Ka ɔ́si mmɔ ni, údi úsie abi ammɔ kudɔ na Betel ɔƒɛ katukɔ kakɛ na ɔ́lɛ nwuna adi kevo na mmɔ na Betel ku Ai lɛma ntɛ. Anwuɔsu Betel ɔkya ɔƒɛ kanukɔ na Ai ɔkya ɔƒɛ katukɔ. Mmɔ lɛnɔ ɔ́lɛ lɛkpabi na ɔ́kpali Unwoti.
Na ka Israelƒuɔ bakladi bénu ka bekyuli badi bakya baasu banini, “Rubenƒuɔ ku Gadƒuɔ ku Manase kaba kakɛ bekyuli bátu lɛkpabi bonwu lɛdi bálɛ Kanaan ɔmii lɛlɔ na Yordan kalɛkɛ lɛlɔ na ɔvi ɔni ndi Israelƒuɔ kalɔ” ni,
Amu na Ruben ku Gad kaba ku Manase kaba bekyuli kakɛ bamɛni bénwini bésie bana keliekɔ. Na bada Israelƒuɔ bakladi bákya Silo na Kanaan kalɔ lɛlɔ. Na ama bátɔlɔ bésie Gilead kalɔ kani na Unwoti úbo Mose ɔda ka badubɔƒɔ babla bana kadikɔ.