Yosua 6:18 - Katɔti Ɔku Kedee

¹⁸ Nsu Yosua úbo-ma ɔda ɔnini, “Ɔdi uteti ala ani badubo bubele mmɔ ɔdi utakya lɛlɔ. Na si ɔdi ɔ́bla lɛdi ni, ɔdubuti lɛbibo ku ɔgbankpi uboku Israelƒuɔ akɔ.

Yosua 6:18 ပူးပေါင်းရင်းမြစ်များ

Samuel 2 21:1

Uwi ɔni na Dawid ɔɔdi lɛga ni, kɔka kɔdi kúbo kalɔ kammɔ ƒui lɛlɔ kɔ́siaku lɛlɔ akwa atɛ sɔɔn, ɔmmɔ ɔsu Dawid úye Unwoti kasusu únu. Amu na Unwoti ɔ́su-nwu ɔnini, “Ɔɔɔdi keeke na ɔɔlɛ́ lɛni, mmomu ɔkɛnku Saul ku nwuna kaduli bekyuli ubugya ɔni na béwi kalɔ na bádu Gibeonƒuɔ pii lɛnɔ ɔsu.”

Etemila 9:18

Si ukyuli ubo lɛnunda ni, ɔdia utulo si ada ekpola. Nsu ukyuli ukpidi unwi ɔɔkana na ubile ala abuni pii.

Yona 1:12

Amu na Yona ɔ́su-ma ɔnini, “Ngyi ka mina bɔƒiɔ ɔsu na ɔƒɛƒɛɛ ubendi ɔmɛni udu uukpó. Anwuɔsu bibo-mi bɛkya ɛpu kemmo na ɔƒɛƒɛɛ ɔmmɔ ɔdubɔda bukpo bɔya.”

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Korintoƒuɔ 2 6:17

Anwuɔsu Blɔti ɔɔsu nwuna bekyuli ɔnini, “Bɛlɛ-ma akɔ, na bɛda lɛlɔ bɛmami bekyuli bani mɔɔbla lɛƒiɔkpa ala lɛlɔ. Bitetuku bana ala ani muusé lɛlɔ mmɔ, na ndubɔƒɔ-mii.

Eƒesoƒuɔ 5:11

Amii ku bekyuli bani na bana ablala akya lɛdisa kemmo ni, bitasala lɛlɔ bitabla bana ɔbladu ukpidi ɔdi. Mmomu bidie-ma keyi.

Lɛkpa Ulu 13:17

Na ɔdi uteti ala ani na ɔ́su-mii ka bɛkyula mmɔ adi utese lɛlɔ. Ɔmɛni ndubɔya na nwuna kɔnyi kati kati kɔyɔ na ɔnu-mii kɔnyana. Ɔdubɔnu-mii kɔnyana na ɔya na bimomo bibu aani kalɛ na ɔ́su bina bati kuuku úse.

Lɛkpa Ulu 23:10

Na si ɔdi úgye kɔna na lɛlɔ líbo-nwu na ɔmmɔ ɔsu na uuuse sɛɛn ni, ɔlɛka ɔlɛ kesii kani na bekpone bammɔ básala lisu bakya mmɔ na utákya kesii bamba.

Lɛkpa Ulu 7:26

Anwuɔsu bɛyila lɛla biala na Katɔti ukisi mmɔ udu. Ɔsika si ɔdi úti lɛla lɛmmɔ udu úboku nwuna kaduli ni, Katɔti ɔdubɔyila ukyuli ɔni nábla lɛla lɛmmɔ ku nwuna kaduli bekyuli ƒui udu. Anwuɔsu ukyuli biala ɔda lɛlɔ ɔmami lɛƒiɔkpa lɛlɔ, ɔsika Katɔti ɔdubudie ukyuli ɔmmɔ udu use lɛti ka ɔkyula.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Yosua 7:1

Na Unwoti ɔda ɔni na úbo Israelƒuɔ ka beteti lɛla biala batakya lɛlɔ si bésie betékpoku Yerikoƒuɔ ni, bátadi-ni lɛlɔ. Ɔsika ɔnana ɔni baalɔ Akan úti ala ammɔ adi ɔ́kya lɛlɔ. Anwuɔsu Unwoti úti kɔnyi kati kati ɔkya Israelƒuɔ. Na Akan ɔmɛni ɔ́si Yuda kaba kemmo na Serah ɔtɔ kemmo. Na Serah náwɔ Sabdi, na Sabdi náwɔ Karmi, na Karmi náwɔ Akan ɔmmɔ.

Yosua 7:13

Ɔmmɔ kama Unwoti ɔ́su Yosua ɔnini, “Ta na asu bekyuli bammɔ ka babla lɛlɔ sɛɛn bese kaduɛ na bɔsa kɔnaadi. Ɔsika ami Unwoti Israel Katɔti mɔɔsu-ma nnii, ‘Ala ani na líbo-mii ɔda nnii biti-nya bɛkpa bite-mi ni, bíti adi bɛkya lɛlɔ. Na mɔɔsu-mii ka bilakana bina bekisine anumi bunye bɔsiaku úti útédu ka bídie ala ammɔ bíboku.

Yosua 7:15

Na ukyuli ɔni ndubɔlɛ lɛnumi ni, nwuna kudɔ na ala ammɔ akya. Na beti ogya bakyula-nwu ku nwuna akɛla ƒui. Ɔsika úti kɔƒa kubendi uboku Israelƒuɔ lɛlɔ. Na útadi bunyimi bɔni na Katɔti únyimi-ku Israelƒuɔ lɛlɔ.’ ”

Yosua 7:25

Na Yosua ɔ́su-nwu ɔnini, “Bi ɔsu na áya na lɛbibo lɛmɛni líbo-bu lɛlɔ. Unwoti ɔdubɔya na awɔ lɛnɔ ebo abi ɔmwi!” Amu na Israelƒuɔ bammɔ bébo Akan atabi badu. Na bébo nwuna bebi ku bebuo bammɔ lɛnɔ atabi badu. Na bákya bana ƒui ku ala ammɔ ogya.

Yohane 1 5:21

Anwuɔsu, mina bebi bayɔne, bɛda lɛlɔ bidie lɛƒiɔkpa kemmo.

Samuel 1 15:9

Saul ku nwuna bekpone béni na bátadu Ɔga Agag ku baƒonu ku ɔmantɛ bakɔ ku bana bebi bani na bánu ka bélie lɛmwi kaduɛ mmɔ ƒui ku ala bamba ani lɛnɔ na bánu ka adia-ma. Na akladi ani ƒui naaadia-ma ni, báyila-nya udu.