Yosua 4:18 - Katɔti Ɔku Kedee

¹⁸ Na ka bakpane bammɔ bánya bákɔ balɛ Yordan Ketu kemmo na bedu kalɔ lɛlɔ kani na ntu na ntu bɔmmɔ búse kalɔ bɔɔgbá na kasɔ keyi ku atu.

Yosua 4:18 ပူးပေါင်းရင်းမြစ်များ

Ala Alɛdi 1 12:15

Na ama ndi bekyuli bani na bávia bésie Yordan Ketu bésie ɔvi ɔni ngye uwi ɔni na ketu kammɔ kéyi ku atu na kɔbuli kedeedi kemmo bátábɔku bekyuli bani ƒui nli kɔwɛ kemmo ɔ́si ɔƒɛ katukɔ útédu kanukɔ.

Yesaia 8:8

Na kadubɔgbala ala laa ketédu Yuda, na kabuala kavi na keyi kadanku-ma amɔ. Na kana avwi ani na úgyingya adubo bɔbɛbɛ bubi ƒula kalɔ kammɔ ƒui, O Imanuel!”

Yosua 3:13

Na uwi ɔni kani na bakpane bani nti Unwoti Bunyimi Adaka badubɔnya ntu bɔmmɔ kemmo ni, Yordan Ketu kammɔ kadubɔda bɔgba bɔya kɔnakunwi. Na ntu bɔni mɔɔgbá taasi katɔ kakɛ bɔdubo ni, bɔdubudi bunye liku linwi.”

Yosua 3:15

Na uwi ɔmmɔ kemmo ni, ketu kammɔ kéyi geen na ɔdi edula ɔƒɛ uwi. Nsu uwi ɔni kani na bakpane bani nti Adaka ɔmmɔ bédu ketu kammɔ na bákya-ka lɛgba ni,

Yosua 4:11

Uwi ɔni na bekyuli bammɔ ƒui bávia Yordan báwɔlɔ ni, bakpane bani nti Unwoti Bunyimi Adaka básɔ bátávi batɔ bekyuli bammɔ anumi.

Yosua 4:17

Anwuɔsu Yosua úbo bakpane bammɔ ɔda ɔnini, “Bɛlɛ Yordan Ketu kammɔ kemmo.”

Yosua 4:19

Na bekyuli bammɔ ƒui bávia Yordan Ketu kammɔ báwɔlɔ na kɔbuli kudeedi limeyi leevudi lɛlɔ. Na bételie ɔma ɔni baalɔ banii Gilgal na Yeriko ɔƒɛ katukɔ kakɛ.