Yosua 3:1 - Katɔti Ɔku Kedee

¹ Amu na kadi kégye ɔtanta tutuutu ni, Yosua ku Israelƒuɔ ƒui báta Sitim na bátɔlɔ bétélie Yordan Ketudɔ kesii kani na badubulie asa na bavia ketu kammɔ.

Yosua 3:1 ပူးပေါင်းရင်းမြစ်များ

Ala Kalɔ Buse 21:14

Limeyi lɛni nsia ɔtanta tutuutu ni, Abraham úti adila ku ntu ɔsii ɔdi útile Hagar na údie anwu ku ubidi ɔnanabi ɔmmɔ ulu. Uleku ɔmmɔ ɔ́yu ulu na ɔkɛ ɔɔví Beer-Seba ketele kemmo.

Ala Kalɔ Buse 22:3

Ka kadi kégye lɛdigye tutuutu ni, Abraham ɔ́ta na útile nwuna ebuo ala utine ala na ɔ́bala-nwu ala kaduɛ. Amu na útiku nwuna kabla bablane inyɔ ku ubidi Isak. Na ka ɔ́yɔ ekyweni pii na edu kalɛ na weti wakyula akpala ammɔ ni, ɔ́yu ulu úsie kesii kani na Katɔti ɔ́tina-nwu mmɔ.

Kɔgya 119:60

Nsɔ naaakpɛ kama, mmomu ndubɔbabla na lɛdi ƒula etemila lɛlɔ.

Yeremia 25:3

“Akwani ndi lɛkwa aavlanyɔ-lɛtɛdi ka líse kalɔ mɔɔsu-mii lɛla lɛni na Unwoti ɔnii nsu-mii ɔ́si Ɔga Yosaia lɛga bɔdi lɛkwa leevu-lɛtɛdi kemmo, nsu bíni na bítenu.

Yeremia 26:5

Lɛ́sia kama lɛ́tala mina kenye bediene bani mɔɔbla-mi kabla lɛ́kya-mii kɔlɛ kɔlɛ ka babakɔ lɛsa bete-mii, nsu bíni ama lɛnɔ. Na ɔƒaani ni, mɔɔlɛ-mii kpakplaa ka si bítavumana udu na bise kalɔ bitaadi mina etemila lɛlɔ ɔƒaani ni,

Yeremia 7:13

“Uwi ɔni ƒui na bɛ́kya bitaabla ekpidi ni, mɔɔsia ulu biala lɛlɔ taatɛmiku-mii. Nsu bíni na bítenu-mi litemi.

Mika 6:5

“Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”

Bumomo Bɔka 25:1

Uwi ɔni na Israelƒuɔ bákya Sitim ni, na ama ku Moab belekubi bése kalɔ baatɛ.

Marko 1:35

Ɔtanta tutuutu asa na kadi kadubɔda ni, Yesu ɔ́ta ɔ́lɛ kaduli mmɔ. Na ɔ́lɛ ɔma ɔmmɔ kemmo úsie kesii kani na ukyuli ɔdi biala uuude, na útákpali katɔ.

Yosua 2:1

Ɔmmɔ kama ni, Nun ubidi Yosua ɔ́tala batu inyɔ badi ɔ́siku Sitim kesii kani bákya. Na ɔ́su-ma ɔnini, “Bɛbɛ bitánu Kanaan kalɔ kammɔ. Ɔni ntulo ƒui ndi ka biduo bana ɔma unengudi ɔni baalɔ banii Yeriko na bɛnu mmɔ kalɛ na use.” Amu ka bétéduo Yeriko ni, bésie bétéduo uleku ɔyalɛ ɔni baalɔ banii Rahab kaduli na bátɛ mmɔ.

Yosua 6:12

Amu ka kadi kégye ni, Yosua ɔ́ta ɔtanta tutuutu na ɔ́sɔ ɔ́ya na bakpane ku bekpone bammɔ básɔ bésie bamana ɔma ɔmmɔ limeyi linyɔdi aani kalɛ na bábla. Na bekpone badi batɔ na bakpane bani mɔɔvwi kɔkpɛɛ lɛnɔ basia. Na bakpane bani nti Unwoti Bunyimi Adaka lɛnɔ basia. Na bekpone bakladi bakpɛ. Na uwi ɔmmɔ ƒui bani nda kɔkpɛɛ mmɔ baavwi-ku.

Yosua 6:15

Na limeyi maatɛdi lɛlɔ ni, bekyuli bammɔ ƒui báta lɛdigye na besie bátáka bamana ɔma ɔmmɔ aani kalɛ bataabla. Na limeyi lɛmmɔ lɛlɔ amu ni, baka bamana ɔma ɔmmɔ maatɛ.

Yosua 7:16

Amu ka kadi kégye ɔtanta Yosua ɔ́ya na Israelƒuɔ ƒui bebenye-nwu anumi na kaba kaba kenye. Na Katɔti ɔ́lɛ Yuda kaba lɛnumi.

Yosua 8:10

Kadi kegye ɔtanta tutuutu ni, Yosua ɔ́ta na ɔ́lɔ nwuna bekpone bakladi ƒui ɔ́sala. Na anwu ku Israelƒuɔ batɔnkune bátɔnku-ma na bakɔ bésie Ai.

Litemi Batɛne 20:19

Lɛdigye ni, Israelƒuɔ bátásala lɛlɔ na Gibea kudɔ.

Samuel 1 17:20

Kadi kegye ɔtanta tutuutu ni, Dawid ɔ́da baƒonu bammɔ ɔ́kya lɛlɔ ɔnune bamba enu kemmo, na únyimi ala ɔ́sia nwuna bebuo ala utine lɛlɔ na ɔ́yu ulu ɔ́tɔlɔ kalɛ na ɔti ɔ́su-nwu. Nwuna mmɔ buduo kani na uunú ka beebó kekpo kudu ka bata besie kekpokɔ.