Yosua 2:9 - Katɔti Ɔku Kedee

⁹ “Ngyi ka Unwoti úuti kalɔ kamɛni úte-mii. Ɔsika ukyuli biala ɔni nkya kalɔ kamɛni kemmo ɔtɔtɔ ɔɔgyú-nwu geen ɔ́si amii ɔsu.

Yosua 2:9 ပူးပေါင်းရင်းမြစ်များ

Ala Kalɔ Buse 35:5

Nwuna kama ni, báyu ulu na bátɔlɔ. Na Unwoti Katɔti ɔyikun ɔni na kadi kammɔ bekyuli bánu ɔsu ni, liƒu lɛ́da-ma na Yakob ku anwu badi lɛlɔ ɔsu ni, bátakana na basia-ma kama.

Samuel 2 17:10

Na uwi ɔmmɔ ni, ina ukpone ɔni mbo kayi aani gyata muedi ni, lɛlɔ lɛdubo-nwu bɔtɔ ku liƒu, ɔsika Israelni biala ɔgyi ka ƒ'ɔti ni, ukpone geen na ɔdi na nwuna basiakune lɛnɔ bebo kayi geen.

Baga 2 5:15

Ɔmmɔ kama Naaman ku nwuna bekyuli bani ƒui nsiaku-nwu básɔ bénwini bésie Katɔti ukyuli ɔmmɔ kudɔ. Na úténye-nwu anumi na ɔ́su-nwu ɔnini, “Ɔƒɛni na lɛ́nu lɛ́ti ka Katɔti ɔdi uuubo kayawi uuutulo Israel lɛti pɛ.” Na úvele-nwu ɔnini, “Ƒɔ etela amɛni siku ƒula kabla ɔblane kudɔ.”

Baga 2 7:6

Ɔsika Unwoti ɔ́ya na bénu kɔkun bonwu kɔdi aani bekpone nli bapɔnkɔ ku bapɔnkɔ kɛɛkɛ lɛlɔ ndubo. Na Siriaƒuɔ básu lɛlɔ banii, “Israelƒuɔ ɔga nátákpanku Hetiƒuɔ ku Egyipteƒuɔ baga ku bana bekpone ka bebekpoku-bu.”

Nehemia 6:16

Ka bula bekisine ƒui bénu etemila amɛni ni, liƒu lɛ́da ama ku kadi bamba bekyuli bani ƒui nde-bu. Na ama bani nánu báti ka bula Katɔti kɔnu kɔkya kabla kani bɔ́bla mmɔ kemmo ni, enu áƒɛ-ma.

Ester 8:17

Na geen geen na kɔlɛkɛ kɔmmɔ lɛma linengudi ƒui kemmo ni, Yudaƒuɔ badi limeyi ku ebiti geen na kadi bamba bekyuli badi muedi béti lɛlɔ bénwini Yudaƒuɔ, ɔsika baayia-ma geen.

Hiob 19:25

Ngyi ka mina Udiene ɔkya ɔni na kawɔlɔkɔ ni, ɔdubo ubenye kalɔ kamɛni lɛlɔ.

Kɔgya 112:10

Na balalane badubɔnu ɔmɛni na ɔƒɛ ɔda-ma. Badubɔdu anyi bada na babla lɛla biala. Nsu kɔnu kulétuku-ma lɛla lɛni baawia kudii.

Kɔgya 115:16

Unwoti mɔɔdi lɛlɔ na katɔ kakaaka ƒui. Na úti kalɔ kammɔ ɔ́kya bayawine lɛlɔ bɔnu kalɔ.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Israelƒuɔ Bɔlɛ 23:27

“Ndubo mina liƒu ala butaabla na bina anumi na lɛya na kadi bekyuli bani nkya kɔlɔ kɔmmɔ kemmo ƒui beƒu babla susuusu, na lɛya na ama bani ndi bina bekisine mmɔ benwini kama bakya-mii na bekeli batɔlɔ.

