Yosua 2:18 - Katɔti Ɔku Kedee

¹⁸ Na ɔmɛni ndi lɛla lɛni na ɔlɛka abla! Si búbeduo kalɔ kamɛni kemmo ni, na eti kɔdi kugyiedi kɔmɛni ebo ada ƒansili ɔni lɛlɔ bɔ́sia bɔɔlɛ́ mɛni lɛlɔ. Na alɔ ƒula ɔti ku uni ku ƒula banwani bananabi ku ƒula ɔtɔ bekyuli ƒui na babasala lisu na ƒula kaduli.

Yosua 2:18 ပူးပေါင်းရင်းမြစ်များ

Ala Kalɔ Buse 12:2

“Ndubɔya na kadi bekyuli pii balɛ basiku-ɔ lɛlɔ. Na ndubute-ɔ kusɛ kusɛ. Ndubɔya na aƒɔ lɛnyi geen, na bekyuli badubɔsia-a lɛlɔ na bakɛ kusɛ kusɛ

Ala Kalɔ Buse 7:1

Ɔmmɔ kama ni, Unwoti ɔ́su Noa ɔnini, “Ti awɔ ku ƒula kaduli bekyuli ƒui na bitéduo ɔkɔlɔ ɔmmɔ kemmo, ɔsika lɛ́nu ka awɔ kani nse siin na kaba kamɛni bekyuli akɔ.

Ester 8:6

Ɔsika lɛɛɛdubo bɔkana bulie bɔnu na ɔgbankpi bonwu ɔmɛni udu ubo mina kadi bekyuli lɛlɔ na bakyula-ma ƒui.”

Israelƒuɔ Bɔlɛ 12:13

Na uwi ɔni mɔɔní Egyipteƒuɔ kɔtu ni, ubugya ɔni bɛ́kuna bíwi bina kɔyakun ndubɔbla bina likposela ka amii nlie mmɔ. Na si lɛ́nu ubugya ɔmmɔ ni, ndububo lɛvi-mii lɛlɔ, na naaabla-mii lɛla lɛdi.

Lɛnu Ƒui Ɔnu 4:3

Ƒula kenye kemodi kammɔ kese munu munu. Na enyekuli egyiedi ani na ese aani adi abuni ƒui aduni gyie wɛlɛ wɛlɛ anyɔ ékulo-nwu kemmo. Na lɛduni lɛni na libi-ɔ anumi ni, ƒula akpu munu munu suɛlɛ suɛlɛ ani mɔɔtu ubu aatina ana bɔdia.

Lewiƒuɔ Ɔda Bubo 14:4

ɔkpane ɔmmɔ ɔsu ukyuli ɔmmɔ na beti baasɛ babuni inyɔ bani neeese lɛlɔ ku kegyikɛ ku lɛdiku ligyiedi ku hisope na beti babla-nwu sɛɛn bɔbla ɔdi ɔmmɔ.

Bumomo Bɔka 19:6

Na ɔmmɔ kama Eleasar ɔwia kegyiikɛ kadi ku hisope ku kabuli kegyiedi kadi na ubo-nya ɔkya ogya ɔmmɔ kemmo.

Bumomo Bɔka 4:8

Na beti kɔdi kugyiedi bewi ala ammɔ lɛlɔ na beti ketu kemmo bebuo benengudi lɛku buni bebi-nwu lɛlɔ. Na beti ligyii gyɔlɔɔ lɛni na beeti taagyu-nwu bakya-nwu lɛƒɛnyi.

Luka 19:9

Mmɔ na Yesu ɔ́su-nwu ɔnini, “Ɔmwi ni, ngba bɔƒɔ búbo búbedu kaduli kamɛni kemmo. Ɔsika ukyuli ɔmɛni lɛnɔ ɔdi Abraham kaba kemmo ubi.

Batalane Kabla 10:27

Na ɔmɛni ɔsu ni, ɔ́ta únye. Na ka bátɛmi blii ni, Kornelio útiku-nwu úsienku kesii kani na bekyuli bakladi bása belie.

Batalane Kabla 10:33

Ɔmɛni ɔsu na lɛ́tala lɛni babalɔ-ɔ, na awɔ lɛnɔ ábla kaduɛ ka áta lɛgba lɛgba ébo. Anwuɔsu na bulie bɔgya-a na Unwoti anumi ka abasu-bu litemi lɛni na ɔ́su-ɔ ɔnii su-bu.”

Batalane Kabla 11:14

Na anwu matina kalɛ na wabla na awɔ ku ƒula kaduli bekyuli ƒui bɛdubɔkɛ bɔƒɔ.’

Timoteo 2 1:16

Muuvele Katɔti nnii ɔnu Onesiƒoro ku nwuna kaduli bekyuli kɔnyana, ɔsika kɔƒa kútekpo-nwu na mina lɛlɔ aani ɔtɔntɛne kalɛ. Mmomu ɔ́kya-mi lɛlɔ na úbunku-mi kaduɛ.

Hebriƒuɔ 9:19

Kudeedi ni, Mose úbo ɔda ute bekyuli na ala ani mɔɔbala na ɔda bubo bɔmmɔ kenye. Ɔmmɔ kama ni, úti bese ku bakɔ ubugya ɔ́salaku ntu na úti ɔ́kuna ubugya ɔmmɔ úwi ɔda bubo ɔku ɔmmɔ lɛlɔ ku bekyuli bammɔ ƒui lɛlɔ. Na úti unwo ugyiedi únyimi evete ani baalɔ bani hisope na úti ɔ́bla ɔdi ɔmmɔ.

Yosua 2:21

Anwuɔsu Rahab únu kalɔ na ɔ́ya na bátɔlɔ. Uwi ɔni bátɔlɔ ni, Rahab úbo kɔdi kugyiedi kɔmmɔ ɔda ƒansili ɔmmɔ lɛlɔ.

Yosua 6:23

Anwuɔsu bésie na bétédie Rahab ku ɔti ku uni ku nwuna banwani bananabi ku nwuna kaduli bekyuli ƒui. Na bátáwia-ma kakyakɔ na Israelƒuɔ kakyakɔ kudɔ.

Yosua 6:25

Na Yosua ɔ́nu ɔyalɛ Rahab ku nwuna kaduli bekyuli kɔnyana. Ɔsika anwu néti nkyuli inyɔ bani na Yosua ɔ́tala na Yeriko mmɔ ɔ́bala. Na Rahab ɔmɛni kaba bekyuli bamu belie Israel kalɔ lɛlɔ úti úbedu ɔmwi kadi.