Yosua 3:5 - Katɔti Ɔku Kedee

⁵ Ɔmmɔ kama Yosua ɔ́su bekyuli bammɔ ƒui ɔnini, “Ɔdi biala ɔbla lɛlɔ sɛɛn. Ɔsika kɔnaadi Unwoti ɔdubo akɔla bɔbla na bina akɔ.”

Yosua 3:5 ပူးပေါင်းရင်းမြစ်များ

Hiob 1:5

Uwi biala na bádi limeyi báwɔlɔ lɛni ni, Hiob ɔɔta ɔtanta tutuutu na ɔɔsia kama taalɔ-ma taasala, na babla lɛlɔ bɔbla sɛɛn ɔdi na ɔdi biala lili, ku kasusu ka ɔdi ɔdubɔƒiɔ Katɔti ɔsu. Na ɔmɛni únwini lɛla lɛni na ɔɔbla bɔbla bɔbla.

Kɔgya 77:15

Na awɔ ɔlati néti ƒula kɔnu na édie abu ƒula kadi bekyuli bani ndi Yakob ku Yoseƒ bebi.

Kɔgya 86:10

Ɔsika awɔ lɛti kani ndi Katɔti na ébomo na aabla akɔla ala budie taatina.

Yoel 2:16

Na asia anu ka ukyuli biala ɔ́klibi lɛlɔ kaduɛ na ɔ́manku ka ɔkpali-mi. Na aya na benengu ku banamu ku bagya ku bele ƒui bata bana emeyi kadikɔ bebo.

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Lewiƒuɔ Ɔda Bubo 20:7

“ ‘Bidie lɛlɔ sɛsɛɛ na bɛbla lɛlɔ kedee, ɔsika ami ndi Unwoti bina Katɔti

Bumomo Bɔka 11:8

Na bekyuli bammɔ baaví taala-nwu na bakɔ-nwu na kukɔ lɛlɔ iye baawɔ-nwu na kaawɛ kemmo. Na beeƒulo-nwu teebo abɔ wɛlɛwɛlɛ na si étu-nwu unyemi na use aani kaaklo ɔni na bágyi ku nnɔmii.

Yohane 17:19

Na ama ɔsu ni, lɛ́bla lɛlɔ kedee lite-ɔ kalɛ na akana abla ama lɛnɔ kedee.

Yosua 3:13

Na uwi ɔni kani na bakpane bani nti Unwoti Bunyimi Adaka badubɔnya ntu bɔmmɔ kemmo ni, Yordan Ketu kammɔ kadubɔda bɔgba bɔya kɔnakunwi. Na ntu bɔni mɔɔgbá taasi katɔ kakɛ bɔdubo ni, bɔdubudi bunye liku linwi.”

Yosua 3:15

Na uwi ɔmmɔ kemmo ni, ketu kammɔ kéyi geen na ɔdi edula ɔƒɛ uwi. Nsu uwi ɔni kani na bakpane bani nti Adaka ɔmmɔ bédu ketu kammɔ na bákya-ka lɛgba ni,

Yosua 3:4

Ka bítebo mɛni kudii ɔsu ni, bakpane bani nti Unwoti Bunyimi Adaka ɔmmɔ ndubɔtina-mii ulu. Nsu ɔdi utakpɛ utede Bunyimi Adaka ɔmmɔ. Na bɛya na kuƒi kɔkya amii ku Bunyimi Adaka ɔmmɔ ntɛ aani liluku kakɛ na bitani bitede-nwu.”

Yosua 3:6

Ɔmɛni kama Yosua ɔ́sɔ ɔ́su Katɔti Bakpane bammɔ ka bagyu Bunyimi Adaka ɔmmɔ beti na bagyu batɔ bekyuli bammɔ animi. Anwuɔsu ama lɛnɔ bábla kalɛ na Yosua ɔ́su-ma mmɔ.

Yosua 7:13

Ɔmmɔ kama Unwoti ɔ́su Yosua ɔnini, “Ta na asu bekyuli bammɔ ka babla lɛlɔ sɛɛn bese kaduɛ na bɔsa kɔnaadi. Ɔsika ami Unwoti Israel Katɔti mɔɔsu-ma nnii, ‘Ala ani na líbo-mii ɔda nnii biti-nya bɛkpa bite-mi ni, bíti adi bɛkya lɛlɔ. Na mɔɔsu-mii ka bilakana bina bekisine anumi bunye bɔsiaku úti útédu ka bídie ala ammɔ bíboku.

Samuel 1 16:5

Mmɔ na údie kenye ɔnini, “Ɛɛn, use buɛɛ ƒui! Na akpala adi na líbo mbabla lite Unwoti. Anwuɔsu bɛklibi lɛlɔ na bibo bibasiaku-mi na butábla akpala ammɔ bɔsala.” Na ɔ́ya na Yisai ku nwuna bebi lɛnɔ báklibi lɛlɔ na bébo mmɔ.