Etemila 8:12

Bɔɔnu kalɛ na bekyuli bekpidi bani muulie taabla ekpidi liti liti taasia kama beelie ngba na uwi uutu ina ka nka básu banii bekyuli bani mɔɔsiaku Katɔti kama siin na baabu-nwu na ala adubo bɔtɛku.

Yesaia 19:1

Linyesia lɛmɛni lɛdanku Egyipte kalɔ lɛlɔ. Bɛnu! Unwoti uli liƒlukutu bonwu lɛdi lɛlɔ, na ɔkɛ ku usi momoomo úsela Egyipte kalɔ lɛlɔ, na lɛlɔ lɛɛtɔ́ Egyipteƒuɔ baƒiɔ ku liƒu bonwu. Na Egyipteƒuɔ bammɔ alati báyɛyɛ, na enu áƒɛ-ma na bɔyia ɔsu.

Yesaia 23:5

Na si kenye kamɛni kétédu Egyipte ka lɛni nébo Tiro lɛlɔ ni, kɔnyana kɔdubo-ma buƒie.

Yeremia 27:5

Na ami nédie kalɔ ku kana bekyuli ku bebuo bammɔ ƒui ɔkɛnku mina ɔyikun lɛlɔ. Na ami mɔɔtina ukyuli ɔni madi kalɔ kammɔ lɛlɔ.

Nahum 2:10

Niniwe ɔdi ɔ́sa ɔƒɛni amu! Bábwɛ ɔma ɔmmɔ, na liƒu bonwu líƒie bekyuli bammɔ na benye baatɔ́ kpakpaakpa, na bana anumi ábla ƒuƒuu na bɔyia ɔsu.”

Bumomo Bɔka 20:14

Uwi ɔmmɔ kemmo Mose ɔ́tala bekyuli badi ɔ́kya Edomƒuɔ ɔga na bátásu-nwu banini, “Ƒ'ɔnwani Israel ɔnini, ‘Agyi lɛbibo lɛni néebo-bu lɛlɔ.

Bumomo Bɔka 20:24

“Aaron ɔdubusie utánwuna ku nwuna bati. Na ɔɔɔdubo buduo kalɔ kani líti muute Israelƒuɔ mmɔ kemmo, ɔsika awɔ Mose ku Aaron bɛ́ta binye mina ɔda bubo lɛlɔ na Meriba Ketudɔ.

Mateo 20:15

Mbo kuƒi na lɛblaku mina egulabi kalɛ na mɔɔyɔ́. Anwuɔsu ɔƒɛ utada-mii na mina lɛƒɔndia lɛlɔ.’ ”

Lɛkpa Ulu 11:25

Na kesi kesii bísela ni, bina Unwoti Katɔti ɔdubɔya na bekyuli bani nlie kɔlɔ kɔmmɔ lɛlɔ bayia-mii geen aani kalɛ na ɔ́su úse. Na uláya na ukyuli ɔdi unye utile-mii ulu.

Lɛkpa Ulu 2:25

Na mɔɔsu-mii nnii ɔ́si ɔmwi ni, ndubuse kalɔ liti liƒu ntaakya kadi biala nkya ɔƒɛ kalɔ lɛlɔ kemmo na amii ɔsu. Badubuteenu bina lɛlɔ litemi na liƒu libendi lɛdubo-ma bɔda na amii ɔsu.”

Lɛkpa Ulu 28:10

Na kayawi bekyuli ƒui badubɔnu bɔti ka Unwoti náƒuna-mii ɔ́bla anwu ɔlati bekyuli. Ɔmɛni ɔsu badubutaayia-mii.

Lɛkpa Ulu 32:8

Uwi ɔni na Unwoti ɔni ntulo ƒui úti kalɔ úte kadi biala bekyuli na uwi ɔni na úle-ma ntɛ ni, ɔ́sia kalɔ kammɔ lɛmii úte bekyuli bammɔ na nwuna badi bumomo kenye na ama alati baƒuna bana unwoti ɔni na beti lɛlɔ bete na utaanu-ma lɛlɔ.

