Yosua 3:7 - Katɔti Ɔku Kedee

⁷ Mmɔ na Unwoti ɔ́su Yosua ɔnini, “Lɛla lɛni ndubo bɔbla ɔmwi kadi mɛni ɔdubɔya na Israelƒuɔ bese kalɔ bataabu-ɔ aani ukyuli ubendi na adi. Na badubo bɔnu bɔti ka nlieku-ɔ aani kalɛ kani na lílie-ku Mose.

Yosua 3:7 ပူးပေါင်းရင်းမြစ်များ

Ala Alɛdi 1 29:25

Na Unwoti ɔ́bla Salomo na únwini ɔga ɔyikune geen na ɔ́bla kalɔ kammɔ lɛlɔ bekyuli ƒui kalɛ kadi na kalɛ na ɔ́ƒɔ lɛnyi lɛni ɔsu. Na geen ni, ɔga ɔdi ɔ́sɔ útaƒɔ lɛnyi na ɔkɛ ɔyikun ɔmmɔ udu na Israel ƒui kudii lɛnɔ.

Ala Alɛdi 2 1:1

Ka Unwoti Katɔti úte Dawid ubidi Ɔga Salomo lɛnunda ɔsu ni, ɔ́ya na únwini ɔga ɔyikune geen, na nwuna ɔyikun ɔ́di nwuna lɛgakadikɔ kammɔ ƒui lɛlɔ.

Hiob 7:17

“Bi ɔsu na bekyuli lɛlɔ lɛ́ƒɔ-ɔ kuye na aasia bana ablala anu lɛni?

Kɔgya 18:35

O Unwoti, awɔ mɔɔgyumana-mi na aaƒɔ́-mi ngba. Na kalɛ na eebo teebebunku-mi ɔsu ni, áya na lɛ́ƒɔ lɛnyi ɔkɛnku ƒula ɔyikun bonwu lɛlɔ.

Yohane 17:1

Ka Yesu ɔ́su-ma ala amɛni ɔ́wɔlɔ ni, ɔ́kɔliku anumi ɔ́nu katɔ na ɔ́su ɔnini, “Ati, uwi ɔmmɔ údu. Kɔliku ami ƒ'ubidi katɔ kalɛ na ami lɛnɔ lɛ́kɔliku ƒula lɛnyi katɔ.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Yosua 1:17

Na kalɛ kani na búnu Mose litemi ni, lɛni kani na bɔdubunu ƒula litemi lɛnɔ. Na buuvele bɔnii ƒula Unwoti Katɔti ulieku-ɔ aani kalɛ kani na úlieku Mose.

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Yosua 3:6

Ɔmɛni kama Yosua ɔ́sɔ ɔ́su Katɔti Bakpane bammɔ ka bagyu Bunyimi Adaka ɔmmɔ beti na bagyu batɔ bekyuli bammɔ animi. Anwuɔsu ama lɛnɔ bábla kalɛ na Yosua ɔ́su-ma mmɔ.

Yosua 3:8

Anwuɔsu su Bakpane bani nti Bunyimi Adaka ɔmmɔ anini, ‘Si bídu Yordan Ketudɔ ni, na biduo ketu kammɔ kemmo na bisie anumi blii asa na bidi binye utubli ɔmmɔ kudɔ.’ ”

Yosua 4:14

Na lɛla lɛni na Unwoti ɔ́bla limeyi lɛmmɔ lɛ́ya na Yosua ɔ́ƒɔ lɛnyi na Israelƒuɔ akɔ. Na béti ɔbu béte-nwu nwuna ngba bulie kemmo ƒui aani kalɛ kani na béti ɔbu béte Mose.