Yosua 24:18 - Katɔti Ɔku Kedee

¹⁸ Na Unwoti nábɔku Amoriƒuɔ bani ƒui nkya kɔlɔ kɔni lɛlɔ na bulie mɛni ƒui nédie. Anwuɔsu abu lɛnɔ bɔdubɔsiaku Unwoti. Ɔsika anwu lɛti ndi bula Katɔti.”

Yosua 24:18 ပူးပေါင်းရင်းမြစ်များ

Kɔgya 116:16

O Unwoti, ƒula kabla ɔblane na ndi na mɔɔbla kabla aani mina uni kalɛ. Áƒɛ kɔgba kɔni nda-mi.

Israelƒuɔ Bɔlɛ 10:2

Mmɔ na ɔdubɔdia na biti bana litemi bɛtɛmi bina bebi ku bawɔ. Na bɛsu-ma kalɛ ami Unwoti lɛ́bla Egyipteƒuɔ ɔkɛnku akɔla budie taatina lidu lidu lɛmɛni lɛlɔ, na bɛti ka ami ndi Unwoti.”

Israelƒuɔ Bɔlɛ 15:2

Unwoti ndi mina ɔyikun ɔni ɔsu na mɔɔtu kɔgya. Anwu nénwini mina ɔƒɔne. Na mina Katɔti na ndubumwi, Ɔdi mina Katɔti, mina bati kuuku Katɔti, na ndubɔkɔliku-nwu lɛnyi katɔ.

Israelƒuɔ Bɔlɛ 23:31

“Na ndubo bɔya na bina lɛmii lise kalɔ lɛsiku Ɛpugyie kɔtu útédu Mediterenia Ɛpu kenye. Na ɔsɔ ɔsi ketele kemmo útédu Euƒrate Ketu kenye. Na ndubuti bekyuli bani nli kalɔ kammɔ kemmo lɛkya-mii enu kemmo, na bɛbɔku-ma bɛlɛku bina anumi.

Mika 4:2

Kadi bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti, Yakob Katɔti, kɔbi lili na nwuna kakpakɔ na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala na bunu Unwoti litemi bɔsiku Yerusalem.

Sakaria 8:23

Na uwi ɔni na ala amɛni adubo butaalɛ lɛni ni, kadi bamba bekyuli adi batɛmine aani leevu badubuƒie Yudani adala ani na ɔkya bada momoomo na basu-nwu banini, ‘Ya na bɔsiaku-ɔ busie bina ɔma, ɔsika búnu ka Katɔti unye-mii kama geen.’ Ami Unwoti Ɔyikune Ƒui násu!”

Batalane Kabla 7:45

Na akwa pii kama ni, Yosua ɔ́tɔnku bula bati bani nágyu kevo kamɛni béti na bétékpo-ku bekyuli bani na Katɔti ɔ́bɔku ɔ́lɛku kɔlɔ kɔmɛni lɛlɔ. Mmɔ na kevo kamɛni káƒɔ lɛlɔ kése úti útédu Ɔga Dawid uwi.

Lɛkpa Ulu 10:21

Biteemwi-nwu uwi ndi uwi, ɔsika ɔdi bina Unwoti Katɔti. Na bina ɔdi biala ɔ́nu ku nwuna lɛnumi ala ebendi ani na ɔ́bla úte-mii ku ani mɔɔda liƒu.

Lɛkpa Ulu 33:27

Na Katɔti kani muukpó bina kekpo ƒui teete-mii. Na nwuna enubɔ mɔɔyá na bulayia. Na anwu mɔɔgyú taatɔ teetékpo taadi bina bekisine lɛlɔ. Na ɔ́su-mii ɔnini, ‘Biteesie! Na bitayia-ma!’

Yosua 23:9

“Ɔsika ɔ́si amii ɔsu ni, Unwoti ɔ́bɔku kadi bamba bekyuli bani mbo ɔlɔkplu. Na úti úbedu ɔmwi kadi ni, ukyuli ɔdi útakana na unye ɔsiaku-mii.

Yosua 24:17

Ɔsika bula Unwoti Katɔti náda abu ku bula bati údie abi ani na bɔkya buubó na Egyipte kalɔ lɛlɔ kemmo. Na abu ɔlati bɔ́nu akɔla budie lidu lidu lɛni na ɔ́bla, na ɔda-bu kɔkɔɔkɔ na bula ulu busie na kadi bamba akɔ.

Yosua 24:19

Amu na Yosua ɔ́su Israelƒuɔ ɔnini, “Ngyi ka bilakana Unwoti bɔɔsiaku, ɔsika ɔdi Katɔti ɔni nse kedee na uukpó kogyulo na si bɛ́ta binye-nwu lɛlɔ ni, uleti bina ekpidi ulakyiɛ-mii.