Yosua 3:4 - Katɔti Ɔku Kedee

⁴ Ka bítebo mɛni kudii ɔsu ni, bakpane bani nti Unwoti Bunyimi Adaka ɔmmɔ ndubɔtina-mii ulu. Nsu ɔdi utakpɛ utede Bunyimi Adaka ɔmmɔ. Na bɛya na kuƒi kɔkya amii ku Bunyimi Adaka ɔmmɔ ntɛ aani liluku kakɛ na bitani bitede-nwu.”

Yosua 3:4 ပူးပေါင်းရင်းမြစ်များ

Ala Kalɔ Buse 31:2

Na Yakob ɔlati ɔ́nu ɔ́ti ka Laban ɔbladu ɔni na ɔɔtina-nwu ni, ɔ́vumanaku kalɛ na úse kuuku.

Ala Alɛdi 1 11:2

Na kukuuku ƒui uwi ɔni na Saul ɔdi bula ɔga muedi ni, awɔ kani nákpanku bula Israelƒuɔ bekpone ésienku kekpokɔ. Na Unwoti ɔ́su-ɔ ɔnini, ‘Awɔ ndubo mina kadi bekyuli bɔda aani baƒonu ɔdane kalɛ, na awɔ ndubɔdi bana ɔga.’ ”

Kɔgya 25:12

Bekyuli bani mɔɔyia Unwoti ni, ama na ɔɔtina ulu ɔni lɛlɔ na badubɔsia.

Kɔgya 89:7

Adi Katɔti ɔni na kayaa bayikune kede bammɔ ƒui baayia uwi ɔni na bɛ́sa. Ɔsika ébomo na ebo ɔyikun étulo bani náka bámana-a.

Israelƒuɔ Bɔlɛ 19:12

Tina-ma kesii kani na ɔdi biala ubo kuƒi ka unye udu na kɔbi kɔmmɔ kudɔ. Na asu-ma ka ukyuli biala ɔ́nu kaduɛ na utakɔ utebo kɔbi kɔmmɔ lili, iye ɔni ude-ku muedi. Na si ɔdi ɔ́bla unyeƒi na ɔ́via ɔmii ɔmmɔ ni, ɔlɛka badu-nwu.

Israelƒuɔ Bɔlɛ 3:5

Amu na Katɔti ɔ́su Mose ɔnini, “Da ƒula lɛgbanvuo die! Ɔsika kalɔ kedee lɛlɔ na enye.”

Israelƒuɔ Bɔlɛ 4:10

Amu na Mose ɔ́su Unwoti ɔnini, “O Unwoti, ɔ́si mina lɛnamu uwi úti úbedu ɔƒɛni ni, lɛɛɛgyi bɔtɛmi. Na úti úbedu uwi ɔni na aatɛmiku ami ƒula kabla ɔblane mɛni ni, mina bɔtɛmi bulábla nwaa. Na ndi ukyuli ɔni mɔɔwalɛ.”

Yesaia 30:33

Na ɔ́si kukuuku ni, Katɔti ɔ́ɔklibi kesii kadi úse úte Asiriaƒuɔ baƒiɔ bani na baatu lili aani ɔga ɔni ndubo bukpi. Na ogya ɔmɛni kasalakɔ kadi ubu voo ɔni na nwuna kemmo kábɛbɛ na bátɛ ekyweni bése béte-nwu. Na ogya agyabi ku ɔnyi ɔni na Katɔti ɔdubɔnwuna ɔlɛku nwuna lɛlɔ kemmo na ɔdubuti ɔtu ɔkya ekyweni ammɔ.

Yesaia 48:17

Unwoti ɔnini, “Israel kadi bekyuli, ami ndi Unwoti Katɔti ɔni muudie-mii. Na kalɛ na ɔdianku-mii ɔsu na mɔɔtina-mii ala, na mɔɔkpanku-mii taasiaku ulu geen ɔmmɔ lɛlɔ.

Yosua 3:3

Na básu-ma banini, “Si uwi ɔni na bɛ́nu ka Lewiƒuɔ bakpane bammɔ béti bina Unwoti Katɔti Bunyimi Adaka béselaku ni, bɛta na bɛsiaku-ma kama.

Yosua 3:5

Ɔmmɔ kama Yosua ɔ́su bekyuli bammɔ ƒui ɔnini, “Ɔdi biala ɔbla lɛlɔ sɛɛn. Ɔsika kɔnaadi Unwoti ɔdubo akɔla bɔbla na bina akɔ.”