Hebriƒuɔ 11:31

Ɔkɛnku bɔƒɔtaadi lɛlɔ ɔsu na bátadu Rahab ɔni ndi ɔyalɛ mmɔ aani kalɛ na bádu bakladi bani nátaƒɔ Katɔti bátadi. Ɔsika Rahab úgyingya enu na ɔ́ƒɔ Israelƒuɔ batu bani nésie baatú kalɔ kammɔ.

Yosua 2:11

Uwi ɔni na bɔ́nya búnu ala amɛni ƒui ni, ɔtɔtɔ úse kalɔ ɔɔgyú-bu. Na enu ése kalɔ aaƒɛ-bu ɔ́si amii ɔsu. Ɔsika Unwoti Katɔti ɔmɛni ndi katɔ ku kalɔ ɔti.

Yosua 2:24

Na básu-nwu banini, “Bɔɔƒɔ́ taadi ka Unwoti úti kalɔ kammɔ ƒui úte-bu. Ɔsika bekyuli bani ƒui nkya kalɔ kammɔ lɛlɔ ɔtɔtɔ úse kalɔ ɔɔgyú-ma ɔ́si abu ɔsu.”

Yosua 2:8

Na asa na Israelƒuɔ inyɔ bamɛni badubo bɔtɛ usien ɔmmɔ ni, Rahab ɔ́kɔ úsie-ma kudɔ na ɔ́su-ma ɔnini,

Yosua 5:1

Amu ka Amoriƒuɔ baga bani nlie bésie Yordan Ketu ɔƒɛ kanukɔ ku Kanaanƒuɔ baga bani nlie ɛpu amadɔ ƒui bénu kalɛ na Unwoti ɔ́ya na Yordan ɔ́kwii na Israelƒuɔ bésie bávi-nwu kemmo ni, liƒu lɛda-ma geen na enu áƒɛ-ma na Israelƒuɔ bamɛni ɔsu.

Yosua 6:2

Amu na Unwoti ɔ́su Yosua ɔnini, “Líti Yeriko ku nwuna ɔga ku bekpone ƒui mɔɔkya-a enu kemmo.

Yosua 9:10

ku lɛla lɛni na úti ɔ́bla Amoriƒuɔ baga inyɔ bani nélie Yordan Ketu ɔƒɛ katukɔ kakɛ. Na baga bammɔ ndi Ɔga Sihon ɔni nási Hesbon ku Ɔga Og ɔni nási Basan na ɔɔdi lɛga na Astarot.

Yosua 9:24

Amu na Gibeonƒuɔ bammɔ bédie kenye banini, “Ati! Lɛla lɛni ɔsu bɔ́nyi ɔkɔ ɔmmɔ udu ndi ka búnu na ɔdi sɔsɔ ka bina Unwoti Katɔti úbo nwuna kabla ɔblane Mose ɔda ka ɔdubo kalɔ kani ƒui nkya mɛni buti bute-mii. Na ɔdubɔya na bɛdu bekyuli bani ƒui nkya-ka kemmo uwi ɔni na bikpo bisela anumi mɛni. Ɔƒɛni lɛnɔ bɔbla lɛni, ɔsika bɔɔyia-mii geen na bɔgyi ka bula ngba bɔkya ɔgbankpi kemmo.

Yosua 9:9

Amu na bekyuli bamɛni bédie kenye banini, “Ati, buvele bɔda-a, kesii kani na bɔ́si kágyu. Na búnu lɛla biala na bina Unwoti Katɔti ɔ́bla na Egyipte kalɔ lɛlɔ

Litemi Batɛne 7:14

Amu na ɔkpana ɔmmɔ ɔ́su-nwu ɔnini, “Ɔɔɔdi lɛla bamba lɛdi na ánu utulo Yoas ubidi Gideon, Israelni ɔmmɔ kewii. Katɔti úti Midianƒuɔ ku abu bani ƒui násala bɔ́bla unwi mɛni ɔ́kya-nwu enu kemmo.”