudu. Na ɔma ɔmmɔ awodu ƒui adubo bɔƒɛ buwi kalɔ. Na bekpone bammɔ ƒui beduo ɔma ɔmmɔ kemmo.”

Budie Taatina 1:20

Ayabi maatɛ ani na ánu na mina kɔdianu ku sika ugyiedi ligyii lɛmmɔ enye ete lɛla lɛdi. Na ana kalɔ na ndubo budie mɛni. Ayabi maatɛ ammɔ ndi Katɔti batu maatɛ ute baƒɔtaadine akpa maatɛ ammɔ. Na sika ugyiedi ligyii lɛmmɔ ndi baƒɔtaadine akpa maatɛ ammɔ.”

Budie Taatina 1:4

Ami Yohane muunweni ɔku ɔmɛni lite amii baƒɔtaadine akpa maatɛ ani nkya Asia kalɛkɛ lɛlɔ. Bɛkɛ lɛƒɔndia ku keyi buɛɛ bɛsiku Katɔti ku nwuna Kɔyu ku Yesu Kristo kudɔ. Katɔti ndi anwu ɔni nli ɔ́si kukuuku, na ulie ɔƒɛni, na ɔdubo bulie uwi ɔni mebo ƒui. Na Katɔti Kɔyu ndi anwu ɔni mbo ɔyikun maatɛ ɔni nnye Katɔti lɛgaboku anumi.

Budie Taatina 10:3

Amu na údie lɛdi momoomo aani gyata kalɛ. Na ka ɔ́va ni, kayaa kábwɛ ogya ku kɔku bonwu maatɛ!

Budie Taatina 15:1

Na lɛ́sɔ lɛ́nu akɔla budie taatina bonwu bɔbambadi na katɔ bɔni nábla-mi kalɛ kadi. Lɛ́nu batu maatɛ ka bada lɛbibo maatɛ lɛni ndi lɛbibo maatɛ likplodi. Ɔsika ɔmɛni kemmo na Katɔti kɔnyi kúdu kɔ́wɔlɔ.

Budie Taatina 15:7

Amu na ngba batu ine bammɔ kemmo unwi úti sika ugyiedi kɔlaku kɔni na Katɔti ɔni nli ngba uwi ƒui kɔnyi kúyi úte batu maatɛ bammɔ.

Budie Taatina 16:1

Amu na línu lɛdi bonwu lɛdi ka lɛɛtɛmi taasiku Katɔti kakpakɔ mmɔ úte batu maatɛ bammɔ ɔnini, “Bisie na bitéwilimi Katɔti kɔnyi kɔlaku maatɛ kɔmmɔ biwi kayawi lɛlɔ!”

Budie Taatina 5:1

Amu na lɛ́nu ka anwu ɔni nlie lɛgaboku lɛmmɔ lɛlɔ ɔda kakunkɛ kadi na nwuna kɔdianu, na bénweni ala ani ndubo abalɛ básia-ka anumi ku kama. Na báƒɛ-ka, na béti kɔma bábala-nwu kenye ekpo maatɛ kalɛ na ukyuli keeke ulakana bubimi.

Budie Taatina 5:6

Ɔmmɔ kama ni, lɛ́nu ka Katɔti Koƒonu Ubi ɔdi unye agaboku ammɔ lɛlɔ. Na ngba batu ine bammɔ ku benengu aavlanyɔ-ine bammɔ báka bámana-nwu. Na ɔɔtina aani si bɔkpa na béti-nwu bákpa. Ese maatɛ alɛ Koƒonu Ubi ɔmmɔ lili, na ubo anumi maatɛ. Na alakpa maatɛ amɛni adi Katɔti Kɔyu kɔni mbo ɔyikun maatɛ kɔni na Katɔti ɔ́tala ɔ́kya kayawi ƒui.

Budie Taatina 8:2

Amu na lɛ́nu Katɔti batu maatɛ bani muunye Katɔti anumi, na úte-ma kɔkpɛɛ maatɛ.

Budie Taatina 8:6

Amu na batu maatɛ bani nda kɔkpɛɛ maatɛ kɔmmɔ báklibi lɛlɔ kalɛ na bavwi bana kɔkpɛɛ.