Yosua 4:9 - Katɔti Ɔku Kedee

⁹ Na Yosua ɔ́la atakpɛ leevu-anyɔ ani bála mmɔ na ɔ́tɛ-nya ɔsala na atakpɛ ammɔ amu alɛ mmɔ úbedu ɔmwi.

Yosua 4:9 ပူးပေါင်းရင်းမြစ်များ

Ala Kalɔ Buse 26:33

Anwuɔsu Isak ɔ́sia libiɔ lɛmmɔ lɛnyi ɔnii Siba, ɔni kalɔ ndi Lilidia. Na úti úbedu ku ɔmwi ni, ɔma ɔmmɔ lɛnyi ndi Beer Seeba.

Ala Kalɔ Buse 28:18

Ka kadi kégye ɔtanta ni, Yakob ɔ́ta na úti lɛtabi lɛni lɛlɔ na ɔ́sia lili mmɔ úku únyene na ɔ́bla akpala na mmɔ na úti nnɔ úwi-ni lili.

Baga 1 18:31

Amu na Elia úti atabi leevu-anyɔ. Na lɛtabi biala linye lite Israel kaba kenwi na bebi bani na Yakob ɔ́wɔ kenye. Anwu ndi ukyuli ɔni lɛlɔ na Unwoti ɔ́su kenye kamɛni ɔnii, “Ƒula lɛnyi ndi Israel.”

Ala Alɛdi 2 5:9

Na ligyii lɛmmɔ lɛ́kuku ɔni na akana na anu-ni si enye katɔma kammɔ anumi na ɔɔɔdi kesi kesii. Na mmɔ na ala ammɔ ese ɔ́si uwi ɔmmɔ lɛlɔ úbedu ɔmwi.

Israelƒuɔ Bɔlɛ 24:12

Amu na Unwoti ɔ́su Mose ɔnini, “Kɔ bo, na ebelie-mi kudɔ na kɔbi lili mɛni, na ndubo atabi ani lɛlɔ na línweni ɔda bubo bɔmmɔ lɛ́sia buti bute-ɔ ka eti atina-ma.”

Israelƒuɔ Bɔlɛ 28:21

Ɔlɛka atabi ammɔ abla leevu-inyɔ na enye ete Israel bebi leevu-inyɔ bammɔ anyi kenye. Na atabi ammɔ adubɔbla aani ekposela atabi, na adubɔnwi bana anyi asia unwi unwi.

Mateo 27:8

Ɔmɛni ɔsu ni, baalɔ kalɔ kammɔ banii Ubugya Kalɔ úbalɛ ɔmwi.

Mateo 28:15

Bagyumanane bammɔ báƒɔ egulabi ammɔ na bábla aani kalɛ na básu-ma. Na Yudaƒuɔ bammɔ bégyingya Yesu ukpine buyu litemi lɛmmɔ na bana akɔ úbalɛ ɔmwi.

Lɛkpa Ulu 34:6

Na Unwoti ɔ́va-nwu na kɔwɛ kɔni nkya Moab na ɔma ɔni nde Bet-Peor. Na úti úbedu ɔmwi limeyi lɛmɛni lɛlɔ ni, ukyuli biala ɔɔɔgyi kesii kani báva-nwu.

Yosua 24:26

Na Yosua únweni etemila ammɔ ɔ́kya Katɔti ɔda bubo ɔku kemmo. Ɔmmɔ kama úti lɛtabi bonwu lɛdi úse mmɔ na kugyii kubendi kɔni nde Unwoti kakpakɔ kedee mmɔ kudɔ.

Yosua 4:10

Na bakpane bani nti Unwoti Bunyimi Adaka mmɔ básɔ bénye Yordan Ketu ntɛ mmɔ úti útédu ka Yosua ɔbla ala ani ƒui na Unwoti úbo-nwu ɔda ka babla ku kalɛ na Mose lɛnɔ ɔ́su Yosua úse. Na Israelƒuɔ bammɔ bábabla na bávia Yordan Ketu.

Litemi Batɛne 1:26

Ɔmmɔ kama ni, ɔnana ɔmmɔ ɔ́ta na útélie Hetiƒuɔ kudɔ na ɔ́da ɔma unengudi ɔdi, na ɔ́sia-nwu lɛnyi ɔnii Lus. Na Lus ɔma ɔmɛni ɔmu ɔkya úbedu ɔmwi kadi.

Samuel 1 30:25

Na lɛla lɛmɛni líbenwini bunyimi bɔni na Dawid ɔ́lɛ ugyii úte Israelƒuɔ ƒui, na baadi-mu lɛlɔ úti úbedu ɔmwi limeyi lɛmɛni lɛlɔ.

Samuel 1 7:12

Ɔmmɔ kama ni, Samuel ɔ́lɛ likpose lɛtabi lɛdi na Mispa ku Sen lɛma ntɛ na ɔ́sia-ni lɛnyi ɔnii Eben-Eser, na nwuna kalɔ ndi bɔƒɔ lɛtabi. Na ɔ́su ɔnini, “Ɔmɛni mɔɔtina kesii kani na Unwoti úbunku-bu úbedu.”