Yosua 5:10 - Katɔti Ɔku Kedee

¹⁰ Uwi ɔni na Israelƒuɔ bamu bakya Gilgal na kalɔ kani nwi ƒiaa na Yeriko kudɔ ni, bádi Kukpi Lili Bɔvia limeyi useyi ɔmmɔ na kɔbuli kɔmmɔ limeyi leevu-inedi lɛlɔ.

Yosua 5:10 ပူးပေါင်းရင်းမြစ်များ

Samuel 2 15:28

Nu! Ndubunye ketu kammɔ kaviakɔ kesii kani néti késela ketele kalɔ kakwiidi kemmo wetédu ka lɛ́ƒɔ kenye kadi lɛ́siku-ɔ kudɔ.”

Israelƒuɔ Bɔlɛ 12:11

“Na bɛda lɛlɔ asa bise kalɔ ku bɔdi, na bɛkya bina lɛwu ku agbanvuo na bɛwia bina ugyii ɔdadi bɛda. Na ɔlɛka bɛdi adila ammɔ pla pla. Ɔsika usien ɔmmɔ ɔdi Unwoti Kukpi Lili Bɔvia Limeyi.

Israelƒuɔ Bɔlɛ 12:18

Bɛdi limeyi lɛmɛni úti ɔ́si kɔbuli kudeedi limeyi leevu-linedi useyi lɛlɔ úti útédu limeyi aavlanyɔ-unwi useyi. Na ɔdi utadi bodobodo ɔni kemmo na bɔnyii bɔkya na emeyi ammɔ kemmo.

Israelƒuɔ Bɔlɛ 12:6

“Na bitaanu-ma lɛlɔ kaduɛ útédu kɔbuli limeyi leevu-linedi lɛlɔ useyi uwi asa na ɔdi biala ɔdu nwuna ebuo.

Yeremia 39:5

Nsu Babilonƒuɔ bekpone bábi básiaku-ma na bétéƒie-ma na Yeriko ɔma kudɔ na bákpanku Ɔga Sedekia bésienku ɔma ɔnii baalɔ Ribla na Hamat kalɛkɛ kemmo. Mmɔ na Nebukadnesar ɔ́tɛku-nwu litemi na ɔ́du-nwu kɔtɔ ka nwuna litemi lɛɛɛdia.

Esekiel 12:3

“Anwuɔsu asa na ɔƒɛ wasa ni, si atu na enu lɛla lɛni na mɔɔyɔ́ ka abla. Bo ƒula ala alɛɛ ani obo aani si buti bada-a batɔlɔku aani ɔtɔntɛne kalɛ. Na alɛ eténye kesii kani na ukyuli biala wanu-ɔ kaduɛ na akɛ eteesie taavi. Ɔƒɛni kalɛ si benye baanu lɛla lɛni na aabla ni, badubo bɔnu bɔti lɛsɛ bakyane bani udu na badi.

Lewiƒuɔ Ɔda Bubo 23:5

Kɔbuli kudeedi kɔni ndi Abib limeyi leevu-linedi lɛlɔ useyi uwi si ɔƒɛ úsela kanukɔ ni, na bise kalɔ bitaadi Unwoti Kukpi Lili Bɔvia Limeyi.

Mika 6:5

“Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”

Yosua 4:19

Na bekyuli bammɔ ƒui bávia Yordan Ketu kammɔ báwɔlɔ na kɔbuli kudeedi limeyi leevudi lɛlɔ. Na bételie ɔma ɔni baalɔ banii Gilgal na Yeriko ɔƒɛ katukɔ kakɛ.

Yosua 5:11

Na Kukpi Lili Bɔvia limeyi bɔdi bɔwɔlɔ kadi kégye ni, bádi Kanaan kalɔ kammɔ edula adi ani ndi anta eƒidi ku bodobodo ɔni kemmo na bɔnyi buuubo.

Yosua 9:6

Amu na bésie Yosua kudɔ na Gilgal na básu-nwu ku Israelƒuɔ banini, “Kesii kani na bɔ́si ni, kágyu geen. Anwuɔsu bɔɔyɔ́ ka abu ku-mii bɔbla unwi.”

Samuel 1 7:16

Na lɛkwa ndi lɛkwa ni, uusié taavi-ma lɛlɔ ɔ́si Betel úsie Gilgal útédu Mispa taatátɛ etemila.