Yosua 5:9 - Katɔti Ɔku Kedee

⁹ Amu na Unwoti ɔ́su Yosua ɔnini, “Kɔƒa kɔni mɔɔdu-mii ka bɛdi kabla bablane bite Egyipteƒuɔ ni, lídie-ku bina lɛlɔ ɔmwi.” Anwuɔsu básia kesii kammɔ lɛnyi banii Gilgal. Na lɛni kani baalɔ mmɔ úti úbedu ɔmwi.

Yosua 5:9 ပူးပေါင်းရင်းမြစ်များ

Ala Kalɔ Buse 34:14

Na básu-ma banini, “Bulakana lɛla lɛmmɔ udu bɔbla. Bulakana na buti bula ɔnwani bute kadi kani ukyuli nétekulo lego, ɔsika ɔdi-bu kɔƒa.

Samuel 2 19:15

Na anwu lɛnɔ ɔ́ta únwini ɔ́yu ulu na úsie laa úbedu Yordan Ketu kɔtu. Ɔƒɛni Yudaƒuɔ bammɔ lɛnɔ bébo bébedu Gilgal ku kasusu ka babasiaku Ɔga Dawid na betiku-nwu na bavia Yordan Ketu.

Nehemia 12:29

ku Bet-Gilgal ku Geba ku Asmawet amadɔ ƒui. Ɔsika lɛnu batune bamɛni ni, báda akpaklɔ na belie-nya kemmo na Yerusalem amadɔ mmɔ.

Kɔgya 119:39

Taya na mina bekisine bakɛ-mi bedumi ku bana enyekpi. Ɔsika adubɔtɛ ami ku-ma litemi na ulu lɛlɔ.

Yeremia 9:25

“Limeyi lɛdubo na ndubo Egyipteƒuɔ ku Edomƒuɔ ku Amonƒuɔ ku Moabƒuɔ kɔtu bɔni ku adua ani bekyuli nkya abi lɛlɔ mmɔ ƒui. Bekyuli bamɛni ƒui békulo ago, nsu ɔɔɔdi ami na baasiaku. Na lɛni kani na use amii Yudaƒuɔ lɛnɔ. Bina ɔlɔna kani na bíkulo na ɔɔɔdi bina kɔyi na bíti bíte-mi na bɛ́vumana udu na bɛsiaku-mi kama siin.”

Esekiel 23:3

Uwi ɔni na bétedu tɔ begblebi na bákya Egyipte kalɔ lɛlɔ ni, bénwini bayalɛ.

Esekiel 23:8

Ɔ́si ɔni kani na úse lɛla lɛmɛni kalɔ na Egyipte ni, anwu kani na ɔmu unye-nwu lɛlɔ mɛni na útada útaya tɔ kudii. Banana bátɛnku-nwu kalɛ kalɛ, nsu ɔmmɔ ƒui útedu-nwu ɔkwɛ na ɔmu unye ɔɔnu ulu teete bamamba uwi ndi uwi.

Hosea 4:15

“Israel, ina ka aadi kɔsɔnɔ ni, taya na Yuda ɔbla likpidi. “Na teduo Gilgal ɔma kemmo iye esie Bet Awen lɛnɔ na enye mmɔ ese kenye kadi na Unwoti ɔni nli ngba uwi ƒui lɛnyi kemmo!

Lewiƒuɔ Ɔda Bubo 24:14

“Biti ɔnana ɔni nétemi anyikpi mmɔ bɛlɛku bina kakyakɔ. Na bekyuli bani ƒui nénu nwuna enyekpi etemila ammɔ beti bana enu basia-nwu kuli na Israelƒuɔ ƒui bebo-nwu atabi badu.”

Amos 5:5

Na bitesie Gilgal iye Betel iye Beer-Seba. Ɔsika Gilgal ku nwuna bekyuli bammɔ ƒui kekpo kadubo kebeƒie-ma na beti-ma batɔlɔku. Na bayila Betel udu kede kede na ɔsɔ uladi lɛla lɛdi.”

Mika 6:5

“Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”

Seƒania 2:8

Unwoti Ɔyikune Ƒui, Israel Katɔti, ɔnini, “Línu kalɛ na Moab ku Amonƒuɔ bakya beedumi mina kadi bekyuli na baayila-ma taakya-ma liƒu ka baanu ka bebo ɔyikun ɔsu. Anwuɔsu líse kenye ka na ami, Unwoti ɔni nli ngba uwi ƒui, anumi ni, Moabƒuɔ ku Amonƒuɔ badubo udu bɔyii ƒui na basa aani kalɛ na Sodom ku Gomora báyii udu na bana kɔlɔ kúnwini liyu alakpi sɔɔn ku mma libu lɛti lɛti úsela uwi ƒui, na mina bekyuli beti-ma kɔlɔ benwini bana ɔdi.

Yosua 24:14

Amu na Yosua úse anumi na ɔ́sɔ ɔ́su-ma ɔnini, “Bɛyia Unwoti na bitaabla-nwu kabla ulu lɛlɔ. Na bɛda baƒiɔ bani na bina bati kuuku bákpa na ketu ɔvi ku Egyipte mmɔ bidie bina akɔ. Na bitaabla Unwoti kabla kani.

Yosua 4:19

Na bekyuli bammɔ ƒui bávia Yordan Ketu kammɔ báwɔlɔ na kɔbuli kudeedi limeyi leevudi lɛlɔ. Na bételie ɔma ɔni baalɔ banii Gilgal na Yeriko ɔƒɛ katukɔ kakɛ.

Yosua 5:8

Na uwi ɔni békulo-ma ago báwɔlɔ ni, bekyuli bammɔ belie mmɔ úti útédu ka bana lɛlɛ lɛmmɔ lɛ́sa.

Samuel 1 14:6

Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”

Samuel 1 17:26

Ka Dawid úbo úbasiaku lɛla lɛmɛni ni, úye ukpone ɔni nnye nwuna kɔmadɔ ɔnini, “Bi na badubo bɔbla bute ukyuli ɔni makana Ƒilistini ɔmɛni bɔdu na ɔda bula kadi Israelƒuɔ kɔƒa bɔkya ɔya? Ɔma na Ƒilistini ɔni na útekulo lego mɛni ɔɔkali ka ɔdi na ubataakun lɛmɛnɛ taakya Katɔti ɔni nli ngba uwi ƒui bekpone lɛni?”

Samuel 1 17:36

Ami ƒula kabla ɔblane lɛ́ɛdu gyata ku kegidi. Na ndubɔkana na lɛdu Ƒilistini ɔni nétekulo lego mɛni lɛnɔ aani bana kalɛ, ɔsika ɔ́nu Katɔti ɔni nli ngba bekpone ka baaadi lɛla lɛdi na nwuna anumi!

Samuel 1 7:16

Na lɛkwa ndi lɛkwa ni, uusié taavi-ma lɛlɔ ɔ́si Betel úsie Gilgal útédu Mispa taatátɛ etemila.