Yosua 21:1 - Katɔti Ɔku Kedee

¹ Uwi ɔni na Israelƒuɔ básala bákya Silo na Kanaan ni, Lewiƒuɔ ɔtɔ benengu bébo Katɔti Ɔkpane Eleasar ku Yosua ɔni ndi Nun ubidi ku Israelƒuɔ kaba benengu kudɔ.

Yosua 21:1 ပူးပေါင်းရင်းမြစ်များ

Ala Kalɔ Buse 49:7

Badubo bɔnuku-ni. Béyi ku kɔnyi kati kati na bebo kalala. Ndubo-ma bugyingya na Yakob badi akɔ. Na lɛgya-ma lɛkya na Israel badi akɔ.

Israelƒuɔ Bɔlɛ 6:14

Na bana atɔƒi benengu anyi ndi ani ndubo mɛni. Israel ubidi udeedi ɔni ndi Ruben bebi ndi Hanok ku Palu ku Hesron ku Karmi. Na ama ndi Ruben ɔtɔ bekyuli bammɔ.

Israelƒuɔ Bɔlɛ 6:25

Na Aaron ubidi Eleasar úti Putiel bebi belekubi bammɔ akɔ ɔdi. Na ɔ́wɔ Pinehas úte-nwu. Na bammɔ ndi Lewi atɔƒi ammɔ bati na adua ammɔ kenye.

Bumomo Bɔka 35:1

Amu na Unwoti útemi úte Mose na Moab kalɔ kani nwi ƒiaa na Yordan Ketu kakɛ kani nde Yeriko ɔnini,

Bumomo Bɔka 35:8

Na lɛma lɛni bɛdubo Lewiƒuɔ bammɔ bute bɛsiku kalɔ kani na Israelƒuɔ badubo bule kemmo ni, bile-ka bite Lewiƒuɔ bammɔ kalɛ kaba biala bumomo buse. Na bidie lɛma pii bɛlɛku kaba kani bekyuli na bana lɛma limomo kemmo. Na bidie lɛma blii bɛlɛku kaba kani na lɛma blii suɛ na bebo kemmo.”

Yosua 14:1

Uwi ɔmmɔ ni, Eleasar ɔni ndi Unwoti Ɔkpane ku Yosua ɔni ndi Nun ubidi ku Israelƒuɔ ɔtɔ benengu béle Kanaan kalɔ béte Israelƒuɔ.

Yosua 17:4

Amu na belekubi bamɛni bésie Katɔti ɔkpane Eleasar ku Nun ubidi Yosua ku Israel batɔnkune kudɔ. Na básu-ma banini, “Unwoti úbo Mose ɔda ka ute abu lɛnɔ kadikɔ kadi aani kalɛ bete bula banwa.” Anwuɔsu kalɛ na Unwoti ɔ́su mmɔ kalɛ ɔsu ni, Yosua úte-ma kadikɔ aani kalɛ na béte bana banwani bananabi.

Yosua 19:51

Egulabi na bátu béle kɔlɔ kɔmmɔ ƒui. Na Katɔti Ɔkpane Eleasar ku Yosua ɔni ndi Nun ubidi ku Israel batɔnkune bani nnye nte Israel kaba bekyuli néle kalɔ kammɔ na Silo na egulabi bɔtu kenye na beti béye Unwoti kasusu. Mmɔ na bátu Unwoti Adi Kevo ɔtɔ bálɛ kesii kani na bátu béte kaba kammɔ ƒui. Na ulu ɔmmɔ lɛlɔ básia asa na bákana kalɔ kammɔ bule báwɔlɔ.