Yosua 3:8 - Katɔti Ɔku Kedee

⁸ Anwuɔsu su Bakpane bani nti Bunyimi Adaka ɔmmɔ anini, ‘Si bídu Yordan Ketudɔ ni, na biduo ketu kammɔ kemmo na bisie anumi blii asa na bidi binye utubli ɔmmɔ kudɔ.’ ”

Yosua 3:8 ပူးပေါင်းရင်းမြစ်များ

Baga 2 2:6

Ɔmmɔ kama Elia ɔ́su Elisa ɔnini, “Sɔ nye mɛni, ɔsika Unwoti ɔ́tala-mi na Yordan Ketu.” Amu na Elisa údie kenye ɔnini, “Na awɔ ku Unwoti ɔni nli ngba mɛni anumi ni, lɛɛɛdubo bɔsɔ bunye.” Ɔmmɔ ɔsu bana inyɔ ƒui bátɔlɔ.

Ala Alɛdi 2 29:15

Batɔnkune bamɛni bátásala Lewiƒuɔ bakladi na bana ƒui bábla lɛlɔ bɔbla sɛɛn ɔdi ɔmmɔ kalɛ na bese sɛɛn. Na ɔmmɔ kama bése kalɔ baabla kakpakɔ kammɔ lɛnɔ kedee ɔkɛnku Unwoti ɔda bubo kenye aani kalɛ na Ɔga Hesekia úbo ɔda kalɛ.

Ala Alɛdi 2 29:27

Amu na uwi ɔni kani na Hesekia údie kɔnu ɔ́tina bekyuli bammɔ ka bese kalɔ ku akpala ammɔ bɔkyula na lɛkpabi lɛmmɔ lɛlɔ ni, bagyane bammɔ lɛnɔ bése kalɔ beedie bumwi lɛnu na baagyá bana agyala

Ala Alɛdi 2 29:30

Na Hesekia ku nwuna bakutine benengu bammɔ bébo Lewiƒuɔ bammɔ ɔda banii beteedie bumwi lɛnu lɛni na Ɔga Dawid ku Kenye Udiene Asaƒ bénweni bése mmɔ. Anwuɔsu béboku eli kalɔ na bédie bumwi lɛnɔ béte Unwoti ku lɛlɔyɔ.

Ala Alɛdi 2 30:12

Na Katɔti ɔlati ɔ́ya na lɛlɔ kemmo kaatɔ́ ɔdi biala na Yuda ƒui ka babla lɛla lɛni na Hesekia ku nwuna benengu básu mmɔ.

Nehemia 13:22

Mmɔ na líbo Lewiƒuɔ bammɔ ɔda ka ɔdi biala utábla lɛlɔ sɛɛn na beteesie batágyumana kɔyakun kɔmmɔ kalɛ beeti ɔbu beete lɛnwunameyi. Amu na lívele Katɔti nnii, “Mɛni lɛnɔ ni, nyimo-mi na anu-mi kɔnyana ɔ́si ƒula bɔyɔ bonwu bɔni ebo ɔsu.”

Nehemia 13:28

Na ɔkpane Unengudi Eliasib ubidi Yoiada bebi bammɔ kemmo unwi úti Horonni Sanbalat ubidi ulekubi. Ɔmɛni ɔsu lɛ́bɔku-nwu lɛ́lɛku Yerusalem.

Israelƒuɔ Bɔlɛ 14:13

Amu na Mose ɔ́su Israelƒuɔ bammɔ ɔnini, “Liƒu litada-mii. Binye kpakplaa na bɛdubɔnu kalɛ na Unwoti ɔdubukpo ute-mii ɔmwi kadi. Na mɔɔsu-mii ka Egyipteƒuɔ bani na bɛɛnu ɔmwi mɛni ni, bɛsɔ bɛɛɛdubo-ma bɔnu kudii.

Kɔnyana Buwulo 3:26

Ɔdia geen ka bɔkɛ kayi na bunye butaanu Unwoti anumi na udie-bu.

Yosua 3:17

Na Katɔti bakpane bani nti Bunyimi Adaka ɔmmɔ benye ketu kakwiidi kammɔ ntɛntɛ úti útédu ka bekyuli bammɔ ƒui bávia báwɔlɔ.

Yosua 3:3

Na básu-ma banini, “Si uwi ɔni na bɛ́nu ka Lewiƒuɔ bakpane bammɔ béti bina Unwoti Katɔti Bunyimi Adaka béselaku ni, bɛta na bɛsiaku-ma kama.

Yosua 3:7

Mmɔ na Unwoti ɔ́su Yosua ɔnini, “Lɛla lɛni ndubo bɔbla ɔmwi kadi mɛni ɔdubɔya na Israelƒuɔ bese kalɔ bataabu-ɔ aani ukyuli ubendi na adi. Na badubo bɔnu bɔti ka nlieku-ɔ aani kalɛ kani na lílie-ku Mose.

Yosua 3:9

Amu na Yosua ɔ́su bekyuli bammɔ ƒui ɔnini, “Bɛni bide-mi na bise atu na binu lɛla lɛni na bina Unwoti Katɔti ɔdubo-mii bɔsu.

Yosua 4:11

Uwi ɔni na bekyuli bammɔ ƒui bávia Yordan báwɔlɔ ni, bakpane bani nti Unwoti Bunyimi Adaka básɔ bátávi batɔ bekyuli bammɔ anumi.