Yosua 5:2 - Katɔti Ɔku Kedee

² Uwi ɔmmɔ kemmo kani na Unwoti ɔ́su Yosua ɔnini, “Wia atabi na adɔ-nya kunye na eti ekulo Israelƒuɔ bammɔ ago.”

Yosua 5:2 ပူးပေါင်းရင်းမြစ်များ

Israelƒuɔ Bɔlɛ 4:25

Nsu ulekudi Sipora úti lɛtabi lɛni kenye mbo ɔbi na úkulo ubidi lego kenye na úti útuku Mose lɛgba na ɔ́su ɔnini, “Geen ni, ubugya kemmo ɔgya na adi-mi.”

Romaƒuɔ 2:29

Mmomu ukyuli ɔni ndi Yudani geen ndi ukyuli ɔni mɔɔtina na nwuna ablala kemmo ka úti nwuna kayi úte Katɔti. Na ɔɔɔkɛnku ɔlɔna ɔni na békulo na ɔda bubo ɔdi kenye lɛlɔ. Mmomu ɔkɛnku Katɔti Kɔyu lɛlɔ. Na ɔɔɔdi ukyuli ɔyawine mɔɔkɔliku ukyuli ɔmmɔ lɛnyi katɔ, mmomu Katɔti.

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Lɛkpa Ulu 10:16

Anwuɔsu bɛda likpidi biala bidie bina kayi kemmo na bɛda atuɔkplu bɔbla bɛya.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Koloseƒuɔ 2:11

Ka bɛ́blaku Kristo unwi ɔsu ni, Katɔti úti nwuna Kɔyu úse-mii likpo ka bɛdi nwuna badi. Nsu ɔɔɔdi aani kalɛ na Yudaƒuɔ baabla ago bukulo ɔdi kalɛ. Mmomu Kristo ɔlati nábla-mii ɔmɛni úti úkulo ekpidi udu údie-bu lɛlɔ.

Yosua 5:3

Anwuɔsu Yosua úkulo-ma ago aani kalɛ kani na Unwoti ɔ́su-nwu mmɔ. Na kesii kani na úkulo-ma ago mmɔ baalɔ banii Aralot na nwuna kalɔ ndi Ago Bukulo Kɔbi.