Yosua 2:4 - Katɔti Ɔku Kedee

⁴ Nsu Rahab ka úti batu inyɔ bani bási Israel mmɔ ɔ́bala ɔsu ni, údie kenye ɔnini, “Sɔsɔ na ɔdi ka baƒɔ badi bébo mina kaduli bɔdi. Nsu lɛɛɛgyi kesii kani bási.

Yosua 2:4 ပူးပေါင်းရင်းမြစ်များ

Baga 2 6:19

Amu na Elisa ɔ́su bekisine bammɔ ɔnini, “Ɔɔɔdi ulu ɔmmɔ mɛni. Na ɔɔɔdi ɔma ɔmmɔ lɛnɔ na ɔdi. Bɛsiaku-mi na ndubuti-mii ntátina ɔnana ɔni na bɛɛwia.” Na ɔ́tɔnku-ma na bétédu Samaria.

Israelƒuɔ Bɔlɛ 1:19

Amu na beleku bamɛni bédie kenye banini, “Israelƒuɔ beleku beeese aani Egyipteƒuɔ beleku. Bebo ɔlɔkplu ɔkplu. Ɔmmɔ ɔsu asa na buteenu ni, na báawɔ!”

Yakobo 2:25

Lɛni kani na ɔ́lɛku Rahab ɔyalɛ ɔmmɔ. Anwu ku Katɔti ntɛ bɔ́dia ɔkɛnku kalɛ na ɔ́ƒɔ Israel batu bani na bátala ɔsu. Úbunku-ma na bábɛ básia ulu bamba bálɛ bana bekisine enu kemmo.

Yosua 2:3

Ɔmɛni ɔsu Yerikoƒuɔ ɔga ɔmmɔ ɔ́tala bekyuli ɔ́kya Rahab ka basu-nwu banini, “Baƒɔ bani na áƒɔ ákya ƒula kaduli mmɔ ni, búbo na bebo ka bebeyu banu bula kalɔ ƒui. Anwuɔsu die-ma te pla!”

Yosua 2:5

Na uwi ɔni na ɔƒɛ úsela kanukɔ ni, bévele ulu na bátɔlɔ. Na bátɔlɔ asa na bákalɛ ɔma kayakun kammɔ. Na ńteye-ma lɛnɔ kesii kani bésela. Na si bɛ́sia-ma kama kɔnakunwi ngyi ka bɛdubo-ma bɔnu.”

Yosua 6:17

Bɛyila ala ani ƒui nkya ɔma ɔmmɔ kemmo udu na enwini akpala ete Unwoti. Nsu ɔyalɛ Rahab ku nwuna kaduli bekyuli amu ni, bitabla-ma lɛla lɛdi. Ɔsika anwu nábala bula batu bani na bátala na Yeriko.”

Yosua 6:25

Na Yosua ɔ́nu ɔyalɛ Rahab ku nwuna kaduli bekyuli kɔnyana. Ɔsika anwu néti nkyuli inyɔ bani na Yosua ɔ́tala na Yeriko mmɔ ɔ́bala. Na Rahab ɔmɛni kaba bekyuli bamu belie Israel kalɔ lɛlɔ úti úbedu ɔmwi kadi.