Yosua 3:15 - Katɔti Ɔku Kedee

¹⁵ Na uwi ɔmmɔ kemmo ni, ketu kammɔ kéyi geen na ɔdi edula ɔƒɛ uwi. Nsu uwi ɔni kani na bakpane bani nti Adaka ɔmmɔ bédu ketu kammɔ na bákya-ka lɛgba ni,

Yosua 3:15 ပူးပေါင်းရင်းမြစ်များ

Baga 2 2:6

Ɔmmɔ kama Elia ɔ́su Elisa ɔnini, “Sɔ nye mɛni, ɔsika Unwoti ɔ́tala-mi na Yordan Ketu.” Amu na Elisa údie kenye ɔnini, “Na awɔ ku Unwoti ɔni nli ngba mɛni anumi ni, lɛɛɛdubo bɔsɔ bunye.” Ɔmmɔ ɔsu bana inyɔ ƒui bátɔlɔ.

Ala Alɛdi 1 12:15

Na ama ndi bekyuli bani na bávia bésie Yordan Ketu bésie ɔvi ɔni ngye uwi ɔni na ketu kammɔ kéyi ku atu na kɔbuli kedeedi kemmo bátábɔku bekyuli bani ƒui nli kɔwɛ kemmo ɔ́si ɔƒɛ katukɔ útédu kanukɔ.

Ala Alɛdi 1 12:16

Benyamin ku Yuda kaba bekyuli badi lɛnɔ bébo Dawid kudɔ na nwuna kagyumanakɔ na kesii kani na ɔkya.

Yesaia 26:6

Lɛgba na badubɔnya mmɔ bavi na bawabane ku bekyuli bani mmomu na baanya taakya ndubɔkɔ-ma lɛlɔ bavi.”

Yeremia 12:5

Unwoti ɔnini, “Yeremia, si anii eekeli ada bekyuli na lɛlɔ líitu-ɔ lɛni ni, dɛ na aakali ka adubɔkana bukeli bɔda bapɔnkɔ? Na si kalɔ ntɛ nwaa mɛni na adaku bubuli ni, bi ndubo bɔlɛ na lɛku kemmo na Yordan Ketu kɔtu?

Yeremia 49:19

“Ndubo awɔ Edom bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Nahum 1:4

Si Unwoti údie lɛdi ni, ɛpu ku ntukpa ƒui bɔɔkwii, na aku ani nkya Basan ku Karmel ku Lebanon abi lɛlɔ ƒui egyii ku anwula aayɛyɛ.

Yosua 3:13

Na uwi ɔni kani na bakpane bani nti Unwoti Bunyimi Adaka badubɔnya ntu bɔmmɔ kemmo ni, Yordan Ketu kammɔ kadubɔda bɔgba bɔya kɔnakunwi. Na ntu bɔni mɔɔgbá taasi katɔ kakɛ bɔdubo ni, bɔdubudi bunye liku linwi.”

Yosua 4:18

Na ka bakpane bammɔ bánya bákɔ balɛ Yordan Ketu kemmo na bedu kalɔ lɛlɔ kani na ntu na ntu bɔmmɔ búse kalɔ bɔɔgbá na kasɔ keyi ku atu.