Yosua 22:11 - Katɔti Ɔku Kedee

¹¹ Na ka Israelƒuɔ bakladi bénu ka bekyuli badi bakya baasu banini, “Rubenƒuɔ ku Gadƒuɔ ku Manase kaba kakɛ bekyuli bátu lɛkpabi bonwu lɛdi bálɛ Kanaan ɔmii lɛlɔ na Yordan kalɛkɛ lɛlɔ na ɔvi ɔni ndi Israelƒuɔ kalɔ” ni,

Yosua 22:11 ပူးပေါင်းရင်းမြစ်များ

Yohane 1:28

Lɛla lɛmɛni lɛ́lɛ na ɔma ɔni baalɔ banii Betania na Yordan Ketu ɔvi. Mmɔ na Yohane útaabla ketu kemmo ntu bɔkpila ɔdi ɔmɛni.

Yohane 20:1

Na Kwasida ɔtanta tutuutu uwi ɔni kemmo na kadi kátabla tɔ nwaa ni, Maria Magdalene úsie kaƒiɔtɔ kammɔ kudɔ na útánu ka lɛtabi lɛni na béti bébi ubu ɔmmɔ kenye lɛsɔ liiibi.

Yohane 20:12

Mmɔ ni, ɔ́nu Katɔti batu inyɔ badi ka bakya lɛwu lɛƒualadi belie mmɔ. Unwi ulie kesii kani na Yesu ɔ́tɛ lili kakɛ, na ɔkladi lɛnɔ ulie úsie lɛgba kakɛ.

Lɛkpa Ulu 12:11

Na Unwoti ɔlati ɔdubudie kesii kadi use na bitaakpa-nwu. Na mmɔ na bɛdubuti bina akpala ani ƒui na úbo-mii ɔda biboku. Na akpala ammɔ ndi akpala akyuladi ku akpala bamba ku bina akɛla lɛkpa leevudi ku bina etela ku etela ani bíse kenye ka bɛdubute Unwoti.

Yosua 2:7

Anwuɔsu bekyuli bani na ɔga ɔ́tala mmɔ bávi balɛ ɔma kayakun kammɔ na bátábi básiaku Israelƒuɔ inyɔ bammɔ. Ka bánya bávi bálɛ kani bákalɛ kayakun kammɔ. Na ɔga batalane bamɛni básia Israelƒuɔ inyɔ bammɔ kama laa bétédu Yordan Ketu kaviakɔ. Nsu bátanu-ma.

Yosua 22:10

Uwi ɔni na Ruben ku Gad kaba ku Manase kaba kakɛ bétéduo Yordan Ketu kalɔ kani nkya Kanaan ni, bekyuli bamɛni bátu lɛkpabi bonwu lɛdi na ketu kammɔ kɔtu.

Yosua 22:16

“Israelƒuɔ ƒui benye Unwoti lɛnyi kemmo beeye-mii lɛla lɛni ɔsu na bɛ́bla lɛla likpidi lɛmɛni udu biti bɛta binye Israelƒuɔ Katɔti lɛlɔ? Ɔsika ɔbladu ɔmmɔ ɔ́ta únye Unwoti lɛlɔ ɔkɛnku lɛkpabi lɛni na bɛ́tu bite lɛlɔ ɔsu! Dɛ na ɔ́bla asa na bínwini kama bɛ́kya-nwu?

Yosua 22:19

Anwuɔsu si kalɔ kani lɛlɔ na bilie kaaadia ka bɛkpa Unwoti ni, bɛta na bibo Unwoti kalɔ lɛlɔ na kesii kani na nwuna kakpakɔ kalɛ. Na bibelie-bu kudɔ. Na bitata bitenye Unwoti lɛlɔ na wabla aani si bula ƒui náta bunye-nwu lɛlɔ. Ɔkɛnku lɛkpabi lɛni na bɛ́tu bite lɛlɔ mɛni biti biibunku bula Unwoti Katɔti lɛkpabi.

Litemi Batɛne 12:5

Na kalɛ na Eƒraimƒuɔ békeli ɔsu ni, Gileadƒuɔ békpo báƒɔ kesii kani na baasia taavia Yordan Ketu. Na si Eƒraim ɔdi ɔɔwia ka ubavi na uvele kuƒi ni, na Gileadƒuɔ banana beeye-nwu banini, “Eƒraimni na adi?” Na ɔdubɔsu ɔnini, “Oowo.”