Yosua 22:6 - Katɔti Ɔku Kedee

⁶ Anwuɔsu Yosua úte-ma kusɛ kusɛ na ɔ́ya na bénwini bésie bana kalɔ lɛlɔ.

Yosua 22:6 ပူးပေါင်းရင်းမြစ်များ

Ala Kalɔ Buse 14:19

Úvele kusɛ kusɛ úte-nwu ɔnini, “Katɔti Ɔni Ntulo Ƒui na anwu nédie katɔ ku kalɔ ni, ɔdubɔya na nwuna kusɛ kusɛ ɔsiaku Abram.

Ala Kalɔ Buse 47:10

Na mmɔ ni, Yakob úte Ƒarao kusɛ kusɛ asa na ɔ́vi ɔ́lɛ-nwu kudɔ.

Ala Kalɔ Buse 47:7

Ɔmmɔ kama Yoseƒ ɔ́ya na ɔti Yakob lɛnɔ úbeduo-ma kudɔ mmɔ na Ƒarao ɔ́nu-nwu. Na Yakob úte-nwu kusɛ kusɛ.

Samuel 2 6:18

Ka bábla akpala ammɔ báwɔlɔ ni, úte bekyuli bammɔ ƒui kusɛ kusɛ ɔkɛnku Unwoti Ɔyikune Ƒui lɛnyi kemmo.

Samuel 2 6:19

Na ɔmmɔ kama ni, úte Israelni biala na úbo mmɔ bodobodo kakɛ ku egyiibi akangyiɛ lɛna lɛni bákɔ básɔku béƒi asa na bátɔlɔ bésie kɔduli.

Samuel 2 6:20

Uwi ɔni na Dawid únwini úsie kaduli utéte kusɛ kusɛ ɔmmɔ nwuna kaduli bekyuli ni, Saul ubidi Mikal ɔni ndi ulekudi mmɔ ɔ́lɛ úbasiaku-nwu ulu. Na ɔ́su-nwu ɔnini, “Ɔmwi na lɛlɔ lɛ́yɔ Israelƒuɔ Ɔga na údie lɛlɔ lɛti na bakladi akɔ. Na úbu ɔni na udie kasɔngya na bekyuli bani lɛlɔ na ɔɔdi ku bana belekubi kabla bablane anumi. Na ɔ́bla lɛlɔ aani ukyuli ɔni na uuuse-nwu nwaa na ɔkana na udie lɛlɔ kasɔngya uwi biala na ɔɔyɔ́ ƒaa!”

Baga 1 8:66

Na ka bádi limeyi lɛmmɔ báwɔlɔ kadi kegye ni, ɔ́ya na bekyuli bammɔ ƒui bátɔlɔ. Na bekyuli bammɔ béte ɔga kusɛ kusɛ ku kubiti ku lɛlɔyɔ ɔ́si ala abuni ani na Unwoti ɔ́bla úte nwuna kabla ɔblane Dawid ku nwuna bekyuli Israelƒuɔ ɔsu.

Ala Alɛdi 2 30:18

Bekyuli bani na bási Eƒraim ku Manase ɔƒɛ kanukɔ kakɛ ku Isakar ku Sebulon bébo mmɔ akɔ pii bátakana lɛlɔ bɔbla sɛɛn ɔdi ɔmmɔ kemmo bɔvi, nsu bédie Katɔti ɔda bubo bɔmmɔ atu na ama lɛnɔ bádi Kukpi Lili Bɔvia adila ammɔ. Hesekia ɔ́nu ɔmmɔ ɔ́ti, anwuɔsu ɔ́kpali Katɔti na úvele-nwu ɔnini, “Unwoti Katɔti bekyuli bamɛni beeese sɛɛn na lɛlɔ bɔbla sɛɛn ɔdi ɔmmɔ kenye, nsu ama lɛnɔ benye baakya lili kalɔ teete-ɔ aani kalɛ na bana bati kuuku bábla, anwuɔsu muuvele-ɔ nu-ma kɔnyana na eti akyiɛ-ma.”

Israelƒuɔ Bɔlɛ 39:43

Na ka Mose ɔ́sia ala ammɔ ƒui anu na ɔ́nu ka bábla-nya kalɛ kani na Unwoti úbo-nwu ɔda ni, úte Israelƒuɔ kusɛ kusɛ.

Luka 2:34

Na Simon úte-ma kusɛ kusɛ na ɔ́su Maria ɔnini, “Ubi ɔmɛni ɔdi Katɔti Ukyuli Ɔƒunadi. Na ɔdi bɔƒɔ iye bɔyii ute Israelƒuɔ pii na kalɛ na báƒɔ-nwu kenye. Ɔdi bɔnu bɔti bɔni nási Katɔti kudɔ na bekyuli pii badubɔta benye-nwu lɛlɔ.

Luka 24:50

Amu na ɔ́tɔnku-ma na bálɛ Yerusalem ɔma kemmo bésie Betania. Mmɔ na ɔ́kɔliku nwuna enu katɔ na úte-ma kusɛ kusɛ.

Yosua 14:13

Ɔmmɔ kama Yosua úte Kaleb ɔni ndi Yeƒune ubidi kusɛ kusɛ na úti ɔma ɔni baalɔ Hebron úte-nwu ka úti mmɔ ɔbla nwuna kadikɔ.

Yosua 24:28

Amu na Yosua ɔ́ya na ɔdi biala ɔ́tɔlɔ úsie nwuna kalɔ lɛlɔ.

Samuel 1 10:25

Ɔmmɔ kama ni, Samuel lɛnɔ úsie anumi na údie ɔga ɔmmɔ kabla ku nwuna ɔyikun ɔni na ubo ɔ́tina-ma. Na únweni ala ammɔ ƒui ɔ́sia kakunkɛ lɛlɔ na bakono bése sɛsɛɛ na Katɔti anumi. Ɔmmɔ kama ni, Samuel údie-ma ulu na bátɔlɔ bésie bana kɔduli.

Samuel 1 13:2

Saul ɔ́ƒuna bekpone mpim ɛtɛ ɔ́siku Israel. Na bekpone mpim inyɔ basiaku-nwu na Mikmas ku Betel abi kalɛkɛ lɛlɔ. Na apim unwi basiaku ubidi Yonatan na Gibea na Benyamin kalɛkɛ lɛlɔ. Na bekpone bakladi bani ƒui nébu ni, Saul ɔ́ya na bátɔlɔ bésie bana kɔduli.

Samuel 1 2:20

Na Eli uute Elkana ku ulekudi kusɛ kusɛ. Na ɔɔsu-ma ɔnini, “Unwoti ute-mii bebi bamba na bɛwɔ, na ama benye udeedi kenye ka anwu na ƒ'ulekudi úvele Unwoti na úte-nwu, na ɔ́sɔku-nwu úte Unwoti.” Na ɔmmɔ kama ni, baasɔ teenwini teesie bana ɔma.