Yosua 21:2 - Katɔti Ɔku Kedee

² Na básu-ma banini, “Unwoti úbo Mose ɔda ka ni, bete-bu lɛma ku bebuo kadikɔ kɔlɔ na bute bula bebuo.”

Yosua 21:2 ပူးပေါင်းရင်းမြစ်များ

Lewiƒuɔ Ɔda Bubo 25:32

“ ‘Nsu Lewiƒuɔ ama bebo kuƒi uwi biala ka basɔ beye bana lɛtɔ lɛni bete-ma na lɛma lɛni bele bete-ma kemmo.

Mateo 10:10

Na ɔdi biala uteti koƒo utada aani ala bevelene kalɛ. Biteti awu iye lɛgbanvuo lɛbambadi lɛdi iye ugyii ɔdadi. Kabla ɔblane biala ni, nwuna kabla kemmo na ɔdubɔdi.

Galatiƒuɔ 6:6

Ukyuli ɔni na bátina-nwu bɔƒɔtaadi kemmo etemila ni, anwu lɛnɔ ule nwuna akɛla ku ukyuli ɔni mɔɔtina-nwu ala mmɔ.

Yosua 14:5

Na Yosua ku benengu bammɔ béle kalɔ kammɔ béte Israelƒuɔ aani kalɛ na Unwoti úbo Mose ɔda.

Yosua 18:1

Uwi ɔni na Yosua ku Israelƒuɔ békpo báƒɔ kɔlɔ kɔmmɔ ƒui báwɔlɔ ni, amu na Israelƒuɔ bása na Silo na bátu Unwoti Adi Kevo bálɛ mmɔ. Na kalɔ kammɔ kéduo-ma lɛlɔ bɔnu kalɔ na baadi-ka lɛlɔ.

Yosua 21:3

Anwuɔsu kalɛ na Unwoti úbo-ma ɔda mmɔ ɔsu ni, Israelƒuɔ béti lɛma ku kalɔ kani na livo lɛni na bebuo baakun lɛkya béte Lewiƒuɔ bammɔ.